1980-2024. 44 urtetik gora Bidasoa eskualdeko xakearen eta xake zaletuen alde!!!
#Gogoratu Hondarribia Marlaxka Xake kluba helburu sozial argia duen kirol kluba dela.
💜 26 emakume, 64 laukitxo eta helburu bakarra: Berdintasuna
♟️ “Xakea zientzia, artea eta kirola da.” — Anatoly Karpov
Eta gaur, Hondarribian, emakumeen xakea ikusi dugun bezala, hori guztia praktikan jarri dugu: zientzia kalkuluetan eta estrategia guztietan, artea mugimendu sortzailetan eta kirola lehiaketan eta parte-hartzean. 💜
Gaur, 2026ko martxoaren 2an, Martxoak 8 – Emakumeen Nazioarteko Egunaren harira antolatutako jardueren barruan, Kasino Zaharrean ospatu da giro ederrean Hondarribiko Emakumezkoen 9. Xake Ttopara Berdintasunaren alde. Hondarribia Marlaxka Xake Klubak antolatu du, Emekirekin elkarlanean eta Hondarribiko Udalaren laguntzarekin.
💪💜 8 eta 83 urte bitarteko 26 jokalarik hartu dute parte.
Adin guztietako emakumeak taula berean, talentua eta ilusioa partekatuz. Txapelketa 10 minutuko finish erritmoan jokatu da, 3 txandako sistema suizoan, eta puntuazio berezi batekin, parte-hartzea saritzeko:
🏆 Garaipena: 3 puntu
🤝 Berdinketa: 2 puntu
👏 Porrota: puntu 1
Garrantzitsuena ez zen bakarrik lehiatzea, baizik eta elkarrekin xakeaz gozatzea eta Martxoaren 8a aldarrikatzea.
🏆 3-2-1 sistemako sailkapena
🥇 9 puntu
- ABUIN PARDAL OIHANA (3G)
- FONTAINE JOSETTE (3G)
- VARA CELAYETA MARENE (3G)
🥈 8 puntu
4. CARRILLO SALABERRIA TZANE (2G 1B)
5. URANGA SASTRE IRATI (2G 1B)
🥉 7 puntu
6. HERRERO GARMENDIA ARANTZA (2G 1P)
7. IMAZ ECHEVERRIA MARICRUZ (2G 1P)
8. LANDA ZAPIRAIN ANADELA (2G 1P)
9. MIHU HELENE (2G 1P)
10. OLAIZOLA ECHAIDE MIREN (2G 1P)
11. OSCOZ ALVAREZ ASCEN (2G 1P)
12. SERRANO SERRANO SABINA (2G 1P)
13. URANGA ROYO NEREA (2G 1P)
👏 5 puntu
14. BLANCO BAILADOR MARIBEL (1G 2P)
15. CALLE REDONDO ROSAMARI (1G 2P)
16. DIAZ AYU CARMEN (1G 2P)
17. EIZMENDI MANTEROLA JONE (1G 2P)
18. ELIZAZU AIZPEOLEA MARICARMEN (1G 2P)
19. ERRO JAUREGI KONTXI (1G 2P)
20. GALLO HERNANDEZ ILSE (1G 2P)
21. HERNANDEZ RODRIGUEZ MARTA (1G 2P)
22. NUÑEZ OLASCOAGA ESTITXU (1G 2P)
💜 3 puntu
23. ALBISU ZIORDIA LUCIA (3P)
24. BERROTARAN ETXEBERRIA MARIAJE (3P)
25. BLANCO BAILADOR ANA (3P)
26. GALLO HERNANDEZ ERIN (3P)
- Txapelketako ChessResultsera esteka: hemen
Ekitaldia Nerea Uranga Royo gure klubeko presidenteordeak eta Tamara Sastre Castillo Emekiko presidenteak zuzendu dute. Epaile lanetan Goio Uriarte Prieto aritu da, Patxi Diaz Elzo eta Agustin Querejeta Izaguirreren laguntzarekin.
Txapelketaren ondoren sari banaketa egin da: parte-hartzaile guztientzat oparia, eta lehen sailkatuarentzat opari berezi eta esanguratsua: “Hondarribiko txokoak” liburua, Emekik Udalarekin elkarlanean argitaratua.
Sari banaketan parte hartu dute Lupe Queiruga Oronoz Kirol zinegotziak, Josu Peña Alza Gizarte Ongizateko zinegotziak, Tamara Sastre Castillok eta Nerea Uranga Royok.
Helburua bete da:
✨ gozatu
✨ elkar ezagutu
✨ partekatu
✨ eta emakumeen talentua eta berdintasuna ospatu
♟️💜 Aupa xake jokalariak! Eredu zarete!
Zorionak parte-hartzaile guztiei eta ekimen hau posible egin duzuen guztioi!
Hondarribiko talde feministek eta eragileek (gure kluba barne) Hondarribiko Udaleko Berdintasun Sailarekin elkarlanean, hainbat ekitaldi antolatu dituzte Emakumeen Nazioarteko Eguna dela eta. 
Martxoaren 2tik 18ra, kultur, kirol, literatura eta aldarrikapen ekintzek emakumeen ahalduntzea, ikusgarritasuna eta saretzea izango dituzte ardatz.
Ikusi egitaraua: https://www.hondarribia.eus/eu/emakumeen-astea-2026
Eta Martxoaren 9an, Kasino Zaharra Emakumeak xake mahai gainean kolokioa izango dugu Eihartze Buiza Prieto xake jokalariaren eskutik, 19:00etan.
Eihartze Buiza Prieto (Bizkaia, 1999), Nazioarteko Xake Federazioak emandako Woman FIDE Master (WFM) titulua duelarik, xake jokalari nabarmena da. 2100 puntutik gorako FIDE ratingarekin, estatu mailako zein nazioarteko txapelketa askotan parte hartu du eta Espainiako emakumezko xakearen erreferenteetako bat bihurtu da.
Gaztea izanik ere, urteak daramatza neska zein mutil xake jokalariei klaseak ematen, eta prestakuntza-lan handia egiten du. Bere jardunaren zati handi bat Nafarroako promesa gazteen teknifikazioari eskainia dago, oinarrizko xakearen garapenean eta talentuaren sustapenean ekarpen garrantzitsua eginez. Bere ibilbideak, lehia-maila altua, hezkuntza bokazioa eta kirolaren bidez balioak eta berdintasuna transmititzeko konpromisoa uztartzen ditu.
Hondarribia-Marlaxka Xake Elkartea 