2013 Gipuzkoako banakako txapelketak martxan daude!

(leer en español)

Abendurate ondorengo asteburuetan Gipuzkoako banakako maila ezberdinetako txapelktak burutuko dira eta taldeko ordezkariak izango ditugu maila guztietan.

Gipuzkoako Xake Federakuntzako 2013. urteko denboraldiko Txapelketen datak eta tokiak.

NAGUSIA ETA LEHEN MAILA: urriaren 5, 12, 19 eta 26an eta azaroaren 2, 9 eta 16an. GROS X.T., Donostia
BIGARREN MAILA: urriaren 5, 12, 19 eta 26an eta azaroaren 2, 9 eta 16an. GROS X.T., Donostia
HIRUGARREN MAILA: urriaren 5, 12, 19 eta 26an eta azaroaren 2, 9 eta 16an. GROS X.T., Donostia
KADETEENA: urriaren 6, 13 eta 20an; azaroaren 10, 17 eta 24an. GROS X.T., Donostia
JUBENILAK: abenduaren 22, 23, 26, 27, 28, 29 eta 30ean. GROS X. T., Donostia
BETERANOAK: abenduaren 22, 23, 26, 27, 28, 29 eta 30ean. GROS X. T., Donostia
BANAKAKO LASTERRAK: Abenduak 14. IBARRAKO X. E., Ibarra

Guztiok pasa den urteko emaitzak berdintzea zail izango dugula dakigun arren, lan txukuna egiten saiatuko gara eta antzeko emaitza bikainak lortzen:

• 1. postua hirugarren mailako txapelketan.
• 2. postua bigarren mailako txapelketan.
• 3. postua beteranoen txapelketan.
• 1. postua juvenil mailako txapelketan.

2012an banakako Gipuzkoako txapelketetan saritutako gure jokalarien argazki batzuk

Guztioi opa diegu,

Zorte on eta batez ere ondo pasa dezatela!

Advertisements

XXIII. Nazioarteko Groseko Xake Irikian Jose Luis Guijarro garaile. Gure jokalariek emaitza onak lortu dituzte

(leer en castellano)

Gaur 2013ko irailaren 27a, XXIII Nazioarteko Groseko Xake Irikia – XIII Javier Luengo Vazquez Oroigarria gure taldeko Andoni Oruberen, iker arriren, Sergio Sanmateu eta Javier Azcueren parte hartzearekin amaitu berri da. Jose Luis Guijarro Billabonako gure lagunak  garaipena lortu du, nahiz eta, Diego del Rey MI-rekin 9 partidatan 7na puntura berdindu duen, desenpate hobeagoa zuelako. Podiumeko hirugarren postuan gure beste lagun bat izan genuen, Juan Manuel Riesco, txapelketan 6,5 puntu lortu eta gero.

AZKEN SAILKAPENA eta txapelketaren bestelako datuak (Vesus)

Esan bezala, gure taldekideen emaitzak onak izan dira. Andoni Orube-k, txapelketako 23 . postuan hasi bazuen ere, bost puntu lortu eta gero, 14. postua lortu du. Sergio Sanmateu-k, txapelketa 34. hasi zuen eta 4,5 puntu egin ondoren 22 postua lortu du. Iker Arri, txapelketako 29.ak amaierako sailkapenean postu irabazi du eta 28. izan da, 4 puntu lortu eta gero. Javier Azcue-ren lana azpimarragarria izan da. Bere bizitzan jokatu duen lehen Nazioarteko Opena izan da eta partida guztiak irabazten adoretsu saiatu bada ere, azkenean 9 partidatan 2,5 puntu lortu ditu eta jokalarien zerrendako azken postuan txapelketa hasi bazuen ere, merituzko 42. postua lortu du amaieran.

Jarraian Iker Arrik, Andoni Orubek eta Sergio Sanmateuk ateratako argazkiak jartzen ditugu:

Txapeldunari zorionak, saridunei eta gure taldekoei egindako lan txukunagatik ere!

III. Hondarribiko Gaztelua Txapelketako azken txostena eskuragarri duzue

(leer en castellano)

Duela aste batzuk hitz eman bezala, azkenean, Juanjo Escribano epaile nagusiak egindako Hondarribiko Gaztelua Xake Aktibo Txapelketaren emaitza guztiak jasotzen dituen txostena eskuragarri jartzen dizuegu:

III. Hondarribiko Gaztelua Xake Aktibo Txapelketaren Txostena

eta berria Julián Lazkanotegi argazkilariaren erreportajearekin osatzen dugu:

Guztioi gogoratzen dizuegu txapelketa gure babesle-laguntzaileei esker burutu dela:

Hondarribiko Udala

Parador Carlos V de Hondarribia

Federación Gipuzkoana de Ajedrez

Muebles Amaiur  (Hondarribia)

 

Restaurante Hondar (Hondarribia)

Hiruzta Txakolindegia (Hondarribia)

Txantxangorri taberna jatetxea (Hondarribia)

Aitz Arrieta pastor de Hondarribia

Tótem Comunicación: diseño gráfico, impresión e internet (Oiartzun)

Babesleei, laguntzaileei, epaileei eta parte hartu zenuten guztioi, berriro ere,

Mila esker!

Gure promesa gaztetxoen emaitza bikainak asteburuan

(leer en castellano)

Gure taldeko jokalari heldu batzuek (Andoni Orube, Iker Arri, Sergio Sanmateu eta Javier Azkue) Groseko Nazioarteko XXIII. txapelketan parte hartzen ari diren bitartean (txapelketa amaitzerakoan gertatutakoaren berri emango zaizue), gure etorkizuneko txapeldunek 16 urtetik beherakoentzako Gros Xake Taldeak, asteburu honetan Donostian, irailaren 20 eta 21ean,  antolatu dituen bost minutuko “tximista partida azkarretako” bi txapelketetan parte hartu dute eta Gipuzkoatik etorritako beste gaztetxoekin lehiatu eta gero, baita garaipena lortu ere:  Ander Tafallek ostiralean eta Patxi Morenok larunbatean. Gure taldeko beste ordezkarien, Jon Irigarayren eta Iñaki Morenoren, lan txukuna ere aipatzekoa izan da.

Irailaren 20an, 17:30ea, Aieteko Jauregian dagoen Kultur Etxean burututako bost txandetako txapelketan Ander Tafallek txapelketa irabazi zuen partida guztiak irabazi eta gero.

Gure beste jokalarien lana polita izan zen: Patxi Morenok lau puntu lortu zituen, Jon Irigarayk eta Iñaki Morenok hiruna puntu egin zituzten.

Irailaren 21ean, igandean 10:30ean, Gros Xake Taldeko Donostiako egoitzan, sei txandetara jokatutako txapelketan 5,5 puntu lortu eta gero Patxi Morenok garaipena lortu zuen.

Txapelketa honetara bertaratutako gure beste ordezkariek, berriro ere, lan txukuna egin zuten eta Ander Tafallek eta Jon Irigarayk 3,5 punturekin amaitu zuten txapelketa.

Bertaratutako gutiei burututako lanarengatik zorionak ematen dizkiegu!

Azkenik, Mikel tafalli bidalitako argazkiengatik eskerrak ematen dizkiogu.

Hondarribiko Gaztelua 3. txapelketako oihartzunak

(leer en castellano)

Gure herriko Jai Nagusietako egun handienean Jai Zoriontsuak opatzeko aprobetxatu nahi dugu:

Gora Ama Guadalupekoa!

Jaietako programa

Era berean, Peter Toth gure lagunak jaietako xake txapelketan egindako argazki sortaren aukeraketa jarraian jartzen dizuegu. Egun batzuk barru, Juanjo Escribano arbitro nagusiak egindako txapelketaren txostena jarriko dugu eta Julian Lazkanotegi argazkilariak txapelketan egindako erreportaje grafikoa.

Bestetik guztioi eskertu astelehenean, irailaren 2an, gure webguneak 2014 bisita izan zituelako. Sortu genuenetik izan dugun bisita kopuru handiena.

Gure Taldeko Webguneak 2 urtetan 40.000 bisita kopurua gainditu du. Gure ekimenean laguntzen gaituzuen guztioi eta gure ibilbidea jarraitzen duzuen guztioi, mila esker!

Jaietako txapelketako 3. edizioko irabazleak

(leer en español)

Gaur goizean, 2013ko irailaren 1ean, igandea, Hondarribiko Gaztelua III. Xake Aktibo Txapelketa burutu da Hondarribiko Paradoreko tapizen gela ikusgarrian. Euskal Herriko paraje ezberdinetatik eta atzerritik etorritako 50 xakelari lehian aritu dira, goizeko 9:30etik hasita arratsaldeko 14:30era arte. Jokalari bakoitzak, 6 partida jokatuko ditu, suitzar sisteman, partidako 20 minutu izan dituela. GM bat, lau MF eta 2.00 puntu ELOtik 17 jokalarik parte hartu dute.

Sailkapen Nagusia eta bestelako emaitzak ikusteko Chess-Results

Epaile lanetan luxuzko taldea izan dugu Juanjo Escribano (Nazioarteko mailako FIDE Epailea) entzutetsuak, Enrike Oiartzabal (Nazioarteko mailako FIDE Epailea) eta Javier Oyarzabal lagun izan baititu.

Txomin Sagarzazu, Hondarribiko Udaleko Kultura eta Kirola Zinegotziak, Alex Cantabrana, Gipuzkoako Xake Federakuntzako presidenteak eta Hondarribia-Marlaxka Xake Klubeko presidentea eta txapelketako zuzendari den Goio Uriartek aritu dira sariak banatzen.

Jarraian III edizio honetako irabazleen taula jartzen dizuegu.

Txapelduna: Garaikurra (Hondarribiko Udala – Paradorea), 150€ eta Hiruzta txakolin botila:  GM Alejandro Hoffman (Arg)

2. Sailkatua:  Garaikurra (Hondar taberna jatetxea), 75€ eta Hiruzta txakolin botila: Ivan Muñoz Perez (Gip)

3. Sailkatua: Garaikurra (Amaiur Altzariak), 50€ eta Hiruzta txakolin botila: Antxon Serras Uria (Gip)

Bestelako Sairak:

1700 Elo azpiko lehen sailkatua. Garaikurra eta Hiruzta txakolin botila: Iker Arri Martinez (Gip)

16 urtetik behera lehen sailkatua. Garaikurra eta Aitz Arrietaren gazta: Ibai Dorronsoro Larbide (Gip)

60 urtetik gora lehen sailkatua. Garaikurra eta Hiruzta txakolin botila:  Silvestre Moreiro Sanchez (Gip)

Bi lagunentzako Txantxangorri Jatetxean afariaren zozketa: MF Carlos Nava Pereda (Viz)

Jaietarako Hondarribia-Marlaxka Xake Klubak antolatu duen ekintza honek Hondarribiako Udala, Paradorea, Gipuzkoako Xake Federakuntza, Amaiur Altzariak, Hondar Jatetxea, Hiruzta Txakolindegia, Aitz Arrieta gaztak, Txantxangorri jatetxea  eta Totem Comunicaciónen laguntza estimagarria izan du.

Guztiei mila esker.

Jarrraian Oscar Holgadok ateratako argazkiak  jartzen ditugu.