Artxiboa gaika: Kluba

Kluba

Hondarribia-Marlaxkak 2012ko Gipuzkoako Taldekako Partida Azkarren Txapelketan 3. postua lortu du

(leer en castellano)

Gaur Ibarran jokatu den Gipuzkoako Taldekako Partida Azkarren Txapelketan gure taldeak merituzko 3. tokia lortu du.  Taldea Goio Uriarte, F.J. Tores, Daniel Garmendia, Iker Arri eta Ricardo Campos osatu dute.

Beste urte batez Ibarrako Xake Elkarteak Gipuzkoako Partida Azkarretakotxapelketak antolatu ditu eta burutu duten lana bikaina izan da. Guztiak zoriontzen ditugu eta eskerrak ematen diogu, bereziki, Iñigo Muxikarei (taldeko presidente, txapelketako zuzendari eta epaile) burutu duen lan txukunagatik eta eman digun tratu beroarengatik, berriro ere, Mila esker!

DSCN0023
Lortutako garaikurraren testua

Errenteriako Fomento Cultural talde sendoak (Juan Benito, Daniel Dominguez, Ramon Ros eta Mikel Alvarado osatu dutena) ederki irabazi du txapelketa, Irungo Batalla (Carlos Cruz-Lopez, Juan Igancio Alonso, Luis Olaizona eta Antxon Serras osatu dute) faboritoa zen taldearen aurretik.

This slideshow requires JavaScript.

Taldekako txapelketaren PDF txostena argazkiekin: Txostena (taldeka)

Banakako txapelketaren datu guztiak: Chessresults

Bestalde, atzo banakako txapelketa burutu zen eta bertan gure taldeak ez zuen ordezkaritzarik izan. Gipuzkoako partida azkarren banakako txapelketako podiumean Mikel Alvarado (Txapelduna), Josu Agirre (2. sailkatua) eta Ramon Ros (3. sailkatua) izan ditugu.

Bnakako podiuma: Ramon (3), Mikel (1) eta Josu(2)
Banakako txapelketako podiuma: Ramon (3), Mikel (1) eta Josu(2)

Banakako txapelketaren datu guztiak: Chessresults

Zorionak txapeldunei, sarituei eta partehartzaile guztiei!

Advertisements

Lan txukuna egin arren gure ordezkariek ez dute podiumik lortu

(leer en castellano)

Gure elkarteko jokalari bakoitzak burututako lana txukuna izan den arren, Caissa, xakezaleen jainkosak ez du gaurkoan gure alde egin eta etorkizun oparoa izango duten gure jokalari gazteek ezin izan dute etxera garaikurrik ekarri.

la foto(8)
Andonik argazkia egiten duen bitartean, Ander, Mikel, Ibai, Jon eta Pablo gure elkarteko “promesekin” Iker Arri abagunea aprobetxatzen du, Juliok egoerarekin ongi pasatzen duen bitartean.

Gogoan izan behar da txapelketa Suitzar siteman izan dela eta adin guztietako jokalariak elkarren aurka jokatu dutela(19-10 urte bitertekoak) eta ondoren adinaren baitako mailatan sailkapenak osatu direla.

Jokalari bakoitzak 8na partida jokatu ditu eta Ibaik 5 puntu lortu ditu, Ander eta Pablo 4na puntu lortu dituzte eta Jon eta Mikel 2na punturekin amaitu dute txapelketa.
Txapeldunei zorionak ematen dizkiegu eta, noski, ere gure taldearen izena txukun defendatu duten gure ordezkariei.
Zorionak!

Gure ordezkariek hasiera ona izan dute Gazteentzako VI. Gipuzkoako Xake Aktibo Txapelketan

(leer en castellano)

Gaurko egunean, goizez eta arratsaldez, ohiko Gipuzkoako xake aktibo txapelketaren 6. edizioa jokoan dago 20-azpiko, 16-azpiko, 14-azpiko eta bigarren urteko Alebin mailetan. Txapelketa partidako 15 minutuko erritmoan jokatzen da, suitzar sisteman 8na partidetara, Gros Xake Taldeak Donostiako Anoeta pasealekuko 20 zenbakian, 3. solairuan, duen egoitzan.

Iker Arrik, Andoni Orubek eta Julio Garciak gure espedizioa gidatzen dute eta bertan, gure taldea ordezkatzen, ondorengo kirolariak lehian ditugu:

14 urte beherakoen mailan:
Ander Uranga Odriozola
Ibai Dorronsoro Larbide
Pablo Basurko Delgado
Jon Irigaray Ferreira

Eta 2. urteko alebin mailan:
Mikel Herrero Gomez

Guztioi Zorte On!

Gipuzkoako txapelketako argazki eta datu gehiago!

Gipuzkoako Txapelketako argazki gehiago ditugu eta informazio osatua (Kategoria edo mailaren gainean sakatuz  chessresults-eko datuetara pasako zara).

 

(leer en castellano)

 

Gorengo maila edo Absolutua:  Txapelduna: Iñigo Argandoña.  Azpi-txapelduna:  Jose Luis Guijarro. 3.a: Iñigo Galarza.

Lehenengo maila:  Txapleduna:  Claudio Mendicute. Azpi-txapelduna: Héctor Sánchez. 3.a: Pablo Ezquerro .

Bigarren maila: Txapelduna: Aníbal Fernández. Azpi-txapelduna: Daniel Garmendia (Hondarribia-Marlaxka Kluba). 3.a: Carlos Sánchez.

Hirugarren maila (Groseko Zonala): Txapelduna: Iker Arri (Hondarribia-Marlaxka Xake Kluba). Azpi-txapelduna: Aritz Abalia. 3.a: Jon Lertxundi.

Gure klubeko jokalarien argazkiak, argazkilariak:  Oscar, Ramon eta Daniel:

Klubeko jokalari bakoitzaren lana ezagutu nahi duenak jokalari bakoitzaren gainean sakatuz lortuko ditu: Iker ArriRicardo Campos, Daniel Garmendia, Oscar Holgado, Mariano Muriel, Ramon Nogues, Andoni Orube eta Goio Uriarte.

Bide batez, taldeko ordezkarien lorpenei buruzko 2012/12/12an HITZA egunkarian agertutako berrira lotura jartzen dizuegu.

Argazki gehiago:  Gipuzkoako Xake Federakuntzaren Webgunean eta Gros X. T.ren Webgunean.

Iker Arri 3. mailako txapelduna eta Daniel Garmendia 2. mailako azpitxapelduna!

(leer en español)

Gaur, 2012ko abenduaren 1a, larunbata, Gipuzkoako banakako hirugarren mailako , bigarren mailako, lehen mailako eta gorengo edo absoluto xake txapelketak amaitu dira

Gure taldeak maila guztietan gogor lehiatu diren ordezkariak izan baditu ere (Iker Arri,  Ricardo Campos, Daniel Garmendia, Oscar Holgado, Mariano Muriel, Ramon Nogues, Andoni Orube eta Goio Uriarte), guztietatik bik bakarrik lortu dute txapelketaren amaieran podiumera igotzea:

Iker (Ezk.) eta Daniel (Esk.) lortutako garaikurrrekin, Zorionak!
Iker (Ezk.) eta Daniel (Esk.) lortutako garaikurrekin, Zorionak!

Iker Arrik hirugarren mailako txapelketa irabazi du eta Daniel Garmendiak bigarren mailakoan bigarren postua lortu du eta lortutako emaitzengatik, ondorengo mailara igotzen direlarik

Laster argazki gehiago, emaitzak, loturak eta beste jarriko ditugu.

Azaroko “HONDARRIBIA herri aldizkaria”k eskolarteko txapelketaren berri eman du

(leer en español)

Hondarribiko Udaleko Euskara Sailak argitaratzen duen “HONDARRIBIA herri aldizkaria”k azaroko aleko 9. orrialdea eskolarteko xake txapeletari eskeini dio.

Aurten gure elkarteari  bi erreportai zabal eskeini dizkio. Argitalpen honi gure ekintzarekiko agertzen duen interesa eskertzen diogu.

Mila esker!

www.hondarribia.org/argitalpenak/hondarribia

Ibai Dorronsorok Kadetean 6. postua lortu du

 

(leer en español)

Igande honetan  Tolosan burutu den Gipuzkoako Xake Kadete Txapelketan  Ibai Dorronsorok podiumean amaitzeko aukerak bazituen ere, gaurko partida azpitxapeldun geratu den Aritz Abaliaren  kontra galdu du eta merituzko 6. postuan amaitu du txapelketa.

Txapelketako txapelduna Anaitasuna Kakuteko Carlos Sánchez Ruesga izan da, bigarren, arestian aipatutako Aritz Abalia Groseko jokalaria  eta, hirugarren postuan, Gros Xake taldekoa ere den Raul Gonzalez izan da. Kronika eta argazkiak Gipuzkoako Xake Federakuntzaren webgunean.

Ibaik txapelketa polita burutu du, hasiera motela izan arren eta honek txapelketa osoan eragina izan du, hala ere, merituzko partidak egin ditu, maila handikoak eta azkenean 5 puntutik 2,5 lortu ditu (Ibai Dorronsoro +2 -2 =1).

Zorte hobea datorren txapelketan!

Ibai Dorronsororen Diario Vasco-ko kirol gehigarrian

 (leer en español)

Atzoko DVko kirol gehigarrian elkarteak Gipuzkoako Kadete Txapelketan duen ordezkari bakarra den Ibai Dorronsororen argazkia topatu genuen eta txapelketa ona egiten ari dela ezin uka, hasiera motela izan arren, hiru partiden faltan, lehen postuetan amaitzeko aukera duelarik.

Ibairen emaitzak jarraitzeko sakatu hemen: KADETEA

Gipuzkoako beste mailetako txpelektetan ditugun gure taldeko ordezkarien eta errendimendu ezberdinak badaude ere (Bidasoaldeko beste jokalariak badaudela ahaztu gabe), gure elkarteko ordezkari batzuek beren mailetako lehen postuetan daude eta gelditzen diren hiru partidetan lan txukuna eginez gero, lehen postuetan amaitzeko aukera ezin hobea dute. Hala ere partidak  ez dira xamurrak izango. Zorte on guztiei!

Gipuzkoako maila ezberdinetako txapelketak jarraitzeko sakatu: ABSOLUTOA ETA LEHEN MAILA BIGARREN MAILA eta HIRUGARREN MAILA.

Diario Vasco egunkariak igandean ia orrialde osoa eskaini zigun

(leer en español)

Joan den igandean, azaroak 11, Diario Vasco egunkariak ia orrialde osoa eskaini zigun Bidasoako atalean, kiroletako alorrean. 

Duela aste batzuk Joel Iglesias kazetaria klubera etorri zen, eta luze “presiarekin” hizketan aritu ondoren, lokala ikusi ondoren eta bertan argazki batzuk atera ondoren, egun horretan entrenatzen ari zen zenbait gazterekin hitz egin zuen.  Artikuluan gure klubeko ideia eta helburu batzuk jasota daude.

Honelako artikuluek xakea eskualdean sustatzea nahi genuke. Leontxo Garciaren hitzetan (laguna eta klubeko garai bateko jokalaria ): “xakea ez da bakarrik ordu atsegin asko eskaintzen dituen kirola,  xakeak zure burua garatzen du, eta epe luzera gure osasuna era hobetu dezake”.

Gure ekintzen oihartzun diren kronika huen bidez, gure berri ez duten eskualdeko xake zaletuei, nor garen eta non gauden ezagutaraztea gustatuko litzaiguke.

Hona hemen artikulua.

Zuen bisitaren zain!

Txapelketa eskolarrean denok saridun

(leer en español)

Gau arratsaldean, 2012ko azaroaren 7an, arratsaldeko 17:15tik 18:15 bitartean,  2012ko Hondarribiko Xake Txapelketa Eskolarra burutu da Kasino Zaharrean.

Antolatzaile lanetan Goio Uriarte ibili da eta Daniel Garmendia eta Iker Arri epaile lanetan. Bertaratutako jokalariek (Ama Guadalupekoa eta Talaiako ordezkariak bakarrik  izan ditugu, tamalez Jesus Haurra ikastetxeko ordezkaririk ez baitugu izan), liga sisteman 5 minutu finisheko launa partida jokatu dituzte.

This slideshow requires JavaScript.

Partaidetza txikia izan arren jokalariek oso ondo pasa dute eta txapelketa amaitu ondoren guztiek saridunak izan dira eta podium postuetan amaitzea lortu dute.

Jon Irigarayk txapelketa irabazi du jokatutako partida guztiak irabazi eta gero. 2. Iker Rodríguez izan da 3 punturekin. 3. postuan 1 punturekin hiru lagun berdinduta geratu dira :  Naroa Rodríguez  Mikel Elduayen eta Julen García.

Guztiek oso lan txukuna egin dutelako, Txapeldunari eta parte hartu duten guztiei zorionak!