Hondarribia Marlaxka Xake Klubak 6 eta 13 urte bitarteko umeentzako xake ikastaroa antolatu du (bestelako adinetarako klubarekin hitz egin xakehondarribiamarlaxka@gmail.com.
Iraupena: 3 hilabete. 2015eko urriaren 6tik abenduaren 15era (hurrengo hiruhilabetekoetara luzatzeko aukerarekin).
Ordutegia: asteartetan, 17:30etik 19:30era. Ez da derrigorrezkoa 2 orduak egotea.
Prezioa: 30 € hiruhilabetekoarengatik (interesdunek, lehenengo klasera doan joan ahal izango dute).
Maila: maila guztiak. Hondarribiko neska-mutilei xakea ezagutaraztea eta kirol honetara gerturatzeko lekua eta denbora eskaintzea da gure ideia. Xakea ezagutzen dutenei jokoaren aberastasunean sakontzeko aukera emango zaie.
Lekua: Kasino Zaharreko ganbara (Damarri 1, Hondarribia)
Jardueraren arduradunak: Carlos Pacual, Goio Uriarte
Harremana: telefonoa 635 702 745 (Carlos Pascual) cpascualirun@gmail.com
Xakeak dituen onurak umeei begira:
Xakeak umeen adimen eta emozioak garatzen laguntzen du, sendotu egiten baititu ondokoak:
- Arreta, kontzentrazioa eta memoria.
- Aztertu, laburtu eta antolatzeko ahalmena.
- Presiopean arazoak konpondu eta erabakiak hartzeko gaitasuna.
- Arrazoibide logiko-matematikoa.
- Emozioen kontrola, eta arrakasta nahiz frustrazioa sentimenduak barneratzea.
- Ustekabeko egoera anitzetara egokitzeko gaitasuna.
- Nahiak lortzeko eta autoestimua eta konfiantza handitzeko ahalegina.
- Ekiteko gaitasuna eta talde lanerako ahalmena.
Hondarribia-Marlaxka Xake Elkartea 
One thought on “HAURRENTZAKO XAKE IKASTARO BERRIA ABIAN”