Ibai Dorronsorok Euskadiko txapelketan brontzea lortu du

(leer en castellano)

Durangon Maiatzaren 25 eta 26an Euskadiko Xake Federakuntzak, antolatutako Euskadiko XXXII. Eskolarteko Jokoak burutu dira, alegia, Infantil eta (2. urteko) Alebin mailan eta bertan taldeko ordezkari bakarra izan dugu, infantil mailan: Ibai Dorronsoro.

Lehia gogorra egon da eta 6 txanden ondoren, bost jokalarik 4,5 punturekin amaitu dute txapelketa eta postuak erabakitzeko hiru desenpate sistema erabaili behar izan dituzte. Ibai Dorronsorok txapelketa bikaina burutu du bidean puntu eta erdi bakarrik utziz eta 1577 puntuko performacea lortuz,  txapeldunarekin galdu, bigarren sailkatuarekin parra egin eta beste partida guztiak irabazi dituelako.  Zorionak txapeldun!

Infantil mailako Euskadiko txapelketa: Sailkapen nagusia

Rk. Izena FED Elo Herriald. Ptk.  Des 1  Des 2  Des 3
1 Lagos Lejarraga Jon B 1530 Bizkaia 4.5 17.5 0.0 17.0
2 Garcia Mtnez de La Hidalga Alber B 1546 Bizkaia 4.5 16.5 0.0 15.5
3 Dorronsoro Larbide Ibai G 667 Gipuzkoa 4.5 16.5 0.0 13.5

Informazio gehiago  Euskal Xake Federakuntza eta chessresults.

Arestian esan bezala alebinmailako txapelketa ere jokatu da ondorengo podiumarekin amaitu delarik:

Alevin mailako Euskadiko txapelketa: Sailkapen nagusia

Rk. Izena FED Elo Herriald. Pts.  Des 1  Des 2  Des 3
1 Martinez Fernandez Adrian B 1675 Bizkaia 4.5 12.0 8.0 10.50
2 Aroztegi Tolosa Juan Jose G 0 Gipuzkoa 4.0 13.0 7.5 8.50
3 Valgañon Setien Irati B 0 Bizkaia 3.5 15.0 8.5 8.50

Zorionak jokalariei eta antolatzaileei egindako lan txukunagatik.

Advertisements

Eskola kirolaren jaialdia atzeratzen da

(leer en castellano)

Eguraldi iragarpena txarra dela eta, larunbata honetarako, maiatzak 25erako aurreikusia zegoen Bidasoa-Txingudi Mugaz Gaindiko Partzuergoak antolatzen duen Eskola Kirolaren Jaialdia, data berri bat bilatu arte atzeratuko da.

Urtero bezala, Bidasoa-Txingudi Mugaz Gaindiko Partzuergoa saiatzen da Hondarribiko, Hendaiako eta Irungo ahalik eta ikastetxe gehien biltzen Bidasoa-Txingudiko Eskola Kirolaren Jaialdian. Urtero txandaka antolatzen da partzuergo osatzen duten hiri batean maiatzaren azken larunbatean edo ekainaren lehen larunbatean goizez. Hala ere, aurten Hendaian antolatzea tokatzen bazen ere, Irunen errepikatzea erabaki zuten.

Sortu zenetik gure elkarteak jaialdia Hondarribian burutzen zenean laguntzen ibili da eta azkeneko urteetan Irunen eta Hendaian egin denean ere xake ekintza antolatzeaz arduratu gara.

Pasa den urteko argazkiak ikusteko sakatu hemen.

Bidasoaldeko Zonaldeko Benjamin mailako eta Landetxa Auzo Jaietako txapeldunak baditugu

(leer en castellano)

Igande honetan Landetxako auzo-lagunen elkartean elkarrekin bi xake txapelketa burutu dira, alde batetik Benjamin Mailako Bidasoaldeko zonaldeko Gipuzkoako Txapelketa eta bestetik Landetx Auzoko Jaietako haur txapelketa. Biak Landetxako Xake eskolak antolatu ditu, Hondarribia-Marlaxka Xake Klubaren eta Landetxako Auzo-elkartearen laguntzaz. Lehenean eskola kirolan izena eman duten xakelariek parte hartu dute eta bestean bertaratu diren beste hamaika jokalariak

Gipuzkoako Benjamin mailako Bidasoaldeko txapelketan 12 gaztetxo lehian aritu dira, hauetako lau neskatoak izan direla. Suitzar sisteman, bosna partida jokatu eta gero, podiuma ondorengoa izan da: Pablo Zaporta (1), Haritz Sein (2) eta Martin Etxepare (3).

Bertaratutako beste jokalariek (11 jokalari, horietatik 3 neskatila) suitzar sisteman aritu dira ere eta bosna partida jokatu eta Landetxa Auzoko jaietako txapelketako podiuma ondorengoa izan da: Ander Uranga (1),  Patxi Moreno (2) eta Jon Irigaray (3).

Bi txapelketako zuzendari lanak Julio G. Caberok bete ditu, eta arbitro lanetan Oscar Holgado eta Iker Arri aritu dira, azken hau informatika lanetan jardun delarik. Intendentziaren eta askariaren ardura Landetxa elkartekoek eta bertaratutako jokalarien gurasoek izan dute eta bai ondo egin ere.

Hemendik gutxira argazki gehiago eta bi txapelketako emaitzak jarriko ditugu.

Xakea non-nahi asteburu honetan

(leer en castellano)

Xake zaleak zorionekoak gara, asteburu honetan guztientzako ekintzak baititugu.

Larunbatean 17:00etatik aurrera Donostiara hurbiltzen denak gure taldekoak (Daniel Garmendia, Oscar Holgado eta Mariano Muriel) lehian ikusteko para izango du IX Udaberriko Groseko Openeko laugarren jardunaldian.

Igandean, 12:00etatik aurrera, Hondarribiko Mendelu auzoko Jaietan Iker Arri gure taldekideak aldibereko partida saioa eskainiko du bertaratzen den guztien aurka.

Bestalde, gaur amaitu da I. 14-AZP Udaberriko Txapelketan (Federakuntzak desagertutako KUTXA txapelketaren ordezko sortu duena) izena emateko epea eta gure klubak bi talde inskribatu ditu, Infantil mailan bata eta Alebinetan bestea. Txapelketa ondorengo igandeetan jokatuko da: maiatzaren 12an, 19an eta 26an, eta ekaineko 2an. Federakuntzaren baieztapenaren zain, dirudienez, errenterian jokatuko dute igande honetan 10:00etatik aurrera. Kutxako azken edizioetan sari mordoa lortu zutela gogoratzen dizuegu. Zorte hona opa diegu.

Azkenik, igandean, maiatzaren 12an, arratsaldeko 16:00etan, Landetxa Auzo-lagunen elkartearen egoitzan, Irungo Bentak auzoan,

Gipuzkoako Eskolarteko Bidasoaldeko Benjamin mailako Xake Txapelketa burutuko da.

Bide batez, izen emate epea, larunbata arte, maiatzaren 11 arte, luzatu egiten da ondorengo posta elektronikora idatziz: kabero53@hotmail.com

2003an eta 2004an jaiotako gaztetxoek parte hartu ahal izango dute. Lehiaketa absolutuan lehen gelditzen denak garaikurra izango du, 2.k eta 3.k domina jasoko dute. Bidasoaldeko lehenak garaikurra lortuko du eta ondorengo bostak domina bana.

Aldaketak egon badaitezke ere, txapelketa horrela antolatu dugu:

16:00etatik 16:15era bitarte izen emateen berrespena eta behin betiko parte hartzaile zerrendaren eraketa.

16:30ean lehenengo txanda

Ondorengo txandak (5 arte): 17:00etan, 17:30ean,<atsedena>, 18:30ean , 19:00etan

Zuen zain gaude!

Xake egun errepublikano polita ospatu dugu, parte hartze handi eta eguraldi aproposarekin

(leer en castellano)

Erreportaje azkarra: gaur burutu den txapelketaren berri ematen dizuegu, ondorengo egunetan gertatutakoaren informazio zabala eta argazkiak jarriko dizuegu.

Gaur, maiatzaren 4a, Bidasoaldeko Errepublikazaleen III. Xake Txapelketa burutu da 56 xakelari gaztetxoen parte hartzearekin. Gure elkarteak gogotsu darrai xakearen sustapenean eta Guerendiain irungo errepublikar elkarteak maiatzaren 4an  antolatu duen FESTA ERREPUBLIKARRAREN barnean, gazteentzako xake txapelketa antolatu du. eta bide batez, pasa den urtean zendutako Ricardo Sánchez Urolategui xakezale porrokatuaren omenezko ekitaldia bilakatu da. Parte hartzea ugaria izan da eta eguraldiak lagundu duela ezin uka.

Txapelketaren antolatzaile nagusia Julio García Cabero izan da, epaile lanetan Oscar Holgado, Iker Arri eta Mikel Tafall aritu direlarik. Sari banaketan elkarteko presidentea izan dugu, Irungo Errepublikar Elkarteko ordezkariekin batera eta partaide guztiek etxera sari polita eman dute. Benjamin Txikietan Aitor Gallego izan dugu txapeldun, Benjaminetan  Josu Manterola, Alebinetan Patxi Moreno eta Infantiletan Ibai Dorronsoro.

Txapelketa burutzen lagundu duten guztiei eskerrak ematen dizkiegu eta parte hartu duten guztiei zorionak!

Jarraian hiru mailetan izan ditugun podiumak ematen dizkizuegu.

BENJAMIN TXIKIAK
Izena T-1 T-2 T-3 T-4 T-5 Guztira
1. Gallego Aitor 1 0 1 1 1 4
2. Gallego Xabier 0 0 1 1 1 3
3. Rodrigo Oier 1 1 0 0 1 3
 BENJAMINAK
Izena T-1 T-2 T-3 T-4 T-5 Guztira
 1. Manterola Josu 1 1 1 1 0,5 4,5
 2. Etxepare Martin 1 1 1 1 0,5 4,5
 3. Sein Aritz 1 1 1 0 1 4
 ALEBINAK
Izena T-1 T-2 T-3 T-4 T-5 Guztira
 1. Moreno Patxi 1 1 1 1 1 5
 2. Tafall Ander 1 1 1 0 1 4
 3. Catalan Ander
1 0 1 1 0 3

Maila hauetako parte hartzaile eta emaitzak ikusteko sakatu hemen:  2013_III. Txap._Errepublikarra

Ondoren infantiletan gertatutakoaren berri ematen dizuegu:

INFANTILAK

Postua Izena                         Puntuak     Buch.-M Buch. Progr.

  1    Dorronsoro, Ibai                5          7.5  13.5   15.0
  2    Uranga, Ander                   4          9.0  14.5   12.0
  3    Basurko, Pablo                  3.5        8.0  14.5   10.0
  4    Kerexeta, Markel                3          7.5  12.0    8.0
 5-7   Lizarralde, Jon                 2.5        9.5  15.0    8.0
       Azurmedi, Aitor                 2.5        8.0  15.0    9.5
       Irigaray, Jon                   2.5        8.0  13.5    8.5
 8-10  Arias, Gabriel                  2          7.5  14.5    7.0
       Estomba, Paul                   2          5.0   8.5    6.0
       Indo, Aitor                     2          5.0   8.0    4.0
11-12  Elgorriaga, Aimar               0.5        7.0  11.5    1.0
       Arias, Nikolas                  0.5        6.5   9.5    1.0