Beste urte batez Erdi Aroko Azokan xake taulen eta piezen hotsa izan da.

Ekainaren 9 eta 10ean burutu zen Hondarribiko Erdi Aroko Azokan taldeko jokalari ezberdinek bertaratutako guztien kontra aldibereko xake partidak jokatu zituzten. Bertaratutako guztiei mila esker!

(leer en español)

Hondarribiko Udaleko Turismo Sailarekin adostutako ordutegia ondorengoa bazen ere, goizetan 12:00-14:00 bitartean eta arratsaldez 17:00-19:00 bitartean, gure jokalariek ordutegia handiagotu zuten bertaratutako jendeari jokatzeko aukera emateko.

Andoni Orube larunbat goizeko partidetan bakarrik aritu zen, arratsaldean aldiz, Nabarrek, Ander Palavecinoren laguntza izan zuen. Igande goizean Ramon Noguesek jokalarien aurka aritzeaz gain euriaren kontra lehian ibili zen eta azkenean Parrokiaren albotik, hurbil zegoen karpa batetara aldatu behar izan zuen ekitaldia. Igande arratsaldean atertu bazuen ere, iker Arrik Udal arkupeetara eraman zituen partidak haizea handiarengatik ihesi. Bertan ustekabeko bisita izan zuen.

This slideshow requires JavaScript.

Advertisements

Garaipena lortu dute gure gazteak Kutxa 2012. Txapelketa ospetsuan!

Bidasoa-Marlaxkako gaztetxoak ongi merezitako saria jaso dute asteburuan Azkoitiko Udal frontoian, giro eder eta antolakuntza ezinhobean, Kutxa 2012 Txapelketa-ko finalaren parte hartzearekin batera.

(leer en español)

Ibai Dorronsoro, Ander Uranga, Pablo Basurko eta Jon Irigarayk osatutako taldea garaile suertatu da Infantil mailan. Elizalde eta Billabona-Tolosa taldea izan dira bigarren eta hirugarren.

Taldea osorik,  Julio García entrenadorearekin, garaipena ospatzen.

Zorte okerragoa izan du Ander Tafall, Mikel Herrero, Martin Etxepare eta Odei Letek osaturiko talde alebin gazteak: aurreneko kanporaketan gero txapeldun izango zen aurkaria topatu ondoren, podium-era igotzeko aukerarik gabe gelditu dira.

Asteburu ona, beraz, urte osoko lanaren sari jasotako ekintza eder batean igarotakoa. Zorionak!

Xakea Hondarribiko Erdiaroko Azokan!

Ekainaren 9 eta 10ean Erdiaroko Azoka ospatuko da Hondarribin eta urtero bezala taldeak aldibereko partidak antolatuko ditu goiz eta arratsaldez.

(leer en español)

Hondarribiko Udaleko Turismo Sailak antolaturiko ekimen hau herriko Alde Zaharrean burutuko da, eta gure taldeko ordezkariak Parrokiaren alboan kokatuko dira.

Partidak  larunbat eta igandean izango dira, goizeko 11:30etik 14:30ra eta  arratsaldeko 17:00etatik 19:30era . Bertaratzeko gonbitea luzatzen dizuegu. Anima zaitezte!

2012 Kutxa Txapelketa: gure bi taldeak finalera pasa dira!

Gure Infantil eta Alebin taldeak 2012. Kutxa Txapelketaren finalean izango dira, eta biak beraien zonaldeko aurreneko postua lortuz sailkatu dira gainera. Finalak hurrengo igandean, hilak 10,  jokatuko dira. Zorte on denoi!

(leer noticia en español)

Alebin Taldea: Ander, Mikel, Martin eta Odei

Infantil Taldea	Alebin Taldea
1. Tablero: Ibai Dorronsoro	1. Tablero: Ander Tafall
2. Tablero: Ander Uranga	2. Tablero: Mikel Herrero
3. Tablero: Pablo Basurko	3. Tablero: Martin Etxepare
4. Tablero: Jon Irigaray	4. Tablero: Odei Lete

Entrenatzailea: Julio García.

Informazio osoa lotura honetan eskura dezakezue.

Xakea Irunen, Bidasoa-Txingudi 2012. Eskola Kirolaren Jaiean

(leer en español)

Eskola kirol egun polita gaurkoa Irungo Dunboa ikastetxean izan dena.

Irun, Hondarribia eta Hendaitik etorritako 400 ikasle inguruk parte hartu dutelarik, xakeak ere izan du bere presentzia Julio Garcia eta Goio Uriarteren eskutik, Ibai Dorronsororen laguntzarekin txikien aurrean arbitro lanetan.

Goio eta Juliok ekintza honen antolatzaile politikoekin hizketan aritzeko aukera izan zuten, eta bat egin zuten haiekin xakea, hezitzaile bezain konpetitiboa den gure kirol hau, kalerako berreskurtzearen garrantziaz.

This slideshow requires JavaScript.

Munduko Txapelketa, Udaberriko Opena, Kutxa torneoa,…, adin eta maila guztientzako xakea dugu hilabete honetan

Aste honetan hasi da egun txapelduna den Anand Viswanathan jokalari Indiarraren eta txapeldun-gai den Boris Gelfand Israeldarraren artean jokatuko den Munduko Xake Txapelketa Nagusia. Neurketa Moskun burutuko da FIDE Munduko Xake Federakuntzak babestua eta sari poltsa 2.550.000,00 $US-koa da.Norgehiagokako txapeldunak 1.53 milioi dolar (60%) jasoko ditu eta galtzaileak 1,02 milioi (40%).

(leer en español)

Txapelketako Web-a

Guretzat gertuago, Andoni Orube eta Daniel Garmendia taldekideak VIII Udaberriko Groseko Xake Irekian parte hartzen ari dira, Gros Xake Taldearen lokaletan Ekainak 2ra arte luzatuko den txapelketan.

Hilabete honetan bertan eta txikiagoentzat, Kutxa Txapelketa 2012-a ospatuko da, Infantil eta Alebin mailetan taldeak aurkeztu ditugularik. Gaur izango dira aurreneko partidak.

Laster izango duzue txapelketa guzti hauen emaitzen berri, bitartean ¡Zorte ona opoa diegu denei!

Aldibereko xake partidak Mendeluko jaietan

Urte batzuetako geldialdia eta gero, Hondarribiko Mendelu Auzoko Jaiak berreskuratu dituzte bertako eragileek, eta datorren astebururako ekintzez betetako egitaraua prestatu dute.

(leer en español)

Ekintza horien artean hurrengo igandean, 2012ko Maiatzaren 13an, 12:00etatik 13:00 bitarte gure elkarteko Iker Arri Martinezek Eguzki eraikinaren inguruan jarritako mahaietan aldibereko xake partidak jokatuko ditu, bertara hurbiltzen direnen aurka.  Anima zaitez!

Xake egun errepublikano polita ospatu genuen, etxeko Ibai Dorronsoro eta Ander Tafall irabazle izan zirelarik mutilen artean, eta Judith Goenanga eta Haizea Tornay nesketan.

Ibai Dorronsoro eta Ander Tafall

Joan den larunbatean, Maiatzak 5, Bidasoaldeko Errepublikazaleen II. Xake Txapelketa burutu da 36 xakelari gaztetxoen parte hartzearekin.

(leer en español)

Infantil mailan, gure taldeko Ibai Dorronsorok irabazi zuen txapelketa, neskarik onenaren postua Judith Goenaga azkoitiarrak lortu zuelarik. Ander Uranga gure taldekidea txapeldunorde suertatu zen. Aitor Jimenez, Pablo Basurko eta Jon Irigarayk ere lan txukuna burutu zuten.

Alebin-benjamin adinekoen mailan ere txapela gure taldeko jokalariak lortu zuen,  Ander Tafallek hain zuzen ere, neskarik onenaren saria berriz arrasatera eraman zuen Haizea Tornay-k. Bi irabazleen txapelketa ezin hobea izan zen, 5 saiotan hutsik egin gabe.

Gaztetxoenen arteko partidak maila altuakoak izan zen, Urko Iriondo, Markel Kerexeta, Josue Goenaga eta Nora Gallardoren parte hartzea goraipatuz, baita ere Aritz Urbieta, Ander Oregi, Jon Lizarralde, Mikel Herrero, Paul Fernandez, Martin Etxepare, Jon Lizarralde, Miren Porta eta Aitor Azurmendi. Honako hauek ere lortu zuten garaipenen bat: Odei Lete, Yago Bidaurreta, Aimar Fernandez, Unai Porta, Oier Campo, Yunai Landart,  Julen Beraza, Mia Donnart, Oier Arribas, Arianne Coca, Beñat Iruretagoyena, Ainhoa Kintas, Mikel Perez, Josu Uncilla, Erlantz Garate eta Joar Garate.

Zorionak denoi!

This slideshow requires JavaScript.

Gipuzkoako eskolarte txapelketa amaitu ondoren, Bidasoaldeko II Errepublika Txapelketa datorkigu

Gipuzkoako 2012 Eskolarteko Infantil eta Alebin Xake Txapeleketak bukatu berri dira asteburu honetan, eta oraingoan ere Bidasoaldeako neska-mutilen parte hartzerik ez da izan. Hurrengo urteari begira, gure asmoa txapelketa honetan gure eskualdeko ordezkaritzaren parte hartzea berreskuratzea izango da, horretarako Federakuntza, eskola eta Udaletxeekin elkar lanean arituz.

(leer en español)

Aurtengo irabazleak hauek izan dira:

Infantilak

1. Ramon Elduayen (Zubiri-Manteo)
2. Oier Otxoa (Anoetako ikastola)
3. Unai Elias (Jose Mari Iparragirre Institutua)

Alebinak

1. Juan Jose Aroztegi (La Salle San Jose)
2. Liher Urrutia (Arrasate Herri Eskola)
3. Eneko Mateos (Kurtzebarri)

Gogoratu asteburu honetan, Irunen, Bidasoaldeako II Errepublika Xake Txapelketa ospatuko dela.

Larunbatean, hilak 5, Urdanibia Plazan elkar ikusiko dugu!

5. postua lortu du klubak 2012ko Euskadiko Kadete Xake Txapelketan

Euskadiko Kadete Xake Txapelketa Eibarren jokatu berri da eta bertan, Javier Marchena Arabarrak txapela irabazi du. Gure taldeko Daniel Garmendiak merituzko 5. Postua lortu du, Zorionak!

(leer en español)

Daniel Garmendia Zubeldia

2011ko Gipuzkoako Xake Txapelketan 2. Postua lortu zuelako Daniel Garmendia gazteak 2012 Euskadiko Kadeteen Txapelketa jokatzeko eskubidea lortu zuen.

Txapelketa Pazko astean burutu da, Eibarko Unibertsitate Politeknikoan, apirilaren 10etik 14ra, bertaratutako 25 jokalariek suitzar sisteman 6na partida jokatu zituztelarik.

Daniel Garmendiaren emaitzak ondorengoak izan ziren:

1. Txanda: 18 Viguin Gonzalez Daniel  0 – 1 Garmendia Zubeldia Daniel 6
2. Txanda: 6 Garmendia Zubeldia Daniel 1 – 0 Fernandez Menchaca Arantza 22
3. Txanda: 3 Ortega Lopez Mikel 2 0 – 1 2 Garmendia Zubeldia Daniel 6
4. Txanda: 6 Garmendia Zubeldia Daniel 3 0 – 1 3 Marchena Hurtado Javier 1
5. Txanda: 9 Barbazan Bilbao Xabier  1 – 0 Garmendia Zubeldia Daniel 6
6. Txanda: 6 Garmendia Zubeldia Daniel  1 – 0 Sanchez Merino Christian 8

Daniel eta beste guztiak arbitroaren azalpenak entzuten

Joko aretoaren irudi bat

SAILKAPENA

Rank	Izena	Elo	Club	Pts
1	Marchena Hurtado Javier	2063	2053 – Araba	5½
2	Barbazan Bilbao Xabier	1710	1745 – Bizkaia	4½
3	Bernal Gomez Alejandro	1771	1826 – Navarra	4½
4	Ortega Lopez Mikel	1793	1860 – Navarra	4½
5	Garmendia Zubeldia Daniel	1765	1806 – Gipuzkoa	4
6	Llano Olabarrieta Joseba	1723	1714 – Bizkaia	4
7	Barrio Ugidos Ibon	1864	1951 – Bizkaia	4
8	Perez Pacheco Ricardo	0	1630 – Bizkaia	4
9	Abalia Patino Aritz	1599	1783 – Gipuzkoa	3½
10	Jauregi Barandiaran Jon	1564	1690 – Gipuzkoa	3
11	Sanchez Merino Christian	1601	1781 – Gipuzkoa	3
12	Espinosa Cancino Cristina	1425	1538 – Bizkaia	3
13	Lagos Lejarraga Jon	1519	1648 – Bizkaia	3
14	Ziorraga Ciria Gaizka	0	1616 – Bizkaia	3
15	Viguin Gonzalez Daniel	1596	1652 – Araba	3
16	Vara Del Bosque Daniel	0	1722 – Araba	3
17	Valdezate Garcia Diana A.	0	1655 – Bizkaia	2½
18	Vadillo Jueguen Jon M	1510	1662 – Gipuzkoa	2½
19	Varas Lopez De Etxezarreta Maita	0	1585 – Bizkaia	2½
20	Sanchez Ruesga Carlos	1436	1690 – Gipuzkoa	2
21	Campo Medina Ruben	1613	1699 – Araba	2
22	Fernandez Menchaca Arantza	0	1604 – Araba	2
23	Garcia Martinez De La Hi Enrique	0	1563 – Bizkaia	2
24	Diaz Herrero Ane Miren	0	1667 – Bizkaia	2
25	Cuber Caballero Alicia	0	1682 – Araba	1

¡Txapelduen argazkia! Ezkerretik eskubira, Alejandro, Xabier, Irati, Ostolozaga, Luis David, Marchena, Cristina, Dani. (belauniko FVA-EXFko presidentea)