Jaietako txapelketako argaki gehiago

(leer en español)

2012 Hondarribiko Gaztelua II. Xake Aktibo Txapelketako irabazleak.
Ezkerretik eskuinera: Jose Luis Alustiza (60urte gorako lehena), Daniel Garmendia (16 urte azpiko onena), Goio Uriarte (Txapelketako antolatzailea), Carlos Cruz-Lopez (TXAPELDUNA), Luis Olaizola (Azpi-txapelduna), Pablo Zuñiga (1700 ELO azpiko onena), Jose Ramon Ros (3. sailkatua) eta Txomin Sagarzazu (Hondarribiko Udaleko Kultura eta Kirola Zinegotzia)

Arestian aipatu  genuen bezala, Hondarribia-Marlaxka Xake Elkarteko hainbat lagunek txapelketan argazkiak atera zituzten. Gaurkoan Julian Lazkanotegirenak jartzen ditugu.

This slideshow requires JavaScript.

JL Fotografía

Gure jokalarien emaitza onak XXII. Nazioarteko Groseko Xake Irikian

(leer en español)

Gaur 2012ko irailaren 28an XXII Nazioarteko Groseko Xake Irikia – XII Javier Luengo Vazquez Oroigarria gure taldeko Andoni Oruberen eta Oscar Holgadoren parte hartzearekin amaitu berri da. Alejandro Franco MI-ak garaipena lortu du, nahiz eta, Iñigo Argandoña MI-arekin 8 partidatik 7na puntura berdindu duen,  desenpate hobeagoa zuelako.

AZKEN SAILKAPENA eta txapelketaren bestelako datuak (Chess-Results)

Esan bezala, gure taldekideen emaitzak oso onak izan dira. Oscar (Oscarren emaitza: +1=3-4) bere bizitzan jokatu duen bigarren Nazioarteko Opena izan da eta partida guztiak irabazten adoretsu saiatu bada ere, azkenean 8 partidatan 2,5 puntu lortu ditu, bera baino ELO handiagoa duten jokalarien aurka. Andonik sasoi onean dagoela ongi erakutsi du eta igandean Berlingo Maratoian lasterka egitera joan delako,  gaurko partidara jokatzerik izan ez badu ere, txapelketako 7 partidatan 4,5 puntu lortu ditu, irabazita zuen partida bat bakarra galdu duela (Andoniewn emaitza: +3=3-1).

Txapeldunari zorionak, saridunei eta gure taldekoei egindako lan txukunagatik ere!

This slideshow requires JavaScript.

Mariano Oterok Altzan Txapelketa bat irabazi du

(leer en español)

Pasa den asteartean, irailaren 18an, Gipuzkoako Erretiratu eta Pentsiodunen Elkarteak urtero antolatzen dituen txapelketetako finalak Altzan burutu ziren.

Mariano Otero Kasino Zaharreko atarian irabazitako garaikurrarekin.

Xakean Mariano Otero, gure elkarteko kidea,  Kasino Zaharreko ordezkaria izan zen eta txapelketa irabazi zuen Juan Bautista Aranzabe, Tolosaldeko ordezkaria finalean garaitu eta gero.

Mariano Oterori lortutako garaipenagatik zorionak ematen dizkiogu eta, baita finalean aritutako Juan Bautista Aranzaberi ere, Gipuzkoako Xake Federakuntzako Presidente izan zen garaietatik gure elkarteko azpaldiko laguna baita. Besarkada handi bana bioi!

This slideshow requires JavaScript.

Jaietako xake txapelketako Chess-Results lotura

(leer en español)

Kaixo guztioi,

Gure epaile hiruko prestuak II. Hondarribiko Gaztelua Xake Aktibo Txapelketaren emaitzak Chess-Resulten Webgunean jarri dituzte eta esan bezala, lotura eskuragarri jartzen dizuegu:

Txapelketako Chess-Results lotura

Berriro ere babesleen laguntza eskertu nahi dugu eta laguntzaile eta jokalariei beren parte hartzea eskertu.

 

Ramon Noguesek hartutako irabazleen argazkia

 

2011ko edizioa:

2011ko txapelketaren berrietara  lotura eta “Hondarribiko Gaztelua” I. Xake Aktibo Txapelketako chess-resultsera lotura

Azken txostena eta argazki batzuk

(leer en español)

Bere momentuan esan bezala, Hondarribiko Jai Nagusiak amaitu eta gero, txapelketako epaile nagusia izan den Juanjo Escribanoren txostena eskuragarri jartzen dizuegu. Era berean Elisabet Seinek ateratako argazkiak ikuskagai dituzue.

PDFra Sarbidea: Hondarribiko Gaztelua Xake Txapelketa 2012ko Txostena

This slideshow requires JavaScript.

Gutxi barru, Chess-Resultserako lotura eta jasotzen ari garen argazki batzuk emango dizkizuegu.

Jaietako txapalketako irabazleak

(leer en español)

Espres erreportajea

Gaur goizean, 2012ko irailaren 2an, igandea, Hondarribiko Gaztelua II. Xake Aktibo Txapelketa burutu da Hondarribiko Paradoreko tapizen gela ikusgarrian. Euskal Herriko paraje ezberdinetatik etorritako 48 xakelari lehian aritu dira, goizeko 9:30etik hasita arratsaldeko 14:30era arte. Jokalari bakoitzak, 6 partida jokatuko ditu, suitzar sisteman, partidako 20 minutu izan dituela.

Sailkapen Nagusiaren PDF-a hemen duzue eskuragarri: AZKEN SAILKAPENA

Epaile lanetan luxuzko taldea izan dugu Juanjo Escribano (Nazioarteko mailako FIDE Epailea) entzutetsuak, Enrike Oiartzabal (Nazioarteko mailako FIDE Epailea) eta Javier Oyarzabal lagun izan baititu. Egun Euskadiko txapelduna den MI Mikel Huerga nafarrak azken momentuan bertaratzerik izan ez ba du ere, txapelketaren maila handia izan da eta lehia gogorrean aritu dira Euskal Herriko paraje ezberdinetatik etorritako jokalariak.

Hondarribia-Marlaxka Xake Klubeko presidenteak eta Txomin Sagarzazu, Hondarribiko Udaleko Kultura eta Kirola Zinegotziak aritu dira sariak banatzen.

Jarraian II edizio honetako irabazleen taula jartzen dizuegu eta hemendik gutxira txapelketako txosten osoa eta jokalarien argazkiak jarriko ditugula gogorarazten dizuegu.

1go sailkatua: 150€ eta garaikurra: Carlos Cruz-Lopez Claret
2.en sailkatua: 75€ eta garaikurra: Luis Olaizola Ortega
3.en sailkatua: 50€ eta garaikurra: Jose Ramon Ros Eskisabel

Carlos Cruz-Lopez irabazleak garaikurra jasotzen

 Sari bereziak:
– 1700 ELO edo gutxiago duen 1go sailkatua, garaikurra: Pablo Zuñiga Catalan
– 16 urte baino gutxiago duen 1go sailkatua, garaikurra: Daniel Garmendia Zubeldia
– 60 urte baino gehiago duen 1go sailkatua, garaikurra:  Jose Luis Alustiza Urkia

Jaietarako Hondarribia-Marlaxka Xake Klubak antolatu duen ekintza honek Hondarribiako Udala, Paradorea, Gipuzkoako Xake Federakuntza, Amaiur Altzariak, Hondar Jatetxea, Muxu Moda eta Totem Comunicación enpresen laguntza estimagarria izan du.

Guztiei mila esker.