Abenduko zubiko astean xake anitz, dibertsioa barra-barra, adiskidetasun handia eta emaitza bikainak: Benidorm Chess Openeko “Lions of Chess” txapelketan, Salamancako “Pablo de Unamuno” txapelketan eta Azkoitian burututako “Gaztedi-Kutxa” finalean. Azken honetan bi finaletan ordezkariak izan dituen Gipuzkoako kluba bakarra izan gara, Handietan azpitxapeldun eta Txikietan txapeldun izan garelarik.

1980-2020. 40 urtetik gora Bidasoa eskualdeko xakearen eta xake zaletuen alde!!!

(leer en castellano)

#NikDistantziaMantendukoDut

GAZTEDI FINALA 2021 – Gure lau ordezkariak oso txukun aritu dira!

Gaztedi Txapelketa – Kutxabank FUND.  2021 xake txapelketa jokatu da gaur Azkoitiko Gurea pilotalekuan eta Gipuzkoako 120 gaztetxok parte hartu dute finalean, 24 taldetan banatuta. Gure Xake Eskolako lau talde bertaratu dira, Hadietako talde bat eta Txikietako hiru talde:

• Handiak: Aritz Tornay, Jurgi Diaz, Milan Pejic, Gabriel Fernandez eta  Ehiartze Lopez
• Txikiak A: Iker Tafall, Gorka Tafall, Nora Lera eta Jon Diaz
• Txikiak B: Ekhi Larra, Jon Piedrola Piedrola, Martxel Alamndoz eta  Lizar Lopez
• Txikiak D: Oihan Perez, Kimetz Lekuona, Beñat Sagarzazu eta Jon de Liras

Goizeko 10:00etan hasi da lehia frontoian, eta 13:30ean amaitu dute azken xakelariek. Finala, beste urte batez, bi mailatan banatu dute: handiak eta txikiak eta gure klubak bietan ordezkariak izan dituen Gipuzkoako talde bakarra izan da. Handietan, Gros A-k garaipena lortu du eta Hondarribia-Marlaxka bigarren izan da. Txikietan, berriz, Hondarribia-Marlaxka A izan da lehena eta Fiancheto 2019 bigarrena. gure beste bi taldeak oso txukuna ibili dira ere, eta horrela, Hondarribia Marlaxka B taldea bederatzigarrena izan da eta Hondarribia Marlaxka D zazpigarren.

Zorionak Hondarribia Marlaxkako espedizioa osatu duten guztioi eta etxean geratu direnei ere bai, arrakasta Xake Eskola osatzen dugun guztioina baita! Zorionak!!!

• Antolatzailearen (Anaitasuna Kakute) webgunera esteka: hemen

Open “Pablo de Unamuno” 2021: Patxi Moreno (7º), Ander Tafall (13º), Aritz Tornay (42º) eta Jokin Etxaniz (66º).
Zorionak guztioi!!!

Abenduaren 3tik 8ra, Torneo de Ajedrez “Pablo de Unamuno” xake-txapelketa klasikoaren beste edizio bat egin zen Salamacan. Aurten, berrikuntza gisa, xake klasikoaren modalitatean jokatu zen. Txapelketa irekia da, Open delakoa, beraz, federazioaren lizentzia indarrean zuten xakelari guztiek har zezaketen parte. Lehiaketa honen egoitza Fonseca Artzapezpikuaren Pintura Aretoaren marko paregabea izan zen.

Haurrak Benidormera Lions of Chess jokatzera joan baziren, Patxi Moreno, Ander Tafall, Aritz Tornay eta Jokin Etxaniz txapelketa polita honetan parte hartzera animatu ziren. Artiz Tornay FGAren beka jaso zuen, eta gure klubak gainerako jokalariak joateko beka eman zien. Lauek ederki gozatu zuten, oso emaitza onak izan zituzten eta, bide batez, unibertsitate-hiri famatua ezagutu zuten. Hona hemen lehen 10 sailkatuen rankinga eta gureen emaitza:

Patxi Moreno, txapelketako 7. jokalari onenaren saria jasotzen

Rk.	H.Z.	T.	Izena	FIDE	Ptk.	D1	D2	D3
1	1	GM	Gonzalez Perez Arian	2456	7	56,5	44	43,75
2	5	FM	Bajo Gutierrez Ignacio	2245	7	52,5	41	38,5
3	7	CM	Garcia Dorado Alberto	2212	7	50,5	39,5	37,75
4	10		De La Cruz Revilla Miguel	2196	6,5	53	42	36,25
5	13	CM	Perez Nunez Saul	2156	6,5	50,5	39,5	33,75
6	3	FM	Ruperez Benito Antonio	2341	6,5	48,5	37,5	34,25
7	8		Moreno Estebanez Patxi	2201	6,5	46	36	34
8	11		Vidal Fernandez Pablo	2182	6,5	45,5	35,5	31,25
9	2	IM	Sanz Alonso Francisco J.	2346	6	50,5	39	32,5
10	12	FM	Ponce Cano Adrian	2174	6	49,5	39,5	30,75
13	18		Tafall Villanueva Ander	2004	6	47,5	36,5	30
42	48		Tornay Aritz	1667	4,5	42,5	33	15,75
66	60		Etxaniz Mendieta Jokin	1554	3,5	38	29,5	12,5

BENIDORM CHESS OPEN: ESPERIENTZIA BIKAINA

Benidorm Chess Open fantastikoa abenduaren 4tik 12ra ospatu da Meliá Benidorm hotelean. Abenduaren 5ean eta 6an egin zen Lion of Chess izan zen Jurgi Diaz, Goretti Laportek, Iker Tafallek, Jon Piedrolak, Gorka Tafallek eta Jon Siazek osatutako gure espediziorako plater nagusia. Bertan lagun beren gurasoak eta Masiu Goio botilero lanetan aritu zen.

Espedizioaren giroa oso ona izan zen, bertako klima, instalazioak eta gure jokalariek egindako xakea bezala, eta horrek sailkapenean islatu zen:

• Lions of Chess sub16 & sub14
• Lions of Chess sub12
• Lions of Chess sub10

Txapelketa goizean jokatu zen eta igande arratsaldean IM Daniel Rivera lagun onak emandako Master-Classaz gozatzera gonbidatu gintuztenFan Zone ederrean, non, hiru orduz, gure jokalari jaztetxoek xake asko ikasi eta maisuaren jakituriaz eta pasioaz gozatu zuten.

Astelehenean, txapelketa amitu ostean eta irabazitako sariak bilduta, espedizioa hondartzara joan zen futbol partida animatua jokatzera, eta hondartzan bainu batekin amaitu zen. Afalostean eta eguna amaitzeko, espedizio osoa boloekin asteburu eder bat ospatzera joan zen Heldua eta gaztetxoen gozagarrirako.

GAUEKO BLITZ TXAPELKETAK ETA ASKOZ GEHIAGO

 

Astean zehar hainbat ekitaldi izan ziren, bi egunetan goizez GM Perez Candelariok aldiberekoak eskaini zituen,  eta arratsalde batean zehar bertaratutakoen partidak ere aztertu zituen eta bi gauetan Blitz txapelketak. Maisu Goio Benidorren geratu zen, hainbat ekitalditan parte hartuz eta gaueko bi blitz txapelketak jokatzera animatu zen, nahiz eta ez oso emaitza onak lortu. txapelketa hauetan Openetan gertatutakoren antzera, espedizio hindu zabal eta indartsuko jokalariak izan ziren nagusi.

• BENIDORM CHESS OPEN “A” (U2400)
• BENIDORM CHESS OPEN “B” (U2000)
• TUESDAY CHESS
• FRIDAY CHESS

 

Aurreko berriak:

AZAROA LIBURUTEGIAN: XAKEA ETA EMAKUMEA

Hondarribiko Zuloaga Etxea udal liburutegiak Hondarriba Marlaxka Xake Klubarekin elkarlanean, xakea eta Emakumearen hilabetea antolatu dute azarorako. Eta horrela, Liburutegia jendearen topalekua ere badenez azaroan Hondarribiko liburutegian xakea eta emakumeak izango dugu gai nagusia. Ekimen Honetan Hondarribiko Udaleko Gizarte Zerbitzuetako sailaren laguntza izan dugu ere bai.

ASTELEHENEAN, DOAKO IKASTARO LIBREA LIBURUTEGIAN BURUTU GENUEN ETA ASTEAZKENEAN LAUGARREN ARIKETAREN IRABAZLEAK EMAN ETA ERAKUSKETA JASO GENUEN.

Astelehenean, azaroaren 19an, 18:00etan Hondarribiko Liburutegian, laugarren eskola irekia eta doakoa izan zen aurkeztu ziren guztientzat, eta gure Xake Eskolako astelehenetako “neska” nagusiek ere parte hartzen dutena. Eskerrik asko azoaroan klase hauetara agertu zareten guzioi, gogoratu xakena sakondu nahi duzuen guztiok klubeko astelehenetako saioetara etortzeko auekra duzuela!

LEHIAKETA

Laugarren ariketaren erantzuna asmatu zutenen artean 2. zozketa egin da eta zerrenda honetako pertsonak izan dira irabazleak: Zorionak!

• Goretti Laporte
• Nora Lera
• Mikel Tafall
• Ekhi Larra
• Ametz Azkue

ZORIONAK!!!

Saria jasotzeko liburutegitik pasa eta zure erantzuna duen e-maila erakutsi. Hondarribiko Liburutegiko ordutegia astegunetan 9:00/13:30 eta 16:00/20:00 da eta larunbatetan 9:00/13:30. Eta beheko maileguan eskatu behar duzue liburua. Eskerrik asko denoi!

 

 EKIMENAREN AZALPENA

Azaroan Hondarribiko liburutegian xakea izan dugu gai nagusia. Ildo horretan, batetik, liburutegi osoan zehar hainbat txoko prestatu dituzte Hondarribia Marlaxkak utzitako xake taulak, erlojuak eta abarrekin. Guzti hauek, gure joko maitearekin erlazioa duten liburu eta filmeekin ere atondu dute liburutegia.

Bestetik, astero Lehiaketa bat izan da, eta Xake Mate posizioak landu ditugu, baita xake eskolak eman ere.  Larunbatean, hilaren 6an, bestalde, xakean jolasten aldibereko partidak jokatu genituen, azaroaren 8an Leontxo Garciak Emakumea eta Xakea hitzaldia eman zigun, 12an Rafa Nuñezek bere komikiaren aurkezpena egin zuen, hilaren 17an, Reina de Katwe film luzea proiektatu zen eta 22an Eider Velascorekin hitzordua izan genuen eta sari ederra eman xakaren eta emakumeen alde Euskal Herrian egindako lanagatik. 25ean Klubak ZAPATA GORRIAK ekimenan parte hartu zuen. Azaroan burutuko dugun ekimen honen ardatzetako bat Emakumea da eta bertan Hondarribiko Udal Gizarte Zerbitzuen laguntza izan dugu. Bertaratu zareten guztioi eskerrik asko!

40 urtetik gora Hondarribia Marlaxka Xake Kluba helburu sozial argia duen kirol elkartea dela erakutzi dugu Bidasoko Xakea eta xakezaleez arduratuz eta gure izpiritua bere horretan darrai!