Taldekako Eskolarteko Txapelketan emaitza bikainak, alebinetan txapeldunak eta infantiletan txapeldunordeak

(leer en castellano)

Gipuzkoako Xake Federakuntzak antolatuta, gaur, apirilak 28, igandea, Gipuzkoako Eskolarteko Banakako Txapelketa burutu da, aurretik zonalde bakoitzean sailkatutako eskolen ordezkariekin Gros Xake Taldearen egoitzan.

 

Gure elkarteko kide, jokalari eta haurren oinarrizko monitorea den Julio García Caberok gidatutako espedizioaren lana bikaina izan da eta asteburu honetan izandako Gipuzkoako eskolarteko txapelketari amaiera bikaina eman dio. Hondarribia-Marlaxka xake elkarteak egun burutzen ari duen lanaren erakusgarri.

Gure elkarteko jokalariez osatuta Bidasoaldeko ordezkari izan diren Irungo eskoletako bi taldeek sari potoloak ekarri dituzte etxera. Alebin mailan txapelketa irabazi dute eta Infantil mailan bigarren postua lortu dute.

Guztiei burututako lanagatik Zorionak!

 

Alebin mailan gure klubeko jokalariak diren Ander Tafallek, Patxi Morenok, Odei Letek eta Mikel Herrerok Irungo Toki-Alai (1) txapeldunak izan dira eta ondoren Zurriola C (2), Gros (3), San Patricio (4), Goierri (5) eta Santikutz (6) taldeak sailkatu dira.

Infantil mailan, gure klubeko jokalariak diren Ibai Dorronsorok, Ander Urangak, Pablo Basurkok eta Iñigo Almazanek osatzen zuten Irungo La Salle (2)  txapeldunordeak izan dira, Gros A txapeldunaren atzetik eta Gros B (3), Jesuitinas (4) eta Legazpiko La Salle Ikastolaren (5) aurretik.

Egun gertatutako kronika hau osatzeko Oscar Holgadok eta Mikel Tafallek goizen ateratako argazki sorta dituzue.

Gogoan izan datorren asteburuan, maiatzaren 4an, Bidasoaldeko III. Xake Errepublikazale Txapelketa burutuko dela.

Joko maila ona eta podiumean postu bat Gipuzkoako Eskolarteko Banakako Txapelketan

(leer en castellano)

Gipuzkoako Xake Federakuntzak gaur burutu du aurretik zonalde bakoitzean sailkatutako haurrekin, Gipuzkoako Eskolarteko Banakako Txapelketa Gros Xake Taldearen egoitzan. Bost txanden ondoren dagoeneko baditugu Euskadikoa jokatzeko sailkatu direnen izenak eta 2013ko Gipuzkoako Banakako Xake Txapelketako irabazleak:  Alebinetan, Miguel Aroztegi (Beasain) da eta Infantiletan,  Jose Luis Muñoz (Donostia).

Gure ordezkariek gogotsu joan dira, sasoian daudelako, eta goizeko hiru txanden ondoren, sailkapenaren lehen postuetan zeuden, txapelketa irabazteko aukera handiekin. Bazkaldu ondoren, indarrak hartuta, gogor aritu dira, maila ona erakutsiz, baina, tamalez, gure ordezkari guztiek egindako lan politak ordainetan podiumeko postu bakarrarekin saritua ikusi dute, Patxi Morenok, Alebinetan bigarren postua lortu baitu. Gure jokalari guziek egin duten lan eskergarengandik  sari txikia lortu dutela uste dugu, baina kirola horrelakoa da.

Antolatzaileei egindako lana eskertzen diegu eta bertan parte hartu duten Gipuzkoako jokalari guztiei ere, emandako erakustaldiagatik, Zorionak luzatzen dizkiegu!

Alebin mailan 18 gazte lehiatu dira eta  Patxi Moreno-k bigarren postua lortu du (Euskadiko txapelketarako sailkapena lortuaz) eta Ander Tafall-ek seigarren postua lortu du. Izen bakoitzaren gainean sakatuz egindako lanaren laburpena duzue.

2013ko Gipuzkoako Banakako Eskolarteko Alebin Txapelketako podiuma:

Rk.		IZENA	FED	Elo	Ptk.	Des 1	Des 2	Des 3
1		AROZTEGI Miguel	Bea	0	5.0	15.5	10.0	15.0
2		MORENO Patxi	Irú	0	4.0	16.5	9.5	14.0
3		MATEOS Eneko	Are	0	4.0	16.0	9.0	12.0

Ondorengo loturan Alevin mailako Sailkapen Orokorra.

Infantil mailan 16 gazte izan ditugu etaIbai Dorronsoro (Euskdiko txapelketara joateko eskubidea lortu du) laugarren sailkatu da eta Ander Uranga bederatzigarren. Izen bakoitzaren gainean sakatuz egindako lanaren laburpena duzue.

2013ko Gipuzkoako Banakako Eskolarteko Infantil Txapelketako podiuma:

Rk.		IZENA	FED	Elo	Ptk.	Des 1	Des 2	Des 3
1		MUÑOZ José Luis	Don	0	4.5	14.5	8.0	0.0
2		ELIAS Unai	Urr	0	4.5	13.0	8.0	0.0
3		MARTÍN Ander	Zar	0	3.5	10.5	7.0	0.0
		i

Ondorengo loturan Infantil mailako Sailkapen Orokorra.

Ondoren txapelketaren argazkiak erakusten dizkizuegu (argazkilariak: Andoni Orube eta Milkel Tafall):

Bihar eta etzi Gipuzkoako Eskolarteko Xake Txapelketak burutuko dira

(leer en castellano)

Apirileko 27an eta 28an Gros Xake Taldeak Donostiako Karmelo Balda pilotalekuan duen egoitzan taldekako eta banakako Alebin eta Infantil mailetako Gipuzkoako Eskolarteko Xake Txapelketa burutuko da eta bertan gure taldeko ordezkariak izango ditugu.

Banakako txapelketan Alebin mailan: Ander Tafall eta Patxi Moreno.

Banakako txapelketan Infantil mailan: Ibai Dorronsoro eta Ander Uranga.

Taldekako Txapelketetan Irungo Ikastetxeetako ordezkari bi izango ditugu: La Salle ( Iñigo Almazán, Ibai Dorronsoro, Mikel Perez, Pablo Basurko eta Ander Uranga jokalariek osatutako Infantil mailako taldea) eta Toki Alai (Ander Tafall, Odei Lete, Patxi Moreno eta Mikel Herrero jokalariek osatutako Alebin mailako taldea).

Zorte on guztioi!

 

Antolatzailea den GXF-FGA-ren webgunera lotura: HEMEN

Bihar gure taldeko jokalari batzuen parte hartzearekin XI. Groseko Udaberri Xake Irekia hasiko da

(leer en castellano)

Gure taldeko ordezkari batzuen parte hartze animatuarekin hasiera emango zaio bihar Gros Xake Taldeak antolatzen duen 9. Udaberriko Xake Irekiari.

Txapela lortzeko faborito nagusia Donostiako IM Iñigo Argandoña  dugu, baina horretarako gogor aritu beharko da, pasa den urtean garaipena lortu zuen Villabona Xake Joku Taldeko José Luis Guijarrok lehian izango duelako, hala nola jokalari zerrenda osatzen duten beste 94 aurkari gogotsu.

txapelketa apirilaren, 20an eta 27an; maiatzaren 4n, 11n, 18an eta 25ean; eta ekaineko 1ean eta 8an; larunbatetan burutuko da, Gipuzkoako hiriburuko Karmelo Balda pilotalekuan Gros Xake Taldeak duen egoitzan. Partidak arratsaldeko 17:00etan hasiko dira eta joko erritmoa 1 ordu 30’ + 30’’ jokaldiko izango da.

 

Txapelketa honetan parte hartzen duten gure taldeko partaideak ondorengoak ditugu: Daniel Garmendia (hasiera rankingeko 42. Postuan), Oscar Holgado (59.), Mariano Muriel (69.) Bidasoaldeko ordezkarien zerrenda Silvestre Moreiro (51.) erregaitza osatzen du. Guztioi zorte ona opa diegu!

________

Gogoan izan:

Txapelketako informazio guzia (jokalariak, parekatzeak, emaitzak, e.a.): GXT

Zuzenean partidak ikusteko: GXT

Azken txanda. Bi garaipen eta bi porrot. Gipuzkoako urrezko mailako txapelketaordetza lortu da

(leer en castellano)

Gaur azken jardunaldia jokatu da: Gipuzkoako taldekako gorengoen eta lehen mailako hamaikagarren jardunaldia eta play offetako laugarrena. Preferenteko taldeak etxean iparraldeko Baionako taldearen aurka garaipena lortu du 3’5-0,5eko emaitzarekin. Lehenengo mailako taldekoek etxean liga irabazi duen Billabona A-ren aurka 1-3  galdu dute. Hondarribia-Marlaxka C taldeak Billabonan galdu egin du 2.5-1,5 hango C taldearen kontra. Gure hirugarren mailako ordezkariak igoera play offean Tolosan 1-3 garaitu du Tolosa-Ibarra B taldea.

Horrela, gure lehen taldeak, preferentean jokatu duenak,  Gipuzkoako urrezko mailan bigarren postua lortu du, merezimenduz liga irabazi duen Urnietaren atzetik, azken honek Euskadiko Ligarako igoera irabazi du, zorionak!. Lehenengo mailako gure taldeak lan txukuna burutu eta gero bosgarren postua lortu du. maila honetan Billabona izan da txapeldun. Bigarren maila mantentze play offeko gure C taldeak bigarren postuan bukatu du, agerian utziz ligako azken jardunaldietan izandako zorte txarrarengatik igoera play offerako sailkatu ez zela.  Gazte eta beteranoz osatutako hirugarren mailako taldeak igoera play offean lan polita egin du, gure harrobiaren egoera osasuntsua nabarmenduz,  eta merituzko laugarren postuan bukatu du txapelketa.

11. JARDUNALDIA (2013/04/13)

Maila: Gorengoena. Txanda 11/11. Tokia: Hondarribia

Taula	Hondarribia-Marlaxka A	3½	Emai.	½	Baiona ‘A’
1	Manu Mayo	T	1–0	B	Alain Darrigues
2	Francisco  Javier Torres	B	1–0	T	Bernard Daubas
3	Antonio Cruz-Lopez	T	1–0	B	Jean Paul Tholey
4	Daniel Garmendia	B	½–½	T	Jean Philippe Galhaud

________

Maila: Lehenengoa. Txanda 11/11. Tokia: Hondarribia

Taula	Hondarribia-Marlaxka  ‘B’	1	Emai.	3	Billabona’A’
1	Ramon Nogues	T	0 – 1	B	José Luis Guijarro
2	Andoni Orube	B	½–½	T	Unai Iraola
3	Iker Arri	T	½–½	B	Jose Antonio Munita
4	Mikel Labayen	B	0 – 1	T	Ernensto Fuente

________

Paly Offa: Bigarrena maila mantentzea. Txanda 3/4. Tokia: Billabona

Taula	Billabona ‘C’	2½	Emai.	1½	Hondarribia-Marlaxka ‘C’
1	Aitor Alkorta	T	1 – 0	B	Manolo Delgado
2	Iker Rezola	B	½ – ½	T	Ricardo Campos
3	Aingeru Martínez	T	1 – 0	B	Paulo Manterola
4	Iñigo Arin	B	0 – 1	T	Carlos Pascual

________

Play Offa: Bigarren mailara igotzea. Txanda 3/4. Tokia: Tolosa

Taula	Tolosa-Ibarra ‘B’	1½	Emai.	2½	Hondarribia-Marlaxka ‘D’
1	Ramon Etxeberria	T	1 – 0	B	Julio G. Cabero
2	Mikel Arechaga	B	0 – 1	T	Ibai Dorronsoro
3	Oier Otxoa	T	0 – 1	B	Ander Uranga
4	Iker Artola	B	0 – 1	T	Fernando Hoyos

________

Gogoan izan:Ligako informazio guzia (taldeak, jokalariak, egoitzak, arautegia, e.a.): GXF

Ligako emaitza eta sailkapenak: Kirolak.net

Taulen araberako emaitzak: Chess-Results

________

Gogoan izan:Ligako informazio guzia (taldeak, jokalariak, egoitzak, arautegia, e.a.): GXF

Ligako emaitza eta sailkapenak: Kirolak.net

Taulen araberako emaitzak: Chess-Results

________

Azken txandan Hondarribiko eta Billabonako bi taldeek elkarren aurka aritu behar zutelako, bi taldeetako ordezkari batzuei anaiasun afari bat egitea bururatu zitzaien eta bi klubetako A, B eta C taldeetako ordezkari batzuk bildu ziren. Afarian ateratako argazkiak jasotzen ditugun heinean hemen zintzilikatuko ditugu:

Ricardo Campos gure taldekideak liburu bat argitaratu behar du

(leer en castellano)

Pasa den igandean Zornotzan Santiago González de la Torrek Euskadiko Xake Txapelketa Nagusia lortu bazuen, datorren larunbatean 2013. urteko Gipuzkoako maila ezberdinetako ligetako azken jardunaldia izango dugu.

Ligako azken txandako berriak eman artean gure taldekidea den Ricardo Camposek datorren apirilaren 27an,  goizeko 11:45ean, Irungo Ikust-Alaia Udal Liburutegian aurkeztuko duen liburuaren berri ematen dizuegu. Izenburua “La Aventura de la Pieza Real Decapitada” da. Bertan protagonista Fernando Robles XIX. mendeko ikertzailea da, eta abentura honetan militar espainiar batek, heriotza ekiditeko, kontratatu egiten du.

Liburua (neurriak: 14,5 x 21; orriade kopurua: 80) egilearen eskutik lortu ahal izango da 8€tan, eta aurretik erreserba egin dutenek 6€tan.  Hartarako 629.845183 telefonora deitu, edo ricardo_campos72@hotmail.es helbide elektronikora idatzi.

Ricardo Campos Urbaneja (1972/03/10, Donostia) Bidasoako idazle eta olerkaria da. Hondarribia-Marlaxka Xake Klubeko kidea.

Bidasoaldeko III. Xake Errepublikazale Txapelketa

(leer en castellano)

1.931. urteko apirilaren 14ean II. Errepublikaren aldarrikapena egin zeneko 82. urtemuga dela eta Nicolas Guerendiain irungo errepublikar elkarteak maiatzaren 4an  antolatzen duen FESTA ERREPUBLIKARRAREN barnean “Ricardo Sánchez Urolategui oroigarria” haur eta gazteentzako xake txapelketa antolatzen laguntzen du gure klubak.

EGUNA: Maiatzak 4.

IZEN EMATEKO EPEA:Apirilak 26

LEKUA:Frontoi Txikia eta Urdanibia Plaza (Mosku). IRUN.

PARTADIEAK: Benjaminak, Alebinak eta Infantilak

JOKU ARAUAK: Denborarik gabe. Suitzar SISTEMA.

Izen ematea: kabero53@hotmail.com helbidera mezua bidaliz.

ORDUTEGIA:

16:00 Hasiera.

20:00 Sari Banaketa.

2012ko edizioko informazioa gure webgunean