Eibarko Hiria 32. Xake Txapelketa: Gros XT Txapeldun

(leer en castellano)

Atzo Larunbatean arratsaldeko 16:00tatik aurrera jokatu zen, Mikel Larreategi arbitro internazionalaren zuzendaritzapean,  Eibarko Untzaga plazan Jose Mari Kruzetaren omenezko Eibarko Hiria 31. Xake Txapelketa Eibarko Klub Deportiboak antolatuta. Euskal Herri guztiko 14 talde ezberdinen parte hartzearekin, elkartetik 4 jokalari joan ziren Goio Uriarte, Patxi Moreno, Ramon Nogues eta Iker Arri.

Patxi Moreno, Iker Arri, Goio Uriarte eta Ramon Nogues txapelketa jokatu zen Untzaga Plazan, Eibarko Udala atzean dutela

Gaueko 20:30 arte, arratsalde osoan zehar, 5 minutuko partidak jokatu zituzten bertaratutako jokalariek lau jokalariez osatutako taldekako partidatan eta Untzaga plazan lehia estuan aritu ziren azken edizioetako txapeldunak, Abadiño, Leioako Altzaga, Donostiako Gros Xake Taldea eta Errenteriako Fomento Cultural, bertaratutako beste taldeekin txapelketa irabazi nahian.

Azkenean txapela Donostiako Gros Xake taldeak etxera eraman zuen:

Gros XT-ko Iñigo Argandoñak talde irabazlearen garaikurra hartzen

Leioa Altzaga bigarren postua lortu zuen:

Leioako Altzaga taldeko Álvaro Díaz, bigarren talde onenaren saria jasotzen

Eta hirugarren postua, Errenteriako Fomento Cultural  taldearentzat izan zen:

Fometo Culturaleko Aitor Gonzalez, txapelketako hirugarren talde onenari saria jasotzen

Aurten gainera, berritasun gisa, “Xake Mate Fibrosi Kistikoari” izeneko sentsibilizazio kanpaina antolatuko dute ARNASA Gipuzkoako Fibrosi Kistikoaren elkartearekin. ARNASAren standera hurbildu den orok, Fernando Markinaren eskutik, elkartearen informazioa jasotzeaz gain, elkarteari laguntzeko ekarritako kamisetak, txapak eta beste lortzeko aukera izan dute.

Irabazleen eta agintarien famili argazkia

SAILKAPENA

Rk	ID	Taldea	Partidak	+	=	–	Ptk
1	7	GROS	13	12	1	0	45.5
2	2	ALTZAGA	13	10	1	2	37.5
3	6	FOMENTO	13	8	5	0	36
4	1	ABADIÑO	13	9	2	2	35
5	9	IZEAGA	13	5	4	4	26
6	4	EASO	13	5	3	5	25.5
7	13	SANTURTZI	13	4	4	5	24.5
8	11	ZARAUTZ	13	2	5	6	23.5
9	10	PORTUGALETE	13	3	3	7	22
10	5	EGIDAZU	13	2	4	7	21.5
11	8	HONDARRIBIA-MARLAXKA	13	4	2	7	20.5
12	12	ZORNOTZA	13	2	5	6	20
13	14	C.D. EIBAR A	13	3	2	8	16.5
14	3	ANAITASUNA-KAKUTE	13	0	3	10	10

Hondarribia-Marlaxkako taldekideak (Argazkia: Joseba Izquierdok antolatzaieentzako egina)

Gure taldeak, ez zuen emaitza oso txukuna izan. Patxi Moreno, 7,5 puntu lortu zituen bigarren mahaian jokatuta. Iker Arrik, laugarren mahaian, 5 puntu lortu zituen. Ramon Nogues eta Goio Uriarte, biak 4na untu egin zituzten, hirugarren eta lehenengo mahaietan jokatuaz. Mahai bakoitzeko jokalari onenen zerrenda hauxe izan zen:

• 1. mahaia: Xabier Beudaert (Easo) 13 partidetan 12 puntu.

• 2. mahaia: Erik Juez (Zarautz) 13 partidetan 10,5 puntu.

• 3. mahaia: Juan José Saenz (Fomento) 13 partidetan 13 puntu.

• 4. mahaia: Aitor González (Fomento) 13 partidetan 12 puntu.

Arratsalde eder baten ondoren, xake egun zoragarriari amaiera emateko, sari banaketa eta ger,o talde antolatzailearen egoitzan anaitasun afari animatua izan genuen.

Eibarko Klub Deportiboko xakeko gure lagunei antolaketagatik, Zorionak!

Jarrain Eibarko Klub Deportiboko webgunetik hartutako Joseba Izquierdok antolaketarako egindako argazkiak. Argazki hauek eta gehiago: hemen

Txapelketaren informazioa antolatzailearen webgunean: hemen

Txapelketaren emaitza guztiak info64.org webgunean ikusi ditzakezue: hemen