1980-2023. 40 urtetik gora Bidasoa eskualdeko xakearen eta xake zaletuen alde!!!
#Hondarribia eremu segurua gara
Gogoratu Hondarribia Marlaxka Xake kluba helburu sozial argia duen kirol kluba dela.
Gure batzorde zuzentzaile berriak hartu dituen lehenego erabaki garrantsitsuenetako baten berri ematen dizuegu. Haurrak era nerabeak babesteko protokoloa onartu du. Gure protokoloaren arduraduna Patxi Diaz Elzo da.
HAURRAK ETA NERABEAK BABESTEKO HONDARRIBIA MARLAXKA XAKE KLUBEKO ETA GURE XAKE ESKOLAKO KONPROMISOAK ETA PRINTZIPIOAK
Taldekide guztien ardura badugu ere, bereziki adingabeak babestea kirol entitate guztien betebeharra da, adingabeen ongizatea bermatzeko eta kirola egiteko espazio segurua eskaintzeko. Gure klubarentzat ezinbestekoa da betebehar hori egunerokotasunean betetzea eta ezagutzera ematea.
Horregatik, babesarekin dugun konpromisoa argia da, eta protokolo honetan zehaztuko da. Gure entitatean haurrak eta nerabeak babesteari lotutako alderdi garrantzitsu guztiak protokolo honetan jasoko dira.
Horrez gain, konpromisoa hartzen dugu, kirola egitearekin lotutako pertsona guztiek protokolo hau ezagutu, hedatu eta errespeta dezaten.
Egunerokoan sor daitezkeen indarkeria eta gatazka egoeretan honako hau bermatzeko konpromisoa hartzen dugu:
• Gure jardueretan parte hartzen duten haur eta nerabe guztien ongizatea.
• Garapen fisiko, emozional eta psikologikorako espazio osasungarri eta segurua izatea.
• Profesional, boluntario, familia eta adingabeen tratu ona, harreman guztietarako ezinbesteko tresna modura.
Adingabeak babesteko protokolo honen printzipioak honako hauek dira:
• Haurren eta nerabeen ongizatea.
• Haurren eta nerabeen eskubideak errespetatzea.
• Haur eta nerabeen interesak defendatzea gainerako pertsonen interesen gainetik.
• Haurren eta nerabeen parte hartzea.
• Legeak betetzea.
Gauzak horrela Hondarribia Marlaxka osatzen duzuen guztiei gure protokoloa irakurri eta zalantzarik baduzute galdetzeko eskatzen dizuegu.
HONDARRIBIA MARLAXKA XAKE KLUBEKO PROTOKOLOA
Eskerrik asko!
Hondarribian 2023ko abuztuaren 26an
Hondarribia Marlaxaka Xake Kluba
- Idazkaria: Daniel Garmendia Zubeldia
- Presidentea: Alvaro Minondo Torres
Euskadin adingabeei zuzendutako kirolaren esparruan ingurune seguru bat eraikiz:
- Aurkezpen gutuna
- HNIBBILO-ra sarrera gida erakunde eta profesionalentzat
- Gipuzkoako eragileentzako aurrez-aurreko AHOLKULARITZA ZERBITZUA. Egunak eta orduak. Akats zuzenketa
1. Arau esparrua
8/2021 Lege Organikoa, ekainaren 4koa, haurrak eta nerabeak indarkeriaren aurrean osorik babesteari buruzkoa.
1.1. Legearen xedea
Legearen xedea da haurrek eta nerabeek edozein indarkeria-motaren aurrean duten osotasun fisiko, psikiko, psikologiko eta moralerako oinarrizko eskubideak bermatzea, haien nortasunaren garapen askea ziurtatuz eta babes integraleko neurriak ezarriz, barnean hartuta sentsibilizazioa, prebentzioa, detekzio goiztiarra, babesa eta kaltearen erreparazioa bizitzaren eremu guztietan.
Hau da, lege horrek helburu hauek ditu kirolaren eta aisialdiaren eremuan: adingabeen aurkako indarkeria-egoerak prebenitzea, garaiz detektatzea eta horietan esku hartzea, eta ingurune seguruak eraikitzea.
Hondarribia-Marlaxka Xake Elkartea 