Jaietako txapelketako 4. edizioko irabazleak

(leer en castellano)

Gaur goizean, 2014ko abuztuaren 31n, igandea, Herriko Jai Nagusietako egitarauko ekintzen barnean, Hondarribiko Gaztelua IV. Xake Aktibo Txapelketa burutu da Hondarribiko Paradoreko tapizen gela ikusgarrian. Euskal Herriko paraje ezberdinetatik eta atzerritik etorritako 50 xakelari lehian aritu dira, goizeko 9:30etik hasita arratsaldeko 14:30era arte. Jokalari bakoitzak, 6 partida jokatuko ditu, suitzar sisteman, partidako 20 minutu izan dituela. BiNazioarteko maisu (MF) eta FIDE ELOtik 2.000 puntu gorako 13 jokalarik parte hartu dute.

Sailkapen Nagusia eta bestelako emaitzak ikusteko Arbitroen Atariko Txostena

Txomin Sagarzazu, Hondarribiko Udaleko Kultura eta Kirola Zinegotziak, Alex Cantabrana, Gipuzkoako Xake Federakuntzako presidenteak eta Hondarribia-Marlaxka Xake Klubeko presidentea eta txapelketako zuzendari den Goio Uriartek aritu dira sariak banatzen.

Jarraian IV. edizio honetako irabazleen zerrenda jartzen dizuegu.

Txapelduna: Garaikurra (Hondarribiko Udala), 150€ eta Hiruzta txakolin botila:  Josu Aguirre Canflanca

2. Sailkatua:  Garaikurra (Hondarribiko Paradorea), 75€ eta Hiruzta txakolin botila: Francisco Javier Torres Ganuza

3. Sailkatua: Garaikurra (Bacalaos Donostia), 50€ eta Hiruzta txakolin botila: Ivan Muñoz Perez

Bestelako Sairak:

1700 Elo azpiko lehen sailkatua. Garaikurra eta Hiruzta txakolin botila: Iker Arri Martinez

16 urtetik behera lehen sailkatua. Garaikurra eta Eroski Centerren motxila: Alex Arrese-Igor Royuela

60 urtetik gora lehen sailkatua. Garaikurra eta Hiruzta txakolin botila:  Silvestre Moreiro Sanchez

Bi lagunentzako Txantxangorri Jatetxean afariaren zozketa: Unai Iraola Iraola

Epaile lanetan luxuzko taldea izan dugu Juanjo Escribano (Nazioarteko mailako FIDE Epailea) entzutetsuak, Enrike Oiartzabal (Nazioarteko mailako FIDE Epailea) eta Javier Oyarzabal lagun izan baititu.

Jaietarako Hondarribia-Marlaxka Xake Klubak antolatu duen ekintza honek Hondarribiako Udala, Paradorea, Gipuzkoako Xake Federakuntza, Bacalaos Donostia, Eroski Center Hondarribia, Amaiur Altzariak, Hondar Jatetxea, Hiruzta Txakolindegia, Txantxangorri jatetxea  eta Totem Comunicaciónen laguntza estimagarria izan du.

Guztiei mila esker.

Jarraian Elisabet Seinek ateratako argazkiak  jartzen ditugu:

 

III. Hondarribiko Gaztelua Txapelketako azken txostena eskuragarri duzue

(leer en castellano)

Duela aste batzuk hitz eman bezala, azkenean, Juanjo Escribano epaile nagusiak egindako Hondarribiko Gaztelua Xake Aktibo Txapelketaren emaitza guztiak jasotzen dituen txostena eskuragarri jartzen dizuegu:

III. Hondarribiko Gaztelua Xake Aktibo Txapelketaren Txostena

eta berria Julián Lazkanotegi argazkilariaren erreportajearekin osatzen dugu:

Guztioi gogoratzen dizuegu txapelketa gure babesle-laguntzaileei esker burutu dela:

Hondarribiko Udala

Parador Carlos V de Hondarribia

Federación Gipuzkoana de Ajedrez

Muebles Amaiur  (Hondarribia)

 

Restaurante Hondar (Hondarribia)

Hiruzta Txakolindegia (Hondarribia)

Txantxangorri taberna jatetxea (Hondarribia)

Aitz Arrieta pastor de Hondarribia

Tótem Comunicación: diseño gráfico, impresión e internet (Oiartzun)

Babesleei, laguntzaileei, epaileei eta parte hartu zenuten guztioi, berriro ere,

Mila esker!

Hondarribiko Gaztelua 3. txapelketako oihartzunak

(leer en castellano)

Gure herriko Jai Nagusietako egun handienean Jai Zoriontsuak opatzeko aprobetxatu nahi dugu:

Gora Ama Guadalupekoa!

Jaietako programa

Era berean, Peter Toth gure lagunak jaietako xake txapelketan egindako argazki sortaren aukeraketa jarraian jartzen dizuegu. Egun batzuk barru, Juanjo Escribano arbitro nagusiak egindako txapelketaren txostena jarriko dugu eta Julian Lazkanotegi argazkilariak txapelketan egindako erreportaje grafikoa.

Bestetik guztioi eskertu astelehenean, irailaren 2an, gure webguneak 2014 bisita izan zituelako. Sortu genuenetik izan dugun bisita kopuru handiena.

Gure Taldeko Webguneak 2 urtetan 40.000 bisita kopurua gainditu du. Gure ekimenean laguntzen gaituzuen guztioi eta gure ibilbidea jarraitzen duzuen guztioi, mila esker!

Jaietako txapelketako 3. edizioko irabazleak

(leer en español)

Gaur goizean, 2013ko irailaren 1ean, igandea, Hondarribiko Gaztelua III. Xake Aktibo Txapelketa burutu da Hondarribiko Paradoreko tapizen gela ikusgarrian. Euskal Herriko paraje ezberdinetatik eta atzerritik etorritako 50 xakelari lehian aritu dira, goizeko 9:30etik hasita arratsaldeko 14:30era arte. Jokalari bakoitzak, 6 partida jokatuko ditu, suitzar sisteman, partidako 20 minutu izan dituela. GM bat, lau MF eta 2.00 puntu ELOtik 17 jokalarik parte hartu dute.

Sailkapen Nagusia eta bestelako emaitzak ikusteko Chess-Results

Epaile lanetan luxuzko taldea izan dugu Juanjo Escribano (Nazioarteko mailako FIDE Epailea) entzutetsuak, Enrike Oiartzabal (Nazioarteko mailako FIDE Epailea) eta Javier Oyarzabal lagun izan baititu.

Txomin Sagarzazu, Hondarribiko Udaleko Kultura eta Kirola Zinegotziak, Alex Cantabrana, Gipuzkoako Xake Federakuntzako presidenteak eta Hondarribia-Marlaxka Xake Klubeko presidentea eta txapelketako zuzendari den Goio Uriartek aritu dira sariak banatzen.

Jarraian III edizio honetako irabazleen taula jartzen dizuegu.

Txapelduna: Garaikurra (Hondarribiko Udala – Paradorea), 150€ eta Hiruzta txakolin botila:  GM Alejandro Hoffman (Arg)

2. Sailkatua:  Garaikurra (Hondar taberna jatetxea), 75€ eta Hiruzta txakolin botila: Ivan Muñoz Perez (Gip)

3. Sailkatua: Garaikurra (Amaiur Altzariak), 50€ eta Hiruzta txakolin botila: Antxon Serras Uria (Gip)

Bestelako Sairak:

1700 Elo azpiko lehen sailkatua. Garaikurra eta Hiruzta txakolin botila: Iker Arri Martinez (Gip)

16 urtetik behera lehen sailkatua. Garaikurra eta Aitz Arrietaren gazta: Ibai Dorronsoro Larbide (Gip)

60 urtetik gora lehen sailkatua. Garaikurra eta Hiruzta txakolin botila:  Silvestre Moreiro Sanchez (Gip)

Bi lagunentzako Txantxangorri Jatetxean afariaren zozketa: MF Carlos Nava Pereda (Viz)

Jaietarako Hondarribia-Marlaxka Xake Klubak antolatu duen ekintza honek Hondarribiako Udala, Paradorea, Gipuzkoako Xake Federakuntza, Amaiur Altzariak, Hondar Jatetxea, Hiruzta Txakolindegia, Aitz Arrieta gaztak, Txantxangorri jatetxea  eta Totem Comunicaciónen laguntza estimagarria izan du.

Guztiei mila esker.

Jarrraian Oscar Holgadok ateratako argazkiak  jartzen ditugu.