Burlata: Mikel Gurea XV. txapelketan gure jokalarien emaitza onak, Ander Tafallek 4. postua lortu du

azaroa 30, 2014 kimgoyong 2 Iruzkin

Gaur, igande goizean,Hilarión Eslava kiroldegian, Mikel Gurearen XV eskolarteko xake txapelketa jokatu da Burlatan, Ibai Dorronsoro, Patxi Moreno, Ander Uranga eta Ander Tafall gure jokalarien parte hartzearekin. Gros XT-ko Ivan Iturralde eta Josu Manterola Gipuzkoako espedizioa osatu dute.

Argazkiak: Mikel Tafall, Juan Cruz Iturralde eta Goio Uriarte

Txapelketa hau, Nafarroako Federazioaren Zirkuitu Eskolarra den horretako hamaseitako bat den honetan 214 jokalarik parte hartu dute dauden maila ezberdinetan: Sub 8: 2006an edo ondoren jaiotakoena, Sub 10: 2004 eta 2005ean jaitakoena, Sub 12: 2002 eta 2003an jaiotakoena. Sub 14: 2000 eta 2001ean jaiotakoak eta Sub 16: 1998 eta 1999an jaiotakoak.

Gure ordezkariek Sub-16, Sub-14 eta Sub12 jokalariak lehiatu diren txapelketa elkartuan parte hartu dute eta bertan podiuma ondorengo aizan da: 1.- Odei Lerendegui (Mikel Gurea) 6 puntu. 2.- Alberto Gutiérrez (Peralta) 5 puntu eta 3.- Oier Lacruz (Mikel Deuna) 5 puntu.

Gure jokalarietatik hoberena Ander Tafall izan da, bigarren eta hirugarren postua lortu dutenekin berdinduta geratu baita bost punturekin, merituzko 4. postua lortuz, bere mailako Sub-12an hirugarren postua lortu duelarik.

Gure espedizioaren beste ordezkariei dagokionez, Ibai Dorronsorok bosgarren postua lortu du 4,5 puntu egin dituelako eta Sub-16an, bigarren postua lortu du. Patxi Morenok, 4,5 puntu egin ditu eta 7. postua lortu du. Ander Urangak, bere egunik onena izan ez badu ere, 3 punturekin amaitu du txapelketa 31. postuan.

Bestalde Gipuzkoarrei dagokionez, Gros XT-ko gure lagunek ere txukun aritu dira eta Ivan Iturraldek lau puntu lortu ondoren 8. postua lortu badu, Josu Manterolak, 3,5 punturekin amaitu du txapelketa 19. postuan.

Sari banaketa amaitu ondoren, Gipuzkoako bi taldeetako ordezkariak elkarrekin jatera joan gara, Nafarroako lur ederretan xake egun eder bati amaiera ezin hobea emanez.

Antolatzailea izan den Mikel Gurea Xake Klubari antolatutako txapelketa bikainagatik zoriondu nahi genuke eta bertan parte hartu duten jokalari guztiei egindako lan txukunagatik ere zorionak mena nahi dizkiegu.

Zorionak!

Emaitzak (Chess-Results) webgunean: hemen

Mikel Gurea Xake Klubaren webgunea: hemen.

Burlatako Udaletxeko Kirol patronatuaren webgunea: hemen.

Nafarroako Xake Federazioaren webgunea: hemen.

Kluba

100.000 Bisiten Kopurua Gainditu Dugu!

azaroa 23, 2014 kimgoyong Iruzkin 1

(leer en castellano)

Kaixo guztioi.

Gaurko sarrera guretzako oso berezia da. Gure taldekideentzako eta jarraitzaileentzako egin genuen gure elkarte txikiari buruzko Blog/Webgune xume honen ibilbidea hasi ganuenean, inoiz ez zitzaigun burutik pasa berri hau emango genuenik. Gure ahalegina bikoitza izan da, hasieratik argi baikenuen gure webgunea elebiduna izango zela, euskaraz eta gaztelaniaz idatzitakoa. Horretarako elkarri lotutako bi Blog/Webgune berdin-berdinak sortu genituen.

Orotara Euskaraz 9.354 bisita izan ditugu eta Gaztelaniaz 94.044 bisita.

Estatistikak:

Bisitak Euskaraz:

Bisitak Gaztelaniaz:

Bidean lagun asko izan ditugu, laguntza eta babes (hemendik Hondarribiko Udalari mila esker), hala nola, egozpenen eta ulergaiztasun txikiren bat ere. Duela hiru urte gure webgunea abian jarri genuenean izango zuen oihartzuna zein izango zen ez genekien eta horregatik oso kontent gaude, gure klubeko paretak gainditzeaz gain, gure herritik haratagoko oihartzuna izan dugulako.

Bisitak Euskaraz

Bisitak Gaztelaniaz

zuetako bakoitzari eskerrak ematen dizuegu gure txoko txiki honetara egindako bisitarengatik. Bide batez, beste batzuetan guretik pasatzeko gonbita luzatzen dizuegu, eta bertan zuen iruzkin, iradokizun, kritikak e.a. lagatzea eskertzen dizuegu.

Gure webgunean eta klubean itxaroten zaituztegu!

Kirol Emaitzak, Kluba

Gipuzkoako txapelketak amaitu dira: Absolutuan jose Luis Guijarro txapeldun. Gure jokalariek lan txukuna burutu dute.

azaroa 16, 2014 kimgoyong Iruzkin bat utzi

(leer en castellano)

Donostiako Gros Xake Taldearen egoitzan gaur amaitu dita Gipuzkoako Banakako Txapelketa ezberdinak (Gorengoen mailakoa edo absolutua, lehenengo mailakoa, bigarren mailakoa eta hirugarren mailakoa) eta zazpigarren jardu naldi honetan gure ordezkariek lortutako emaitzak onak izan dira (+3-1=1).

IMG-20141115-WA0018 (360x640) — Gure taldekideak azken jardunaldia hasi baino lehen; Andoni Orube, Ander Tafall, Patxi Moreno eta Carlos Pascual

Gipuzkoako Xake Txapelketa Absolututa Jose Luis Guijarrok irabazi du; Lehen mailakoa, Aritz Abaliak; Bigarren mailakoa Ander Martín eta hirugarren mailakoa José Miguel Sánchez. Gogoan izan duela aste bi gure taldekidea den Ibai Dorronsorok Kadeteko txapela lortu zuela.

ABSOLUTUA: Azken sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	2	Guijarro Galan Jose Luis	2189	2191	5.5	2008	2240	27.0
2	7	Galarza Cenzano Inigo	2020	2036	5.5	1930	2171	23.5
3	4	Urretabizkaia Merino Asier	2093	2081	5.0	2058	2228	26.5

LEHENENGO MAILA: Azken sailkapena (Chess-Results)

Rk.	H.Z.*	Izena	FIDE	EloN	Pts.	Des 1	Des 2	Des 3
1	16	Abalia Patino Aritz	1876	1846	4.0	2000	2021	26.5
2	21	Gallego Saez Mario	0	1819	4.0	1953	2061	25.0
3	18	Berdote Alonso Carlos	1842	1836	4.0	1854	1924	22.0

* gogoan izan gorengoen maila eta lehenengo mailakoak elkarrekin jokatu dutela.

BIGARREN MAILA: Azken sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	2	Martin Iribar Ander	1738	1687	5.5	1742	1965	25.5
2	7	Fernandez Zubitur Asier	1607	1563	5.0	1743	1879	25.5
3	6	Lertxundi Azpiazu Jon	1622	1592	5.0	1741	1885	26.0

HIRUGARREN MAILA: Azken sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	1	Sanchez Garcia Jose Miguel	1851	1838	6.0	1823	2097	29.0
2	3	Garmendia Diaz Xabier	0	1731	5.5	1775	2005	28.5
3	7	Ruiz Egana Xabier	1686	1699	5.5	1629	1869	25.0

KADETEA: Azken sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	9	Dorronsoro Larbide Ibai	1528	1478	4.5	1510	1911	12.5
2	1	Martin Iribar Ander	1738	1687	4.5	1469	1898	11.0
3	2	Munoz Avila Jose Luis	1711	1627	3.0	1670	1584	14.0

Argazkiak: Andoni Orube eta Goio Uriarte.

Gure jokalariei dagokionez:

Absolutuan gure ordezkari bakarra izan den Andoni Orubek azken jardunaldian Tomas Lazkano medean hartu ondoren, 3,5 puntu lortu ditu. Sei partidatan lortutako emaitza, lehenengo jardunaldian parte hartzerik ez baitzuen izan. Horrela, Absolutuan 20 postua lortu du eta lehenengo mailako sailkapenean 8. geratu da. Oso emaitza ona, 1964 puntuko performancea egin ondoren, 27,4 puntu ELO irabazi dituelarik.

Arestian esan bezala, bigarren mailan genuen ordezkariak duela bi aste txapelketan bere parte hartzea amaitutzat eman zuen eta azken jardunaldia burutu eta gero bere momentuan ziten 2 punturekin Mariano Murielek bere mailako 14. postua lortu du.

Hirugarren mailan hiru ordezkari izan ditugula gogoratzen dizuegu: Carlos Pascual, Ander Tafall eta Patxi Moreno.

Carlos Pascualek galdu egin du txapelketako azken partida Alberto Belosilloren aurka eta 3 puntu lortu ditu amaieran, 24. postuan sailkatuz. Carlosek ez du zorte handiegirik izan, ze txapelketan zehar posizio onak lortu arren, azkenean ezin izan ditu materializatu. Hala ere kontent agertu zaigu goruntzko linean dagoelako eta taldekideak berdin pentsatzen dugu.

Patxi Morenok txapelketako azken partida irabazi dio txapelketako zerrendako bigarrenaren jokalaria den Agustin Arrondori eta, 5 partidatan 7 puntu lortu ondoren, seigarren postua lortu du eta bigarren mailarako igoera lortu du.

Jardunaldi honetan gure taldekideen artean bere partida azkena amaitu duena Ander Tafall izan da, eta aurkari zuen Gros Xake Taldeko Cecilia Perez Irundarrarekinparra egin du, posizio zail batean gogor lehian aritu eta gero. bere lanak saria izan du eta merituzko 9. postua lortu du.

Irabazleei Zorionak!

Antolatzailearen Webgunear: GXF-FGA

Egoitza izan deln Elkartea: Gros XT

Lehian dauden txapelketan informazioa (Chess-Results) :

Villabona Xake Joku Elkarteko webguneko kronika: hemen.

Gros Xake Taldeko webguneko kronika: hemen.

Torneoak, Xake Eskola

II. Elorrioko Xake Jaialdia. 126 Gaztetxo. Ander Tafallek 9. postua lortu zuen SUB-16an

azaroa 12, 2014 kimgoyong Iruzkin 1

(leer en castellano)

Pasa den igandean, azaroaren 9an, goizeko 10:00etatik 14:30era bitarte, Elorrioko udaletxeko arkupeetan, Zaldibaltza Xake Taldeak antolatuta, Elorrioko Udalaren babesarekin, II. Elorrioko Gazte Jaialdia burutu zen, 6 txandetako suitzar sisteman, 15 minutu finish siteman, non 126 16 urte azpiko neska-mutil parte hartu zuten, SUB 16, SUB-10 eta Txikiak mailetan.

PODIUMA

TXIKIAK
   1   37 SEBAS MONTENEGRO    ESP  6  18  
   2   13 EKAIN GALARZA       ESP  5  22½ 
   3   24 JABIER RIEZU        ESP  5  21½

S10
Rank SNo. Nombre              FED Pts BUC 
   1   36 MANEX REGILLAGA     ESP  6  19½ 
   2   37 MAURO MENDEZ        ESP  5  21½ 
   3   16 DANI MUGICA         ESP  5  19½

S16
Rank SNo. Nombre                 FED Pts BUC 
   1    7 ARITZ EDER ELEXPE      ESP 5½  24  
   2   21 IGNACIO ZOCO           ESP  5  21½ 
   3   30 JOEL VELEZ             ESP  5  21

Gure jokalari gaztea, Ander Tafallek Josu Manterolarekin bertara joan bazen bertan Ivan Irurralderekin topo egin zuten. SUB_16 txapelketa jokatu ondoren Anderrek, Josuk eta Ivanek hurrenez hurren 9., 7. eta 5. postua lortu zuten .

20141109_143629 (640x360) — Ander Tafall, Ivan Iturralde eta Josu Manterola

Argazkiak: Mikel Tafall

Oso ondo antolatutako txapelketa, parte hartze handiarekin. Ander Tafallek esan digu eguna oso ondo igaro duela, ze bazkaldu ondoren, bere anai eta aitarekin eta Josu Manteorla eta aitarekin pilota partidak jolasten pasa dute arratsaldea bertako frontoian.

Antolatzailearen Webgunea: Zaldibaltza Xake Kluba

Maila ezberdinetako azken sailkapenak: hemen

Elorrioko Udaletxeko Webgunea: hemen

Kirol Emaitzak, Kluba

Gipuzkoako txapelketako 6. jardunaldia. Ander Tafallen garaipena, besteen porrota

azaroa 8, 2014 kimgoyong Iruzkin 1

(leer en castellano)

Donostiako Gros Xake Taldearen egoitzan burutzen ari den Gipuzkoako Banakako Txapelketa ezberdinetako seigarren jardunaldian gure ordezkariek lortutako emaitzak ez dira batere onak izan (+1-3=0). Ibaik pasa den astean Kadetean txapela lortu zuela gogoratzen dizuegu eta bigarren mailako txapelketan genuen ordezkariak, Mariano Murilek, pasa den astean txapelketa amaitutzat eman zuen azken bi jardunaldietan parte hartzerik ez zuelako. Hortaz, lau ordezkari izango ditugu datorren asteko zazpigarren jardunaldian: absolutuan bat eta hirugarren mailan beste hiru.

Absolutuan gure ordezkari bakarra den Andoni Orubek seigarren jardunaldian txapelketako rankingeko lehen jokalaria den Aitor Alkaideren aurka galdu eta gero, datorren asteburuan, azkeneko jardunaldian, Tomas Lazkanoren aurka lehiatuko da, hamaikagarren mahaian, pieza beltzekin.

ABSOLUTUA: 6. txandaren ondoren sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	2	Guijarro Galan Jose Luis	2189	2191	5.5	1998	2439	19.5
2	4	Urretabizkaia Merino Asier	2093	2081	5.0	2034	2375	19.5
3	7	Galarza Cenzano Inigo	2020	2036	4.5	1915	2108	15.5

25	27	Orube Bona Andoni	1779	1783	2.5	1858	1926	17.5

Arestian esan bezala bigarren mailan genuen ordezkariak pasa den astean txapelketan bere parte hartzea amaitutzat eman zuen eta ez du datorren asteburuan jokatuko.

BIGARREN MAILA: 6. txandaren ondoren sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	7	Fernandez Zubitur Asier	1607	1563	5.0	1740	1974	17.0
2	2	Martin Iribar Ander	1738	1687	4.5	1753	1956	18.0
3	5	Sanchez Merino Christian	1656	1643	4.0	1784	1875	20.0

12	8	Muriel Dominguez Mariano	1601	1584	2.0	1510	1537	17.0

Hirugarren mailan hiru ordezkari ditugula gogoratzen dizuegu: Carlos Pascual, Ander Tafall eta Patxi Moreno.

Carlos Pascualek galdu egin du Agustín Arrondoren kontra eta txapelketako azken jardunaldian, hamargarren mahaian, pieza beltzekin, Alberto Belosilloren aurka arituko da.

Patxi Morenok lehenengo mahaian txapelketako liderra den, Jose Miguel Sánchezen aurka galdu eta gero, azken jardunaldian txapelketako zerrendako bigarrenaren jokalaria deAgustin Arrondoren aurka lehiatuko da, laugarren mahaian, pieza zuriekin.

Jardunaldi honetan garaipena lortu duen jokalari bakarra Ander Tafall izan da, 8. mahaian, pieza beltzekin, José Ignacio Ruiz de Oñaren garaitu baitu. Horrela hirugarren mailako azkeneko jardunaldian, seigarren mahaian, pieza beltzekin, aurkari Gros Xake Taldeko Cecilia Perez Irundarra izango du.

HIRUGARREN MALA: 6. txanda ondoren sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	1	Sanchez Garcia Jose Miguel	1851	1838	5.5	1781	2164	20.0
2	3	Garmendia Diaz Xabier	0	1731	5.0	1735	1999	19.5
3	7	Ruiz Egana Xabier	1686	1699	4.5	1651	1845	18.5

7	20	Moreno Estebanez Patxi	1592	1550	4.0	1775	1898	20.5

10	12	Tafall Villanueva Ander	0	1657	4.0	1588	1779	20.0

18	8	Pascual Cuadrados Carlos	0	1679	3.0	1707	1713	19.5

Azken jardunaldian Zorte on!

Antolatzailearen Webgunear: FGA-GXF

Lehian dauden txapelketan informazioa (Chess-Results) :

Gorengoen Mailako Txapelketako partidak zuzenean ikusteko: Gros XT

Kirol Emaitzak, Kluba

Gure jokalarien emaitza politak Gipuzkoako txapelketako 5. jardunaldian. Ibai Dorronsoro Kadetean Txapeldun

azaroa 2, 2014 kimgoyong Iruzkin 1

(leer en castellano)

Pasa den asteburuan gure taldekideek Gipuzkoako Banakako Txapelketa ezberdinetako bosgarren jardunaldian egindako emaitzak oso onak izan (+4-1=1). Jokoan dauden lehiaketa ezberdinetan sei ordezkari ditugula gogoratzen dizuegu (absolutuan, bigarren mailan, hirugarren mailan eta kadetean).

ZORIONAK IBAI!!

Ibai Dorronsoro Gipuzkoako xake Federakuntzako presidente den Alex Cantabranaren eskutik Kadete Txapelketako garaikurra jasotzen

Posta honi Ibai Dorronsoro zorionduz hasiera ematen diogu. Txapelketa ederra eginez, gaur Gros xake taldeko Cecilia Pérez irundarra garaitu eta gero Gipuzkoako Kadete txapelketa irabazi duelako. Ibaik podiumean Ander Martín (bigarren) eta Jose Luis Muñoz (hirugarren) lagun izan ditu. Ceciliak merituzko laugarren postua lortu du.

KADETEA: Azken Sailkapena (Chess-Results)

Rk.	H.IZ.	Izena	FIDE	EloN	Pt.	Des 1	Des 2	Des 3
1	9	Dorronsoro Larbide Ibai	1528	1478	4.5	1510	1911	12.5
2	1	Martin Iribar Ander	1738	1687	4.5	1469	1898	11.0
3	2	Munoz Avila Jose Luis	1711	1627	3.0	1670	1584	14.0
4	10	Perez Sodupe Cecilia	1408	1616	3.0	1515	1665	13.0
5	12	Martinez Kilian	0	0	3.0	1378	1500	9.0
6	4	Jauregi Martinez-Artola Oscar	0	1645	3.0	1375	1460	10.0
7	5	Corral Gutierrez Aitor	0	1643	2.5	1373	1430	10.0
8	6	Casado Yurramendi Yon	0	1625	2.5	1170	1280	11.0
9	3	De La Hoz Uranga Jone	0	1654	2.5	1107	1234	10.0
10	13	Ormaetxea Iker	0	0	2.0	1507	1447	11.0
11	11	Lobo Felix	0	0	2.0	1463	1392	12.0
12	7	Kerexeta Zabala Markel	0	1619	1.5	1367	1284	12.0
13	8	Lopez Berruezo Aimar	0	1617	1.0	1257	578	9.5

Absolutuan gure ordezkari bakarra den Andoni Orubek mendean hartu zuen atzo José Ángel Burgaña eta txapelketa amaitzeko bi jardunaldi falta direnean 19. postura igo da. Datorren asteburuan 9. mahaian jokatuko du txapelketa rankingeko lehen jokalaria den Aitor Alkaideren aurka. Horregatik interneten bitartez jarraitu ahal izango duzue bera partida zuzenean.

ABSOLUTUA: 5. txandaren ondoren sailkapena (Chess-Results)

Rk.	H.Z.	Izena	FED	FIDE	EloN	Pt.	Des 1	Des 2	Des 3
1	4	Urretabizkaia Merino Asier	ESP	2093	2081	4.5	2095	2519	12.5
2	2	Guijarro Galan Jose Luis	ESP	2189	2191	4.5	1946	2405	14.5
3	8	Irure Crespo Egoitz	ESP	2005	2004	4.0	1865	1994	9.5

19	27	Orube Bona Andoni	ESP	1779	1783	2.5	1770	1955	11.0

Bigarren mailan pieza zuriekin, Jon Jauregiren kontra galdu eta gero Mariano Murielek txapelketan bere partaidetza amaitu du, hurrengo bi jardunaldietan parte hartzerik ez duelako.

BIGARREN MAILA: 5. txandaren ondoren sailkapena (Chess-Results)

Rk.	H.Z.	Izena	FIDE	EloN	Pt.	Des 1	Des 2	Des 3
1	5	Sanchez Merino Christian	1656	1643	4.0	1744	2533	7.0
2	7	Fernandez Zubitur Asier	1607	1563	3.0	1691	1858	8.5
3	2	Martin Iribar Ander	1738	1687	3.0	1557	1772	7.5

8	8	Muriel Dominguez Mariano	1601	1584	2.0	1482	1370	6.5

Hirugarren mailan hiru ordezkari ditugula gogoratzen dizuegu: Carlos Pascual, Ander Tafall eta Patxi Moreno.

Carlos Pascual Sergio Belosillo garaitu zuen eta datorren jardunaldian, 6. mahaian, pieza beltzekin, Agustín Arrondoren kontra arituko da. lortu duen garaipen honen ondoren sailkapeneko 11. postura igo da.

Patxi Morenok Xabier Garmendiaren aurka parra lortu eta gero, hirugarren postura jaitsi da eta datorren jardunaldian, lehenengo mahaian txapelketako liderra den, Jose Miguel Sánchezen aurka jokatuko du pieza beltzekin.

Ander Tafallek garaipenaren bidea berreskuratu du eta José María Santosen kontra lortutako azken garaipena eta gero, 14. postura igo da. Datorren astean 8. mahaian, pieza beltzekin, José Ignacio Ruiz de Oñaren aurka lehiatuko da.

HIRUGARREN MALA: 5. txanda ondoren sailkapena (Chess-Results)

Rk.	H.Z.	Izena	FIDE	EloN	Pts.	Des 1	Des 2	Des 3
1	1	Sanchez Garcia Jose Miguel	1851	1838	4.5	1689	2026	13.5
2	11	Mohseni Neik	1659	1643	4.0	1829	2058	13.5
3	20	Moreno Estebanez Patxi	1592	1550	4.0	1732	1931	13.5

11	8	Pascual Cuadrados Carlos	0	1679	3.0	1720	1738	12.5

14	12	Tafall Villanueva Ander	0	1657	3.0	1566	1673	13.0