Artxiboa laburpen hitzeka: match

HERRIKOLOREAK AZKOITIA 2018: Anaitasuna Kakuteren aurka 25 tauletara gure taldearen partidua

(leer en castellano)

Gaur goizean Azkoitiako Herrikolorak jaialdiko egitarau oparoaren barnean Txelu Fernandezek zuzentzen duen Anaitasuna Kakute Xake Taldeak 25 tauletara match bat antolatu du, ondo pasa eta xakea kalera ateratzeko ideiarekin. Luzatutako gonbita oso gustora onartu dugu. Bertaratutako guztiok beren onena eman badute ere, gaurkoan, lehia ez zen garrantzitsua, Azkoitiako lagunekin batera adiskidetasun bazkari batekin bukatu den egun eder honetako esperientziaz gozatzea baizik.

Guztioi Zorionak!

lotura interesgarriak:
  • Anaitasuna Kakuteren Webgunea: hemen
  • Maxixatzen webguneko kronika: hemen
  • Hitzako kronika: hemen
  • DVko krónika: hemen
Advertisements

Gipuzkoako eta Aragoiko gaztetxoen arteko xake jaialdia Donostian

(leer en castellano)

Atzo, 2013ko azaroaren 30ean, Donostian, Gros Xake Taldeak, bere egoitza duen Karmelo Balda pilotalekuan, goizez, Gipuzkoako eta Aragoiko 14 urte beherako jokalarientzako txapelketa antolatu zuen, Eliseo Argandoñaren zuzendaritzapean. Aragoiko taldea Utebo eta El Olivar taldeetako gaztetxoek osatzen bazuten, Gipuzkoako taldean Gros X.T.-ko jokalariez gain, Gipuzkoako beste taldeetako ordezkari izan zituen, gure taldeko Mikel Herrero, Ander Tafall eta Patxi Moreno izan genituela.

Jaialdia ederra suertatu zen, giro apartarekin.  Hasiera batean bi herrialdeetako taldeen  arteko partida izan behar zuenak, bost txandetako suitzarra izan zen. Jokatu beharreko bost partidak eta gero, denak irabazita lehen postuan bi jokalari zeuden baina Ivan Iturraldek txapelketa lortu zuen Jose Luis Muñozek baino desenpate hobeagoa zuelako.

Gure jokalariek fin ibili ziren, Patxi Morenok 4 puntu lortu zituen  lehen txandan Ivanekin galdu eta gero, hala ere, errenkadan beste guztiak irabazi zituelako sailkapeneko 8. postua lortu zuen. Mikel Herrerok eta Ander Tafallek, errenkadan lehen hiru partidak irabazi zituzten, baina, gero suerte pixka falta izan zuten eta ondorengo biak galdu zituzten, hiruna puntu lortuz. Sailkapen nagusian Anderrek 15. postua lortu zuen eta Mikelek puntu berdinak izan arren 18. Amaitu zuen txapelketa.

Zorionak antolatzaileei, irabazleei eta jokalari guztiei!

Argazkiak Mikel Tafall.