Artxiboa laburpen hitzeka: juan jose aroztegi

Gipuzkoako eskolarteko txapelketako Banakako Alebinetan 2. eta 3. postuak lortu ditugu

(leer en castellano)

Gaurko egunez Gipuzkoako Eskolarteko infantil eta alebin mailetako Banakako Xake Txapelketa jokatu da, Gipuzkoako Xake Federakuntzak antolatuta Gros Xake Taldearen egoitzan. Bost txanden ondoren dagoeneko baditugu Euskadikoa jokatzeko sailkatu direnen izenak eta 2014ko Gipuzkoako Eskolarteko Txapelketako irabazleak: Alebinetan, Miguel Aroztegi (Beasain) da eta Infantiletan,  Jose Luis Muñoz (Donostia).

Gure taldeko bi ordezkari bakarrak alebin mailan jokatu dute eta Ander Tafallek eta Patxi Morenok bikain aritu direla esan beharra dugu.

 

20140405_163816[1] (640x454)
Ander Tafall (3.), Miguel Aroztegui (1.) eta Patxi Moreno (2.) Podiumean
Aurten bi ordezkari bakarrik izan baditugu ere, oso gogotsu joan dira, sasoian daudelako, eta goizeko hiru txanden ondoren, sailkapenaren lehen postuetan zeuden, txapelketa irabazteko aukera handiekin. Bazkaldu ondoren, indarrak hartuta, gogor aritu dira, maila ona erakutsiz, baina, bost txanden ondoren Miguel Aroztegi zen txapelduna eta gure ordezkariek egindako lan politak ordainetan bigarren postuetan berdinduta amaitu dute. Baina, txapelketako bigarrenak Euskadiko Txapelketara sailkatzen delako, desberdintzera jo da eta bertan gauza harrigarria gertatu da: berdinketa hausteko zeuden hiru sistema ezberdinetan ere, gure bi jokalariek berdinketa lortu dute.

Patxi eta Ander Armagedonean
Patxi eta Ander Armagedonean

Txapelketako arbitroak, Argandoñak, jokalariei arauak berdinketa hauek hausteko ametitzen dituen sistemetatik bat aukeratzea eskatu die: zozketa (txanpon bat airera botatzea) edo Armagedona (partida azkarra, non jokalari zuriak 6 minuturekin abiatzen da eta beltzak 5 minuturekin, baina parra azken honen aldekoa da). Baina, gure jokalariek ez zuten bietatik bat ere aukeratu nahi eta gure espedizioko Oscar Holgadok elkarrekin hitz egitera joan zitezela aholkatu die. Bueltatu direnean beren erantzunak denak aho-zabalik utzi ditu, bestea, galtzailea, Euskadiko txapelketara joango ez zelako, nahiago zutela, laugarren geratu den Josu Manterolari ematea. Azkenean Armagendona jokatzeko beharraz konbentzitu dituzte eta gogo txarrez hasi badira ere, azkenean, amaiera-agoniakodun emozioz betetako partida burutu dute, non Anderri bandera erori zaio, Patxik segundo bakar bat zuela. Eta horrela txapelketako podiumeko mailak erabakita geratu dira.

Argazki erreportajea: Mikel Tafall eta Óscar Holgado.

____________________

Gipuzkoako Eskolarteko Alebin mailako txapelketan 20 jokalarik parte hartu dute. Ondorengo loturan Alebin mailako txapelketako sailkapen osoa eta jokalari bakoitzak egindako lana ikusteko aukera duzue: Gipuzkoako alebina banaka

Gipuzkoako 2014ko Eskolarteko Alebin mailako banakako podiuma ondorengoa izan da:

Rk. Ha.Z. IZENA FED Elo Pts.  Des 1  Des 2  Des 3
1 11 AROZTEGI Miguel La 2002 5.0 14.5 10.0 14.50
2 17 MORENO Patxi Tok 2002 4.0 16.0 9.0 11.00
19 TAFALL Ander Tok 2002 4.0 16.0 9.0 11.00

____________________

Gipuzkoako banakako Infantil mailan 11 jokalarik parte hartu dute, gure elkarteko ordezkaririk izan ez dela. Ondorengo loturan Infantil  mailako txapelketako sailkapen osoa eta bakoitzak egindako lana ikusteko aukera duzue: Gipuzkoako Infantila banaka

Gipuzkoako 2014ko Eskolarteko Infantil mailako banakako podiuma ondorengoa izan da:

Rk. Ha.Z. IZENA FED Elo Ptuak.  Des 1  Des 2  Des 3
1 6 MUÑOZ AVILA Jose Luis Zur 0 5.0 10.5 6.0 10.50
2 2 AROZTEGI Juan Jose La 0 4.0 12.0 5.5 7.00
3 8 OTXOA Iraia Ano 0 3.0 12.5 7.0 6.00

____________________

Antolatzaileei egindako lana eskertzen diegu eta bertan parte hartu duten Gipuzkoako jokalari guztiei ere, emandako erakustaldiagatik, Zorionak luzatzen dizkiegu!

Advertisements

Gipuzkoako banakako txapelketak amaitu dira

(leer en castellano)

Asteburu honetan Gipuzkoako bakarkato txapelketa ezberdinak burutu dira: kadete, hirugarren, bigarren eta absolutua. Maila guztietan ordezkariak izan ditugu: Ibai Dorronsoro, Ander Palavecino, Javier Azcue, Iker Arri, Ricardo CamposMariano Muriel eta Ramon Nogues. Guztiok beren mailako txapelketetan postu onak lortu nahian gogotsu aritu badira ere, Ibai Dorronsoro bakarrik geratu da podiumetik hurbil, Kadeteko txapelketan merituzko 4. postua lortu eta gero. Gure taldekideek beren mailako txapelketan egindako lana ezagutzeko bakoitzaren izenaren gainean sakatu.

Absolutua: Txapelduna: Iñigo Argandoña Rivero.  Txapeldunordea:  Hector Sanchez Ruesga. 3. postua: Aitor Alcaide Luque.

Bigarren maila: Txapelduna: Aritz Abalia Patiño. Txapeldunordea: Carlos Berdonte Alonso. 3. postua: Mario Gallego Saenz.

Hirugarren mailaTxapelduna: Markel Zuloaga Erauskin. Txapeldunordea: Imanol Unanue Gual. 3. postua: José Luis Muñoz Ávila.

Kadetea: Txapelduna: Ramon Elduayen Etxabe. Txapeldunordea: Juan José Aroztegi Tolosa. 3. postua: Markel Zuloaga Erauskin.

Zorionak irabazleei eta mailaz igotzen diren jokalarieei!

Argazkiak eta beste informazio osagarria: Gipuzkoako Xake Federakuntzaren webgunean eta Gros X. T. webguenan

Kadetekoa ezik, Gipuzkoako txapelketako maila ezberdinetako txapeldunak erabakita dirudite

(leer en castellano)

Asteburu honetan Gipuzkoako txapelketako maila ezberdinetako seigarren txanda jokatu da, txapelketako azken aurreko txanda alegia eta kadeteko lehen postua ezik, beste mailetako txapeldunak erabakita daudela dirudi. Hala era datorren astean beste gauza asko erabakiko dira: sailkapen nagusiaz gain, podiuma eta maila ezberdinetara igoera lortuko duten jokalarien izenak ezagutuko ditugu.

Absolutuan Iñigo Argandoñak puntu oso bateko abantaila darama eta sailkapenean atzetik dituenak baino berdinketa hausteko puntu gehiago baititu, bost garaipen eta azken partidan Aitor Alcaideren kontra parra lortu eta gero. Azken partida galduko balu ere, berriro ere txapela lortuko lukeela dirudi. Baina egiten ari den jokoa ikusita, partidarik galduko duenik zail dirudi.

Bigarren mailako txapelketan Aritz Abalia emaitza perfektua darama, jokatutako partida guztiak irabazi eta gero eta bigarrena den Carlos Berdote baino puntu bat du, eta hirugarrena den José Vaquero baino puntu eta erdi gehiago. Ezer arrarorik gertatzen ez bada, datorren larunbatean bigarren mailako merituzko txapeldun izango dugu.

Hirugarren mailako txapelketan Markel Zuloaga lehen postuan dugu, sei partidetan sei garaipen lortu eta gero. Txapelketa bigarrenaren aurka jokatuko duen partidan erabakiko da, José Luis Muñozek puntu bat gutxiago duelako, hala ere garaipena lortzeko parrarekin nahiko adu.

Kadetean Markel Zuloaga (6 partidetan 5 puntu lortu eta gero) lidergoan dugu ere eta aurten burutzen ari den lan txukunaren erakusgarri dugu bere lehenengo postua. Behin behineko sailkapenean Ramon Elduayen eta Juan José Aroztegi ditugu 4,5 punturekin, eta merituzko laugarren postuan, gure taldeko Ibai Dorronsoro dugu 4 puntu dituela. Liderrak txapelketa irabaztea bere eskuan du eta atzekoek bere porrota itxaron beharko dute, txapelketa irabazi ahal izateko.

Gure jokalarien lana

Kadetean Ibai Dorronsorok garaipenarekin berriz topatu da eta Iker Ormaetxea garaitu eta gero, sailkapeneko laugarren postuan sendo darrai. Bere partida irabazi eta aurrekoaren porrota itxaron beharko du podiumean amaitu ahal izateko.Absolutuan Ramon Noguesek Jon Kuenderen aurka galdu zuen eta 26. postura jaitsi da. Hirugarren mailako txapelketan Iker Arrik Mario Gallegoren aurka parra lortu zuen eta 9. postutik 6.era igo da. Ricardo Camposek José López garaitu zuen eta 3 punturekin 11. postura igo da. Mariano Murielek Christian Sánchez garaitu zuen eta behin behineko sailkapeneko 15. postuan jarri da. Hirugarren mailako txapelketan, Ander Palavecinok Iker Rodríguez garaitu zuen eta sailkapenean 11. jarri da. Bestalde, Javier Azcuek José Antonio Irulegirekin galdu eta gero 26. postura jaitsi da.

IMAG0575 (640x362)
Mailaz igo ahal izateko Anderrek Asier garaitu beharko du eta aurrekoen porrota itxaron.

Datorren astean zazpigarren eta azken txanda jokatuko da. gure taldeko jokalariei zorte ona opa diegu.

Absolutua

Bigarren maila

Hirugarren maia

Kadetea

****************

Antolatzailearen webgunea: Gipuzkoako Xake Federakuntza

chess-results-era loturak:

Zuzenean absolutuko partidak ikusteko: GXT (Gros Xake Taldea)

Gipuzkoako banakako 5. txanda. Bolada txarra darrai

(leer en castellano)

Asteburu honetan Gipuzkoako maila ezberdinetako banakako txapelketetako bosgarren txanda jokatu dira eta aurrekoan bezala gure taldeko jokalariek ez dute lan txukuna egin.

Marianoren antzera Javierrek bertaratzerik izan ez zuelako partida galdu zuen
Marianoren antzera Javierrek bertaratzerik izan ez zuelako partida galdu zuen

Kadetean Ibai Dorronsorok txapelketa irabazteko faboritoa den Ramon Elduayenen “Donostiako Onyarbitarra”ren aurka galdu zuen eta 9. postura jaitsi da. Gogor aritu beharko du 3. postua lortu nahi badu. Absolutuan Ramon NoguesekAndoni Segoviaren aurka galdu zuen eta19. postura pasa da. Bigarren mailan Iker Arrik garaipena lortu zuen Jon Lertxundiren aurka eta 9. postura igo da. Ricardo Camposek Juan Luis Alfaroren aurka parra lortu zuen eta 2 punturekin sailkapenean 14. postuan mantentzen da. Mariano Murielek partida galdu zuen, gripeak jota bertaratzerik izan ez zuelako eta, puntu berdinekin 19. postura pasa da. Hirugarren mailako txapelketan Ander Palavecinok José Antonio Garridoren aurka galdu zuen eta sailkapeneko 12. postuan dago. Javier Azcuek bertaratzerik izan ez zuelako partida galdu zuen eta 2 punturekin 20. postura jaitsi da.

Datorren asteburuan seigarren eta azken-aurreko txanda jokatuko da:

Absolutuan

Bigarren mailan

Hirugarren mailan

Kadetean

****************

Antolatzailearen webgunea: Gipuzkoako Xake Federakuntza

chess-results-era loturak:

Zuzenean absolutuko partidak ikusteko: GXT (Gros Xake Taldea)

Gipuzkoako banakako 4. txanda. Emaitza kaxkarrak, Anderrek garaipena lortu zuen, Ramonek parra eta besteak galdu zuten

(leer en castellano)

Asteburu honetan Gipuzkoako maila ezberdinetako banakako txapelketetako laugarren txanda jokatu dira eta gure taldeko jokalariek ez dute lan txukuna egin.

DSC08997
Iker Arrik ez zuen jokatu Bye eskatu baitzuen

Kadetean Ibai Dorronsorok Markel Zuloagaren kontra galdu eta gero hirugarren postura pasa da. hala ere gelditzen diren txandetan lan txukuna eginda, lidergoa berreskura dezake. Absolutuan Ramon Noguesek parra lortu zuen Jokin Fernandez Zubiturren kontra eta14 postuan dago 3 punturekin, podiumeko postuetatik puntu osora. Bigarren mailan Iker Arrik jokatu ez zuen arren, 2 punturekin 12. postuan dago. Ricardo Camposek Sebastián Armendarizen aurka galdu eta gero, 1,5 punturekin darrai eta sailkapeneko 14. da. Mariano Murielek galdu egin zuen Eduardo Estévezen aurka eta 1 punturekin 18. postura pasa da. Hirugarren mailako txapelketan Ander Palavecinok Oscar Cabelloren aurka garaipena lortu zuen eta sailkapeneko 9. postuan dago 3 puntu dituelako. Javier Azcuek porrot egin zuen José Ramón Garcíaren aurka eta 2 punturekin 16. postura jaitsi da.

Datorren asteburuan bosgarren txanda jokatuko da:

Absolutuan

Bigarren mailan

Hirugarren mailan

Kadetean

 

****************

Antolatzailearen webgunea: Gipuzkoako Xake Federakuntza

chess-results-era loturak:

Zuzenean absolutuko partidak ikusteko: GXT (Gros Xake Taldea)

Gipuzkoako banakako 3. txanda. Emaitza onak, Ibai kadeteko sailkapenean lehena jarri da

(leer en castellano)

Urriaren 19an, larunbatean, Donostian, Gros Xake Elkarteak Karmelo Balda pilotalekuan duen lokalean, arratsaldez, Gipuzkoako banakako absolutu, bigarren eta hirugarren mailako txapelketen 3. txanda jokatu zen. Igande goizean, aldiz, kadetearen 3. txanda burutu zen leku berdinean.

Kadetean Ibai Dorronsorok Mikel Arechaga garaitu zuen eta jokatutako hiru partidetatik hiruak irabazi eta gero, lider jarri da. Absolutuan Ramon Noguesek Iñaki Aizpuruaren kontra irabazi zuen eta 14 postuan 6. Postutik puntu erdira. Bigarren mailan Ricardo Camposek Mikel Vicenteren aurka galdu zuen eta elkartearen jokalarien arteko derbyan Iker Arrik Mariano Muriel garaitu zuen. Iker Arri 6. da, Ricardo Campos 10. eta Mariano Muriel 14.  Hirugarren mailako txapelketan Javier Azcuek Antonio Estevezen aurka galdu zuen eta eta Ander Palavecinok garaipena lortu zuen José Luis Apellanizen aurka. Gure bi jokalariek bina puntu izan arren, Javier Azcue 8. Postuan dago eta Ander Palavecino 16. Postuan dago.

la foto(23) (480x640)

Datorren asteburuan laugarren txanda jokatuko da:

Absolutua

Bigarren maila

Hirugarren maila

Kadetea

****************

Antolatzailearen webgunea: Gipuzkoako Xake Federakuntza

chess-results-era loturak:

Zuzenean absolutuko partidak ikusteko: GXT (Gros Xake Taldea)

Gipuzkoako banakako 2. txandan gure jokalarien garaipenak eta porrotak, berdinketarik ez

(leer en castellano)

Urriaren 12an, larunbatean, Donostian, arratsaldez, Gipuzkoako banakako absolutu, bigarren eta hirugarren mailako txapelketen 2. txanda jokatu zen. Igande goizean, aldiz, kadetearen 2. txanda burutu zen leku berdinean.

Kadetean Ibai Dorronsorok Juan José Aroztegi garaitu zuen. Absolutuan Ramon Noguesek Iñigo Argandoñaren kontra galdu zuen. Bigarren mailan Iker Arrik José Vaqueroren kontra jokatutako partida galdu zuen, Ricardo Camposek Christian Sánchez garaitu zuen eta Mariano Murielek Rubén Sebastiani partida irabazi zion. Hirugarren mailako txapelketan Javier Azcuek eta Ander Palavecinok elkarren aurka jokatutako derbyan, lehenak garaipena lortu zuen.

IMAG0586 (640x362)

Datorren asteburuan hirugarren txanda jokatuko da eta bigarren mailako txapelketan beste derby interesgarri bat izango dugu:

Absolutua

Bigarren maila

Hirugarren maila

Kadetea

Gipuzkoako banakako txapelketako lehen txandan emaitza onak

(leer en castellano)

Larunbatean, IA Mikel Larreategi arbitro nagusiaren begiradapean, Gipuzkoako Banakako Txapelketei hasiera eman zitzaion eta bertaratutako gure 6 ordezkariek lan txukuna egin zuten, 4 garaipen parra bat et porro bat lortuz.

Igandean Kadeteari hasiera eman zitzaion eta bertan dugun ordezkari bakarrak, rankingeko 3. jokalaria den Ibai Dorronsoro-k Oscar Jauregiren kontrako partidan garaipena lortu zuen eta datorren igandean Juan José Aroztegi izango du aurkari.

Larunbatean Iker Arrik ateratako argazkiak:

Absolutoa lehen mailako txapelketarekin bat jokatzen da eta bertan ordezkari bakarra dugu aurten. Ramon Nogues, hasierako rankingeko 15. da eta lehen txanda landutako garaipena lortu zuen Jokin Mendiaren aurka. Bigarren txandan faboritoa den eta egun Gipuzkoako Txapelduna den MI Iñigo Argandoñarekin lehian aritu beharko da.

Bigarren Mailako Txapelketan hiru ordezkari ditugu: Mariano Muriel, Ricardo Campos eta pasa den urtean 3. mailako txapelketa lortu zuen Iker Arri. Iker, hasierako rankingeko 6. jokalaria da eta Eduardo Estévez garaitu ondoren, larunbatean José Vaquero izango du aurkari. Ricardo, zerrendako 17 da eta merituzko berdinketa lortu zuen txapelketako 7. jokalaria den Juan Miguel Imazen aurkako partidan. larunbatean partida gogorra izango du Christian Sánchez arriskutsuaren aurka. bere aldetik, Mariano, txapelketako 11.da eta lehen txandan rankingeko lehena den Carlos Berdoteren aurka partida polita egin arren, azkenean galdu zuen eta larunbatean Rubén Sebastianiren aurka lehian arituko da.

Hirugarren mailako txapelketan lehen aldiz Gipuzkoako Banakako Txapelketan lehiatu diren bi lagun ditugu, beren len partidan garaipena lortu dutelarik: Ander Palavecino (txapelketako 11. jokalaria) Juan José Otegui irabazi zuen, eta Javier Azcue (txapelketako 34. jokalaria) Xabier Moralen kontra garaipena lortu zuen. Parekatze sistemak larunbaterako derbya ekarri du eta gure bi jokalariek beren artean lehian arituko dira.

Gure ordezkari guztiek lan txukuna egingo dutela itxaroten dugu eta bertaratzerik izan ez duten eta aurreko urteetan lan txukuna eta sariak ekarri dituzten Daniel Garmendiaren, Andoni Oruberen eta Goio Uriarteren gabezia ez nabaritzea espero dugu.

Guztioi Zorte on!

Antolatzailearen webguneari lotura: Gipuzkoako Xake Federakuntza

Ibai Dorronsorok Euskadiko txapelketan brontzea lortu du

(leer en castellano)

Durangon Maiatzaren 25 eta 26an Euskadiko Xake Federakuntzak, antolatutako Euskadiko XXXII. Eskolarteko Jokoak burutu dira, alegia, Infantil eta (2. urteko) Alebin mailan eta bertan taldeko ordezkari bakarra izan dugu, infantil mailan: Ibai Dorronsoro.

Lehia gogorra egon da eta 6 txanden ondoren, bost jokalarik 4,5 punturekin amaitu dute txapelketa eta postuak erabakitzeko hiru desenpate sistema erabaili behar izan dituzte. Ibai Dorronsorok txapelketa bikaina burutu du bidean puntu eta erdi bakarrik utziz eta 1577 puntuko performacea lortuz,  txapeldunarekin galdu, bigarren sailkatuarekin parra egin eta beste partida guztiak irabazi dituelako.  Zorionak txapeldun!

Infantil mailako Euskadiko txapelketa: Sailkapen nagusia

Rk. Izena FED Elo Herriald. Ptk.  Des 1  Des 2  Des 3
1 Lagos Lejarraga Jon B 1530 Bizkaia 4.5 17.5 0.0 17.0
2 Garcia Mtnez de La Hidalga Alber B 1546 Bizkaia 4.5 16.5 0.0 15.5
3 Dorronsoro Larbide Ibai G 667 Gipuzkoa 4.5 16.5 0.0 13.5

Informazio gehiago  Euskal Xake Federakuntza eta chessresults.

Arestian esan bezala alebinmailako txapelketa ere jokatu da ondorengo podiumarekin amaitu delarik:

Alevin mailako Euskadiko txapelketa: Sailkapen nagusia

Rk. Izena FED Elo Herriald. Pts.  Des 1  Des 2  Des 3
1 Martinez Fernandez Adrian B 1675 Bizkaia 4.5 12.0 8.0 10.50
2 Aroztegi Tolosa Juan Jose G 0 Gipuzkoa 4.0 13.0 7.5 8.50
3 Valgañon Setien Irati B 0 Bizkaia 3.5 15.0 8.5 8.50

Zorionak jokalariei eta antolatzaileei egindako lan txukunagatik.