SUB-20 “CHESSY” XAKE AKTIBO IREKIA: Luis David Jimenez Txapeldun eta gure ordezkarien lan bikana

(leer en castellano)

Gaur, ekainaren 28, goizean, Gros Xake Taldeak Donostiako bere egoitzan antolatuta, Sub-20 “Chessy” Xake Aktibo Irekia jokatu da jokalari bakoitzeko 5min+5seg jokaldiko erritmoan eta 7 txandetako suitzar sisteman, 43 jokalari pare hartu dutela. etorkizun oparoa duten Gipuzkoako jokalari gaztetxo gehienak egon dira, beste probintzietatik etorritako jokalari batzuekin batera.

Txapelketa adina kontutan hartu gabe jokatu da eta ondoren, sailkapen orokorra kontutan hartuz, adin bakoitzaren sarietarako sailkapenak egin dituzte. Txapelketako podiuma ondorengoa izan da.

 

Sailkapen Nagusia

Rk.	H.Z.		Izena	FED	Elo	Ptu.	Des 1	Des 2	Des 3
1	3		Jimenez Almeida Luis David	ESP	2048	6.0	28.5	22.5	27.0
2	10		Sanchez Merino Christian	ESP	1658	6.0	27.0	21.5	22.0
3	11		Lagos Lejarraga Jon	ESP	1656	5.5	27.5	22.0	22.5

Gure klubaren ordezkariek Ander Tafall eta Paxi Moreno berriro ere, txapelketa bikaina burutu dute eta7 partidetan 4na puntu lortu dituzte, baina sailkapen orokorreko 18. Postua lortu du eta Patxik 13.a. Datu bitxia, elkarrekin parte hartu duten azkeneko hiru lehiaketak puntu berdinetan amaitu baitituzte, eta berriro ere, berdinketa hauste sistemak Patxiren alde egin du.

Patxik SUB 12 onenaren saria lortu du eta Txapelketan zehar, Mikel Vicente eta Christian Sánchez bezalako jokalari indartsuak garaitu dituelako eta, Euskadiko neska gazteen artean talentu handienetakoa den Eihartze Buizarekin parra lortu duelako 1727 puntuetako performantzia ikaragarriarekin amaitu du txapelketa.

Ander Tafallek SUB-12 mailan bigarren postua lortu du merituzko 1413 performantzia eginez, eta hain ikusgarria ez bada ere, nabarmentzekoa da, txapelketan laga dituen hiru puntuetatik bi, sailkapen orokorreko bigarrenaren eta hirugarrenaren postua lortu dutenen aurkako partidetan, irabazteko aukerekin, lehian gogorrean aritu ondoren, galdu ditu, Anderrek txapelketa izugarria egin duen seinale.

Bioi Zorionak!

Ander eta Patxi goizean egindako lanarekin ez dira ase eta arratsaldean Irungo jaietako  egitarauaren barnean Santiagoko Deabruak antolatutako Puzzle lehiketan gure lagunek parte hartu dute eta baita saria lortu ere.

Ondoren Mikel Tafallek eta Goio Uriartek egindako Xake txapelketako argazki erreportajea jartzen dizuegu:

Xake Txapelkean jokalariek jarritako jarrera eta kiroltasuna ikaragarria izan bada, antolaketa oso txukuna izan da eta jokalari eta bertaratutako ikusleei emandako tratua bikaina izan da.

Txapelketaren informazio osoa antolatzaileren webgunean: Gros Xake Taldea eta  ChessResultsen webgunean duzue.

Gazteentzako Xake Ikastaroak Uztailean Jarraipena Izango Du

(leer en castellano)

Ikasturtean zehar antolatu dugun xakeari hastapen ikastaroaren arrakasta dela eta, Hondarribia Marlaxka Xake Klubak jarraipena ematea erabaki du. Hortaz, datorren hilabeteko astearteetan, hots, uztailaren 1ean, 8an, 15ean eta 22an, 16:00etatik 18:00etara Kasino zaharreko teilatupean Hondarribiko gazteek, xakean jolasten hasi edota hobetzeko parada izango dute. izenematea irekia da eta doakoa. ez da egun guztietan bertaratu beharko ez eta ordutegi osoa betetzea.

 

Gazteentzako xake hastapen ikastaroa

Pazko astetik aurrera, 6 eta 14 urte bitarteko 23 gaztek parte hartu dute ikastaroan. Giro lasai batean bertaratutakoek xakean jokatzeko oinarrizko kontzeptuekin trebatu dira: xake piezen mugimenduetatik hasita, taktika ariketa errezetara eta hasiera printzipioak ikasiz. Xakean aritzeak duen onura edukatiboak ahaztu gabe, bertaratutako neska-mutilek beren kreatibitatea eta irudimena askatu eta taularen aurrean ongi pasatzea izan da gure helburu nagusia.

Zuen zain gaude!

Informazio gehiago xakehondarribiamarlaxka@gmail.com

Sestaoko 1. Sustapen Txapelketan gure taldeko ordezkariek lan txukuna egin dute

(leer en castellano)

Larunbata honetan, 2014ko ekainaren 21ean, herriko jaien barnean, Sestaoko Rivera de la Ría kaleko Hotel Navalean Sestaoko Xake Klubak antolatu duen 1. Xake Sustapen Txapelketa burutu da.

Gure jokalariak beren garaikurrekin Sestaoko Xake Klubeko Presidentarekin eta Txapelketako Zuzendariarekin

Sestaoko Xake Klubak antolatuta, Sergio Trigok zuzenduta, Miguel Ángel Almansa arbitro buru zuela eta ondorengo erakundeen laguntzarekin: Sestao EDP, Hotel Naval, Bizkaiko Foru Aldundia, Sestaoko Udala, Bizkaiko Xake Federazioa eta Euskadiko Xake Federakuntzarekin, Euskal herriko eta kanpoko 80 xake jokalari gazte parte hartu dute goizeko 10:00etatik arratsaldeko 17:00ak arte.

Gure espedizioa Ibai Dorronsoro, Ander Tafall eta Patxi Moreno jokalariek osatu dute, beren guraso (Iñaki, Mikel eta Rafa) eta taldeko Presia era bertara hurbildu direlarik. Eta gure jokalari gazteek egindako lana txalogarria izan da.

SUB-16 txapelketan Ibai Dorronsorok lan bikaina egin du eta 8 partidatan 7,5 puntu egin dituelako, lehen postuan sailkatu da, Jon Ander Santasekin berdinduta, eta azkenean lehen postua banatu dute, ze desberdintze sistema guztietan antzeko puntuekin amaitu dute txapelketa. Sub-12 txapelketan Ander Tafall eta Patxi Moreno izan ditugu eta biek 6,5 puntu lortu dituzte 8 partidatan, baina desberdintze sistemak erabaki du Patxik lehen eta Ander bigarren poztuan amaitzea.Merituzkoa izan da ere, Josu mmanterolaren 4. Postua, txapelketan Ander eta Patxirekin bakarrik galdu baitu.

Sestao Xake Klubeko gure lagun guztiei eskerrak ematen diegu eta egindako lan eta antolaketa egokiagatik zoriondu. Bestetik bertaratu diren xake jokalariei ere zoriondu nahi diegu egindako lan eskergarengatik. Datorren urtean berriz bertaratzen saiatuko gara seguru!

Mila esker eta Zorionak!

SUB 10 Amaierako Sailkapena

Rk.			Izena	FED	Elo	Hiria	Ptu.	Des 1	Des 2	Des 3
1			del Carmen Aimer	ESP	0		7.5	34.5	0.0	36.5
2			Gonzalez San Isidoro Javier	ESP	0	Burgos	6.5	29.5	0.0	37.0
3			Pascual Martin	ESP	0		6.0	30.0	0.0	38.5

SUB 12 Amaierako Sailkapena

Rk.			Izena	FED	Elo	Hiria	Ptu.	Des 1	Des 2	Des 3
1			Moreno Estebanez Patxi	ESP	0	Hondarribia	6.5	32.5	0.0	36.0
2			Tafall Villanueva Ander	ESP	0	Hondarribia	6.5	31.5	0.0	36.5
3			Malon Insausti Andres	ESP	1489	Navarra	6.0	25.0	0.0	34.5

SUB 14 Amaierako Sailkapena

Rk.			Izena	Tipo	FED	Elo	Hiria	Ptu.	Des 1	Des 2
1			Garcia Ortega Joseba	U14	ESP	0	Sestao	5.5	0.5	12.75
			Carazo Fernandez Constantin	U14	ESP	1426	Eus	5.5	0.5	12.75
3			Valgañon Setien Irati	U14	ESP	0		3.5	0.5	5.25

SUB 16 Amaierako Sailkapena

Rk.			Izena	Tipo	FED	Elo	Hiria	Ptu.	Des 1	Des 2
1			Santas Martin Jon Ander	U16	ESP	1750	Eus	7.5	0.5	24.75
			Dorronsoro Larbide Ibai	U16	ESP	1472	Hondarribia	7.5	0.5	24.75
3			Hurtado Pilatxi Patricio	U14	ESP	0	Sestao	2.0	0.5	2.50

 

Jarraian Goio uriartek egindako argazki erreportaje zabala:

Informazio gehiago antolatzailearen webgunean: Sestao Xake Kluba

Txapelketaren kronika Oberena taldearen webgunean: hemen

Sub-10 txapelketaren informazio osoa: hemen

Sub-12 txapelketaren informazio osoa: hemen

Sub-14-16 txapelketaren informazio osoa: hemen

 

 

 

 

Xake anitz 2014ko Hondaribiko Erdi Aroko Azokan

(leer en castellano)

Ekainaren 14 eta 15an burutu den Hondarribiko Erdi Aroko Azokan eta aldibereko xake partidek kokapen berria estreinatu zuten, Kasino Zaharreko lorategia. Taldeko jokalariek (Óscar Holgado, Iker Arri, Ramon Nogues, Patxi Moreno, Ander Tafall, Fernando García, Julio García, Fernando Hoyos eta Patxi López; laguntzaile moduan Carlos Pascual, Asier Cuesta, Jon Irigaray, Mikel Tafall, Ander Palavecino, Goio Uriarte eta Paulo Manterola) bertaratutako guztien kontra aldibereko xake partidak jokatu zituzten.

Bertaratutako guztiei mila esker!

Hondarribiko Udaleko Turismo Sailarekin adostutako ordutegia ondorengoa bazen ere, goizetan 12:00-14:00 bitartean eta arratsaldez 17:00-19:00 bitartean, gure jokalariek ordutegia handiagotu zuten bertaratutako jendeari jokatzeko aukera emateko.

Asteburuan zehar eguraldi aparta izan genuen eta bertaratutako klubekoen aburura aurtengo kokapena oso ona izan da eta giroa aparta!

 

Aurtengo Erdi Aroko Azokako beste ekintzetako argazkiak ikusteko edota beste urteetako argazki gehiago ikusteko: Festak.com

 

Javier Dominguez Villabonako IV. Behar Zana Txapelketako Irabazle

(leer en castellano)

Gaurko egunez Villabonan Behar Zana txapelketaren laugarren edizioa burutu da gure elkarteko ordezkaritza oparoarekin:  Iker Arri (5,5 punturekin 22 postua lortu du), Ibai Dorronsoro (5,5 punturekin 23. postua lortu du),  Patxi Moreno (5 punturekin 26. postua lortu du), Ander Tafall (5 punturekin 28. postua lortu du), Ricardo Campos (4 punturekin 34. postua lortu du) eta Mikel Tafall (4 punturekin 35. postua lortu du).

Mikel Tafallen argazki erreportaje laburra jarraian:

Txapelketa 11 txanda izan ditu eta blitz erritmoan jokatu da, jokalari bakoitzak partidako 5 minutu izan dituelarik. 41 jokalarik parte hartu du eta bertan gertatutakoaren informazioa guztia Chessresulteko ondorengo lorutan topatuko duzue, txapelketako sailkapena barne:  hemen.

 IV. BEHAR ZANA TXAPELKETAKO Podiuma

	Has.Z.		Izena	FED	Elo		Des 1	Des 2	Des 3
1	5		Javier Dominguez	ESP	2126	8.5	77.5	63.5	59.25
2	6		Mikel Ortega	ESP	2072	8.5	77.5	63.5	57.25
3	10		Mikel Alvarado	ESP	1960	8.5	70.0	60.0	50.00

gure taldekideek bertan izandako giro polita, antolaketa txukuna eta hamaiketako ona azpimarratu digute.

Villabonako lagunei egindako lanagatik, Zorionak!

Informazio gehiago Villabona Xake Joku Elkartearen webgunean.

Argazki gehiago Villabona X.J.E:ren webgunean: hemen

________________

Gogoan izan datorren asteburuan, ekainaren 14 eta 15ean, Hondarribiko Erdi Aroko Azoka izango dela eta gure elkarteak, bertaratzen direnen aurka aldibereko xake partidak antolatuko dituela. Zuen zain gerartzen gara.

Animatu!