Gure klubak antolatuta, I. Udaberriko Marlaxka SUB-14 Txapelketagaur burutu da. Txapelketaren helburua Bidasoaldean dauden xake jokalari gaztetxoei aukera ematea da, Hondarribian eta irunen Klubak ematen dien Ikasleei bereziki, eta baita lortu ere, Hondarribiko eta Irungo Ikastetxe guztietik haurrak etortzeaz gain hendaiako ikastetxe batetako haurrak ere bertaratu baitzaizkigu.
Txapelketa Carlos Pascualek zuzendu du Óscar Díaz eta Óscar Holgado lagun izan ditue. Txapelketa Ventaseko Errepublikaren eraikinean burutu da Landetxako Auzolagunen Elkartearen laguntzarekin. Txapelketa bakarra burutu da, 5 txadetako, 10 minutuko partidetako Suitzar sisteman eta ondoren, lortutako emaitzak kontutan hartuz, adineko 3 sailkapen egin dira:
SUB-8 (Prebenjaminak)
Rk
H.Z.
Izena
Elo
Adin
Ptk
RecRp
14
11
Asier, Calvo Sobrino
1025
u8
3
1133
20
5
Iker, Tafall Villanueva
1050
u8
2
1059
22
3
Enaitz, Asorey Monzón
1075
u8
2
919
23
15
Alvaro, Carrión de la Torre
1000
u8
2
907
24
28
Aimar, Herrera
975
u8
2
862
25
10
Beñat, Ausin Rubio
1025
u8
2
816
27
20
Unai, larzábal Eizaguirre
1000
u8
2
724
29
33
Julen, Camacho
925
u8
1½
498
Grupo de edad U10 (Benjaminak)
Rk
H.Z.
Izena
Elo
Adin
Ptk
RecRp
1
1
Hodei, Herrera Hernández
1183
u10
5
2107
4
25
Nathaniel, Ibarra Whittecar
983
u10
4
1382
7
12
Kenneth, Couto Sánchez
1025
u10
3½
1277
8
36
Kerman, Solana Sutil
1049
u10
3½
1206
11
26
Gorka, De Juan Regatos
978
u10
3
1264
12
6
Markel, Behobide Guerrero
1047
u10
3
1248
16
13
Asier, Zabalo Garcia
1024
u10
3
1035
18
7
David, López-Carrasco Goñi
1042
u10
2½
981
SUB-14 (Alebinak/Infantilak)
Rk
H.Z.
Izena
Elo
Adin
Ptk
RecRp
2
2
Pablo, Zaporta Goñi
1100
u14
4
1591
3
32
Jokin, Etxaniz Mendieta
945
u14
4
1569
5
21
Jon, Gómez Oiartzun
993
u14
4
1226
6
34
Hodei, Guerrero Escudero
923
u14
3½
1323
9
4
Urtzi, Ibeas Etxeberria
1053
u14
3
1286
10
24
Eduardo, Fleta Rodríguez
988
u14
3
1280
13
29
Kerman, Igiñiz Iglesias
967
u14
3
1150
15
27
Nicolás, Aparicio Etxaniz
976
u14
3
1094
Guztientzako sariak egon ziren, maila bakoitzeko lehengo 5 sailkatuentzako diploma eta maila bakitzako lehenongoarentzako garaikurra. bertaratutakoen artean 6 kamiseta zozketatu ziren eta mahai joko bat.
Asieerek klubean zegoen giroa argazkietan jasotzeaz gain, gure klubaren nondik norakoak ezagutu asmoz eta hasi berri den 2014ko kirol denboraldiko asmoen berri izan nahian, gure taldeko presidentearekin solasalditxo bat izan zuen.
Hitzak gure klubak egiten duen berri ematen du maiz paperezko nahiz edizio digitalean. Horren adibide ditugu ostiralean paperezko edizioan agertutako informazio-oharra eta gaur edizio digitalean atera dute erreportaje zabala.
_____________________________________
2014ko urtarrilaren 10ean paperezko edizioan agertutakoa:
Hondarribia-Marlaxka Xake Elkarteko lehen taldeak Baionan hasiko du Gipuzkoako Liga, bihar. Aurten bost talderekin ariko da lurraldeko txapelketan Marlaxka —iaz lau izan ziren—, bana Ohorezko, Lehen eta Bigarren mailetan, eta beste bi talde Hirugarren Mailan. Donostiako Gros taldeak ditu talde gehien, zortzi, eta ondoren Marlaxka eta Zarauzko C. Iriondo taldeak daude, bostekin.
Oarsoaldeko taldeei dagokienez, bi izango dira, biak Errenteria-Oreretakoak. Mundarro-Oreretak hiru ordezkari izango ditu herrialdeko ligan, Ohorezko, Lehen eta Bigarren mailetan. Errenteriako beste ordezkaria, Beraun Bera Xake Taldea, Lehen Mailan ariko da 2014ko denboraldian.
[…]
_____________________________________
2014ko urtarrilaren 13an edizio digitalean agertu den erreportajea:
Kasino Zaharrean elkartzen dira Marlaxka elkarteko jokalariak
Baionan irabaziz hasi du Gipuzkoako Xake Liga Hondarribia-Marlaxkako lehen taldeak, Ohorezko Mailan lehiatuko denak (1,5-2,5). Bost talderekin lehiatuko da aurten ligan Marlaxka eta estraineko jardunaldian hiru garaipen eta bi porrot izan zituzten. Baionan lortutako garaipenari esker sailkapeneko hirugarren postuan jarri da Marlaxka A taldea. Eibar eta Anaitasuna ditu aurretik, 3 punturekin —biek 3-1 irabazi zuten—. Lehen Mailako taldeak ezin izan zuen emaitza bera lortu eta Elgoibarren galdu zuen, (1,5-2,5). Aldiz, Bigarren Mailan ariko den Marlaxka Ck Añorgari gailendu zitzaion etxean (3-1). Azkenik, Hirugarren Mailan derbia izan zen Hondarribiko bi laukoteen artean. E taldeak irabazi zuen larunbatean Kasino Zaharrean (3-1).
Bost talderekin lehiatuko da aurten Marlaxka Lurraldeko Ligan, bana Ohorezko, Lehen eta Bigarren Mailan eta bi talde Hirugarren Mailan. Garai batean Euskal Ligan aritzen ziren, baina taldeak profesionalizatzen hasi zirenean atzera egin zuen, elkarte txikia delako, aurrekontu txikikoa. Hala ere, iaz bigarren geratu zen Ohorezko Mailako taldea, ozta-ozta ez zen Euskal Ligara igo —bertan dira, esaterako, Irungo Batalla eta Errenteria-Oreretako Sustapen taldeak—.
Aste Santua bitarte lehian izango dira Marlaxkako bost taldeak, bakoitzak bere helburuarekin. Goio Uriarte elkarteko presidentea da eta Ohorezko Mailako taldean lehiatzen da. Azaltzen duenez, Hondarribiko taldearentzat liga aukera ona da jokalariak trebatzeko. “Ohorezko Mailako taldea iaz bigarren geratu zen, eta aurten nahiko genuke errepikatzea baina zaila ikusten dugu. Lanpetuta gabiltza eta xakean oso garrantzitsua da asko entrenatzea. Lehen eta Bigarren Mailan helburua da mailari eustea. Lehen Mailan gaztetxo bat sartu dugu bera baino eskarmentu handiagoa duen taldekideekin trebatzeko aukera izan dezan”.
Taldeko kide gazte bat
Eta Lurraldeko Hirugarren Mailan bi talde ditu Hondarribia-Marlaxkak. “Maila horretan ahalik eta jokalari gehien jokatzea nahi dugu, aukera eman denei”, azaldu du Uriartek: “Bi talde horietako batean Kasino Zaharreko adinduak eta gaztetxo batzuk aritzen dira, eta bestean gogoarekin datozen batzuk daude. Finean helburua da lehiatzea eta talderen batek maila galtzen badu ez da ezer gertatzen, igoko da beste urte batean”, gehitu du presidenteak.
Guztira 41 jokalari ditu taldeak eta horiekin jokatuko du ligan, tartean kadete mailako bi jokalari, adinagatik baimen berezia behar dutenak Hirugarren Mailan jokatu ahal izateko. Partida bakoitzean lau tablero daude eta, hortaz, lau jokalari joan behar dira talde bakoitzarekin. Hortaz, 20 jokalari lehiatzen dira astebururo Marlaxkarekin baina, 41 direnez, ez dute arazorik izaten kopuru horretara iristeko. Halaber, talde gehien dituen Gipuzkoako xake taldea da Hondarribikoa, Donostiako Gros handiaren atzetik —talde profesionala da, Lurraldeko Ligaz gain, Euskal Ligan, Espainiakoan aritzen da Gros eta Europako Txapelketa irabazi izan du munduko txapeldun ohiak fitxatuta—.
Haurretatik hasita Hondarribia-Marlaxkarekin xakean ikas eta aritu nahi duena Kasino Zaharreko ganbaratik pasa daiteke astelehen eta ostegun arratsaldetan, bertan elkartzen baitira elkarteko kideak. Teknifikaziorako elkartzen dira, baina hasi nahi duenari zer egin behar duen esango diote bertan. Hastapenak Irungo Kateako (Landetxa) auzo elkartean egiten dituzte, bertan baitu Marlaxkak Xake Eskola. Hogeita hamar haur baino gehiago daude izena emanda eskolan aurten, gehienak irundarrak.
Kasino Zaharrean, esan bezala, teknifikazioa lantzen dute eta ligan aritzen diren jokalariak izaten dira bertan. Elkarteko ordenagailuan bost milioi partidako datu-basea dute eta, nahi duenak, jokalari zehatz baten kontrako partida prestatu dezake. “Baina elkartearen asmoa ez da hori” —dio Uriartek—, “jokalari bakoitzaren maila hobetzea baizik. Horregatik hasberriei teoria irakasten diegu, liburu batzuk ditugu ikasteko eta gure artean jokatzen dugu, maila hobetzeko. Elkarrekin entrenatzen gara eta, horrela, partidak denen artean komentatzen ditugu. Hori da helburua. Agian ez gara hain lehiakorrak, baina haurrak asko janzten ditugu, haurrak, gazteak eta gu”. Gainera, adin desberdinetako jokalariak elkarrekin aritzen dira “eta hori inportantea da xake jokalari bezala, baina baita pertsona bezala”.
