2016ko Bidasoaldeko Zonaldeko Benjamin, Alebin eta Infantil txapeldunak baditugu

(leer en castellano)

Gaur, ostirala, Irungo Ventas Auzoko Landetxako auzo-lagunen elkartean hiru xake txapelketa elkarrekin burutu dira, hirurak Gipuzkoako Eskolarteko Xake Txapelketetarako sailkatzeko balio dutenak: Bidasoaldeko Zonaldeko Benjamin, Alebin eta infantil Txapelketak. Hiru txapelketa hauek Hondarribia-Marlaxka Xake Klubak antolatu ditu Landetxako Auzo-elkartearen laguntzaz.

Bertaratutako jokalari guztiak beren garaikurrekin

Txapelketako zuzendaria eta arbitro nagusia Carlos Pascual izan da eta Asier Cuesta, arbitro laguntzaile lanak burutu ditu. hauek intendentzian Ander Uranga taldekidea eta Landetzako kideak lagun izan dituzte.

Txapelketan sari ezberdinak banatu dira, horien artean Silvestre Moreiro gure taldeko jokalari eta zurgina egindakoak azpimarratu nahi ditugu, politak benetan.

Giroa ederra izan da eta oso animatua eta jokalariek gogor aritu dira lehian. Partidak amaitu ondoren, sari banaketa izan da eta bertan bertaratutako guztiek saria jaso dute. Zorionak guztiei burututako lan txukunagatik!

Benjamin Maila

Benjamin mailako Bidasoaldeko txapelketan 10 gaztetxo lehian aritu dira. 10 minutu partidako, Suitzar sisteman, launa partida jokatu eta gero, podiuma ondorengoa izan da: Hodei Herrera (1), Kerman Solana (2) eta David López-Carrasco (3).

Benjamin mailako irabazlea Hodei Herrera, txapelketako zuzendariarekin Carlos Pascual

Sailkapena:

Rank	H.Z.	Izena	Ptk	BUC
1	6	HERRERA HERNANDEZ HODEI	4	7½
2	9	SOLANA SUTIL KERMAN	3	8
3	8	LOPEZ-CARRASCO GOÑI DAVID	2½	7½
4	5	GOMEZ BRUNO	2	10½
5	4	ELDUAYEN ENEKO	2	8½
6	10	ZABALO GARCIA ASIER	2	8
7	3	COUTO SANCHEZ KENNETH	2	6
8	7	IBARRA WHITTECAR NATHANIEL	1½	8½
9	1	BEHOBIDE GUERRERO MARKEL	1	8
10	2	CABELLO VIÑA SUHAR	0	7½

Alebin Maila

Alebin mailako Bidasoaldeko txapelketan 6 gaztetxo lehian aritu dira. 10 minutu partidako, Suitzar sisteman, launa partida jokatu eta gero, podiuma ondorengoa izan da: Pablo Zaporta (1), Jon Gómez (2) eta Eduardo Fleta (3).

Alebinetan garaile, Pablo Zaporta, Carlos Pascualen eskutik bere saria jasotzen.

Sailkapena:

Rank	H.Z.	Izena	Ptk.	BUC
1	6	ZAPORTA GOÑI PABLO	4	5½
2	3	GOMEZ OYARZUN JON	2½	9½
3	2	FLETA RODRIGUEZ EDUARDO	2½	5½
4	4	GUERRERO ESCUDERO HODEI	1½	9
	5	OLLO USABARRENA JON	1½	9
6	1	APARICIO ETXANIZ NICOLAS	0	9½

Infantil Maila

Infantil mailako Bidasoaldeko txapelketan 5 gaztetxo lehian aritu dira. Buelta bakarreko liga jokatu dute, eta guztiek guztien kontra aritu eta gero, 10 minutu partidako erritmoan, podiuma ondorengoa izan da: Ander Tafall (1), Patxi Moreno (2) eta Jokin Etxaniz (3).

Ander Tafallek gaixorik egon arren, lan txukuna egin ondoren txapelketa lortu du. Argazkian Carlos Pascualekin.

Sailkapena:

Rank	H.Z.	Izena	Ptk.	SB
1	5	TAFALL VILLANUEVA ANDER	4	6,00
2	3	MORENO ESTEBANEZ PATXI	3	3,00
3	1	ETXANIZ MENDIETA JOKIN	1	1,00
	2	SEIN SANCHEZ HARITZ	1	1,00
	4	LOPEZ-CARRASCO GOÑI TELMO	1	1,00

Txapelketako maila ezberdinetan lehengo postua lortu dutenek, Gipuzkoako Eskolarteko Txapelketa jokatzeko sailkapen zuzena dute.

Pablok, Anderrek eta Hodeik Gipuzkoako Eskolarteko Banakako txapelketa jokatzeko sailkapen zuzena lortu dute. Zorionak!

Maila ezberdinetako sailkapeneko bigarren eta hirugarren postuetan sailkatu direnak Gipuzkoako Eskolarteko Txapelketara joaterik izango duten Gipuzkoako Xake Federazioak esango digute, Gipuzkoako sailkatze txapelketa guztiak amaitzen direnean. Berria ematen digutenean jakinaraziko dizuegu.

Jarraian txapelketako argazki erreportaje zabala:

ChessResult loturak:

Benjamin maila: hemen

Alebin maila: hemen

Infantil maila: hemen

Bidasoaldeko Zonaldeko Benjamin mailako eta Landetxa Auzo Jaietako txapeldunak baditugu

(leer en castellano)

Igande honetan Landetxako auzo-lagunen elkartean elkarrekin bi xake txapelketa burutu dira, alde batetik Benjamin Mailako Bidasoaldeko zonaldeko Gipuzkoako Txapelketa eta bestetik Landetx Auzoko Jaietako haur txapelketa. Biak Landetxako Xake eskolak antolatu ditu, Hondarribia-Marlaxka Xake Klubaren eta Landetxako Auzo-elkartearen laguntzaz. Lehenean eskola kirolan izena eman duten xakelariek parte hartu dute eta bestean bertaratu diren beste hamaika jokalariak

Gipuzkoako Benjamin mailako Bidasoaldeko txapelketan 12 gaztetxo lehian aritu dira, hauetako lau neskatoak izan direla. Suitzar sisteman, bosna partida jokatu eta gero, podiuma ondorengoa izan da: Pablo Zaporta (1), Haritz Sein (2) eta Martin Etxepare (3).

Bertaratutako beste jokalariek (11 jokalari, horietatik 3 neskatila) suitzar sisteman aritu dira ere eta bosna partida jokatu eta Landetxa Auzoko jaietako txapelketako podiuma ondorengoa izan da: Ander Uranga (1),  Patxi Moreno (2) eta Jon Irigaray (3).

Bi txapelketako zuzendari lanak Julio G. Caberok bete ditu, eta arbitro lanetan Oscar Holgado eta Iker Arri aritu dira, azken hau informatika lanetan jardun delarik. Intendentziaren eta askariaren ardura Landetxa elkartekoek eta bertaratutako jokalarien gurasoek izan dute eta bai ondo egin ere.

Hemendik gutxira argazki gehiago eta bi txapelketako emaitzak jarriko ditugu.

Xakea non-nahi asteburu honetan

(leer en castellano)

Xake zaleak zorionekoak gara, asteburu honetan guztientzako ekintzak baititugu.

Larunbatean 17:00etatik aurrera Donostiara hurbiltzen denak gure taldekoak (Daniel Garmendia, Oscar Holgado eta Mariano Muriel) lehian ikusteko para izango du IX Udaberriko Groseko Openeko laugarren jardunaldian.

Igandean, 12:00etatik aurrera, Hondarribiko Mendelu auzoko Jaietan Iker Arri gure taldekideak aldibereko partida saioa eskainiko du bertaratzen den guztien aurka.

Bestalde, gaur amaitu da I. 14-AZP Udaberriko Txapelketan (Federakuntzak desagertutako KUTXA txapelketaren ordezko sortu duena) izena emateko epea eta gure klubak bi talde inskribatu ditu, Infantil mailan bata eta Alebinetan bestea. Txapelketa ondorengo igandeetan jokatuko da: maiatzaren 12an, 19an eta 26an, eta ekaineko 2an. Federakuntzaren baieztapenaren zain, dirudienez, errenterian jokatuko dute igande honetan 10:00etatik aurrera. Kutxako azken edizioetan sari mordoa lortu zutela gogoratzen dizuegu. Zorte hona opa diegu.

Azkenik, igandean, maiatzaren 12an, arratsaldeko 16:00etan, Landetxa Auzo-lagunen elkartearen egoitzan, Irungo Bentak auzoan,

Gipuzkoako Eskolarteko Bidasoaldeko Benjamin mailako Xake Txapelketa burutuko da.

Bide batez, izen emate epea, larunbata arte, maiatzaren 11 arte, luzatu egiten da ondorengo posta elektronikora idatziz: kabero53@hotmail.com

2003an eta 2004an jaiotako gaztetxoek parte hartu ahal izango dute. Lehiaketa absolutuan lehen gelditzen denak garaikurra izango du, 2.k eta 3.k domina jasoko dute. Bidasoaldeko lehenak garaikurra lortuko du eta ondorengo bostak domina bana.

Aldaketak egon badaitezke ere, txapelketa horrela antolatu dugu:

16:00etatik 16:15era bitarte izen emateen berrespena eta behin betiko parte hartzaile zerrendaren eraketa.

16:30ean lehenengo txanda

Ondorengo txandak (5 arte): 17:00etan, 17:30ean,<atsedena>, 18:30ean , 19:00etan

Zuen zain gaude!