Artxiboa laburpen hitzeka: Gros XT

Burlata: Mikel Gurea XV. txapelketan gure jokalarien emaitza onak, Ander Tafallek 4. postua lortu du

(leer en castellano)

Gaur, igande goizean,Hilarión Eslava kiroldegian, Mikel Gurearen XV eskolarteko xake txapelketa jokatu da Burlatan, Ibai Dorronsoro, Patxi Moreno, Ander Uranga eta Ander Tafall gure jokalarien parte hartzearekin. Gros XT-ko Ivan Iturralde eta Josu Manterola Gipuzkoako espedizioa osatu dute.

Argazkiak: Mikel Tafall, Juan Cruz Iturralde eta Goio Uriarte

Txapelketa hau, Nafarroako Federazioaren Zirkuitu Eskolarra den horretako hamaseitako bat den honetan 214 jokalarik parte hartu dute dauden maila ezberdinetan: Sub 8: 2006an edo ondoren jaiotakoena, Sub 10: 2004 eta 2005ean jaitakoena, Sub 12: 2002 eta 2003an jaiotakoena. Sub 14: 2000 eta 2001ean jaiotakoak eta Sub 16: 1998 eta 1999an jaiotakoak.

Gure ordezkariek Sub-16, Sub-14 eta Sub12 jokalariak lehiatu diren txapelketa elkartuan parte hartu dute eta bertan podiuma ondorengo aizan da: 1.- Odei Lerendegui (Mikel Gurea) 6 puntu. 2.- Alberto Gutiérrez (Peralta) 5 puntu eta 3.- Oier Lacruz (Mikel Deuna) 5 puntu.

Gure jokalarietatik hoberena Ander Tafall izan da, bigarren eta hirugarren postua lortu dutenekin berdinduta geratu baita bost punturekin, merituzko 4. postua lortuz, bere mailako Sub-12an hirugarren postua lortu duelarik.

Gure espedizioaren beste ordezkariei dagokionez, Ibai Dorronsorok bosgarren postua lortu du 4,5 puntu egin dituelako eta Sub-16an, bigarren postua lortu du.  Patxi Morenok, 4,5 puntu egin ditu eta 7. postua lortu du. Ander Urangak, bere egunik onena izan ez badu ere, 3 punturekin amaitu du txapelketa 31. postuan.

Bestalde Gipuzkoarrei dagokionez, Gros XT-ko gure lagunek ere txukun aritu dira eta Ivan Iturraldek lau puntu lortu ondoren 8. postua lortu badu, Josu Manterolak, 3,5 punturekin amaitu du txapelketa 19. postuan.

Sari banaketa amaitu ondoren, Gipuzkoako bi taldeetako ordezkariak elkarrekin jatera joan gara, Nafarroako lur ederretan xake egun eder bati amaiera ezin hobea emanez.

Antolatzailea izan den Mikel Gurea Xake Klubari antolatutako txapelketa bikainagatik zoriondu nahi genuke eta bertan parte hartu duten jokalari guztiei egindako lan txukunagatik ere zorionak mena nahi dizkiegu.

Zorionak!

Emaitzak (Chess-Results) webgunean: hemen

Mikel Gurea Xake Klubaren webgunea: hemen.

Burlatako Udaletxeko Kirol patronatuaren webgunea: hemen.

Nafarroako Xake Federazioaren webgunea: hemen.

2014ko Euskadiko Kluben SUB-16 Txapelketa, Gros XT Txapeldun

(leer en castellano)

2014ko irailaren 28an, Barakaldon, kluben arteko Euskadiko SUB-16 txapelketa (hamasei urte beherakoentzat) burutu zen eta bertan gure taldeak ordezkari bat izan zuen. Euskal Xake Federakuntzak antolatutako txapelketa hau, Benidormen jokatuko den FEDA-k antolatutako Espainiako SUB-16 txapelketara sailkatzeko baliagarri, Clara Campoamor Kultur Etxean jokatu zen, 4 txandetako sistema suitzarrean, lau tableroetara. Puntuazio sistemak taldeen arteko partiduaren garaipenari 2 puntu ematen zion, parrari bakarra eta porrotari 0 puntu. Berdinketa hausteko sistema moduan tablero guztien puntuen batura erabili zen. Arbitro lanak Miguel Ángel Almansak egin zituen.

Azkenean Euskadiko ondorengo 11 taldek parte hartu zuten:

Z. Taldea Bat.Eloa
1 Abadiño 1726
2 Gros XT 1673
3 H. Marlaxka 1637
4 Conteneo 1619
5 Oberena 1590
6 San Viator 1523
7 Sestao EDP 1519
8 Mikel Gurea 1518
9 Santurtzi 1513
10 Martintxo 1426
11 Altzaga 1338

Rankingeko hirugarrenak izanik, Patxi Moreno, Ibai Dorronsoro, Ander Uranga, Ander Tafall eta Pablo Basurko osatzen zuen taldeak, Mikel Tafall, Jose Luis Uranga eta Goio uriarte “botileroen” laguntzaz, hasierako postua berdindu edota hobetzeko gogoarekin txapelketari hasiera eman zioten. Hala ere, zoria ez genuen alde izan eta posizio txukunak lortu arren, partidak aurkarien alde joan ziren geienetan.   Lan txukuna burutu zutelako, nahiz eta emaitza txarra lortu, gure harrobiko jokalari gazte hauek eta beraien lanak ikustera bertaratutako guraso eta lagunek gustura bueltatu ziren.

Sailkapen Nagusia

Barakaldo Xake klubeko facebookeko argazkiak.

Rk. H. Z. Taldea Partidak   +   =   –  Des 1  Des 2  Des 3
1 2 Gros XT 4 4 0 0 8 13.5 0
2 8 Mikel Gurea 4 3 0 1 6 8.5 2
3 7 Sestao EDP 4 3 0 1 6 8.5 0
4 10 Martintxo 4 2 1 1 5 7.5 0
5 5 Oberena 4 2 0 2 4 9.5 0
6 1 Abadiño 4 2 0 2 4 9.0 0
7 6 San Viator 4 2 0 2 4 5.5 0
8 11 Altzaga 4 1 1 2 3 7.0 2
9 9 Santurtzi 4 1 1 2 3 7.0 0
10 4 Conteneo 4 1 1 2 3 5.5 0
11 3 H. Marlaxka 4 0 2 2 2 6.5 0

Chessresults Txapelketako datuak

Irabazle eta parte hartu duten guziei zorionak!