1980-2020. 40 urtez Bidasoa eskualdeko xakearen eta xake zaletuen alde!!!
#NikDistantziaMantendukoDut
2020ko azaroaren 20tik abenduaren 4ra
Zer egin dezakegu euskal hiztunok euskararen erabilera areagotzeko?
Galderak hainbat erantzun ditu, baina, guk, hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen dizuegu:
2020ko azaroaren 20tik abenduaren 4ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.
Nola egingo dugu?
Ondoko bi roletako bat har dezagun 15 egunez:
Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet.
Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.
Zer lortu nahi dugu?
- Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa posible dela frogatzea.
- Euskal Herrian euskara ulertzen duen jendea pentsatzen duguna baino gehiago dela jabearaztea eta euskara gehiagotan erabili dezakegula ikusaraztea.
- Hizkuntza ohiturak aldatzea norberaren hautua eta ariketa izan arren, bidea taldean eta batera, erosoago eta lagunduago egitea.
- Euskara erabiltzeko testuinguru eta egoera berriak, abegikorragoak eta babestuagoak sortzea.
Non egingo dugu?
Bakoitzak bere inguruan, bere ohiko harreman sareetan egitea proposatzen dugu: familian, lagunartean, lanean, eskolan, dendetan…
Horretarako, herriz herri antolatu gara, baita enpresa, ikasketa zentro eta era guztietako elkarte zein entitateka ere. Izena eman, eta ondoren, zure ingurukoekin parte hartu proposatzen dizugun ariketa honetan.
Nork har dezake parte?
16 urtetik gorako herritarrek eman dezakegu izena.
- Ahobizi izateko, euskaraz hitz egiten jakin behar da.
- Belarriprest izateko, gutxienez, euskara ulertu behar da.
Irizpideak betez gero, norberak erabakiko du zein roletan izena eman.
2020ko azaroaren 20tik abenduaren 4ra, Ahobizi edo Belarriprest ikurra soinean eraman, eta hizkuntza ohiturak aldatzeko ariketa egingo dugu!
Parte-hartzea entitateetan
Aurten bi modu egongo dira entitate barruan parte hartzeko. Batetik, ariguneak sortuko dira, eta ahobizi eta belarriprest moduan parte-hartuko badute ere, modu kolektiboan egingo dute ariketa. Eta, bestetik, ariguneetan egon ezin duten kideak daude; horiek, iaz bezala, norbanako moduan egingo dute ariketa: belarriprest eta ahobizi rolekin.
ARIGUNEETAN
Mota guztietako entitateek hartu ahal izango dute parte (erakunde publikoak, gizarte eragileak, enpresak, kooperatibak, kultur eta kirol elkarteak, eta abar), ariguneren bat badute. Ariguneek, edo euskaraz aritzeko guneek, euskaraz hitz egiteko aukera bermatzen dute uneoro, izan entitate barruan edo izan entitateak herritarrekin duen harremanean. Talde hauetako kideek ahobizi eta belarriprest modura jardungo dute Euskaraldiak iraungo duen 15 egunetan, baina ariketa modu kolektiboan gauzatuko dute ariguneetan.
Andorratik, GM Óscar de la Riva Aguado, klubaren lagun handia eta pertsona jatorra, 2000. urteaz geroztik egin diren Xakeko Olinpiada guztietan Andorrako lehen taulan jokatu duena, 1999. urtetik Federació d’Escacs d’Andorra federazioaren formazio arduradun eta irakaslea dena eta Andorrako Open Internazionalaren antolatzaileak zorionak eman dizkigu gure 40. urteurrenagatik.
Moltes gràcies Óscar i a tota la família ajedrecística d’Andorra
Vishy Anand, Julio Granda, Miguel Illescas, David Antón, Pepe Cuenca y El Divis, Mónica Calzetta, Jaime Santos, El Fo, Alejandro Hoffman, Martintxo Xake Taldea, Santurtzi Xake Taldea, Anaitasuna Kakute, Manuel Pérez Candelario,Sestao Xake Taldea, Sabrina Vega, Mihail Marin, Feliz Izeta, María Eizaguerri, Carlos Martínez, Jesús de la Villa, Marc Narciso eta Michael Rahal eta Ernesto Fernández-ek ere bai bideo hauen bitartez zoriondu gaituzte (bideoak ikusteko izenetan sakatu), GXF-GFA emandako zorionak, Viktor Moskalenkok oparitutako aldibereko partidak, Zenón Francok oparitutako liburua, Wadalupek egindako marrazkia eta Antonio Guderen FB bidez bidalitako zorionak ahaztu gabe. Bihotz bihotzez guztioi eskerrik asko!!!
Udalak esan arte 2020-2021 ikasturteko klaseak onlinera pasako ditugu
Pandemia hasi zenetik, Udalaren irizpideak jarraitu ditugu, eta ostegunean, aste batzuetan aurrez aurreko gure eskolaletan neurri guztiak bete ondoren, on line klaseetara itzuli gara eta txapelketa bat jokatu dugu Lichess-en elkarrekin solasaldian Skype bidez aritu garan bitartean.
Astearteko klasearen ondorengo Lichesseko txapelketako podiuma ondorengoa izan da, 60 minutuko iraupeneko 5+0 minutu partidako erritmoko Arena:
Astezkeneko klasearen ondorengo Lichesseko txapelketako podiuma ondorengoa izan da (60 minutuko iraupeneko 5+0 minutu partidako erritmoko Arena):
Osteguenko klasearen ondorengo Lichesseko txapelketako podiuma ondorengoa izan da (45 minutuko iraupeneko 5+0 minutu partidako erritmoko Arena):
Jostaldin burututako aurrez aurreko azkenn klaseetako argazkiak:
Eskerrik asko Hondarribiko Udalari beti ematen digun laguntzagatik eta EuskoClean garbiketa enpresari, aurrez aurreko klaseak izan ditun bakoitzean material guztia (aulki, mahai, xake taula, piezak eta beste) modu oso txukunean desinfektatu duelako.
Gipuzkoako banakako txapelketen atzerapena
Eusko Jaurlaritzak Covid 19ren aurka borrokatzeko dekretuaren aurrean, FGAko Zuzendaritza Batzordeak Gipuzkoako lau txapelketetatik (absolutua, bigarrena, hirugarrena eta kadetea) falta diren txandak atzeratzea erabaki du.
Unea iristen denean, berriz hastearen datak FGAren web orrian argitaratuko dira.
Jarraian urraren 24 eta 25ean jokatu zen azkeneko txandaren informazioa:
Gipuzkoako Banakako Txapelketak 2020-ko hirugarren jardunaldia Donostian
Urriaren 24 eta 25ean, Gros XT-ren lokalean, banakako Gipuzkoako Banakako Txapelketaren hirugarren jardunaldia burutu zen. Absolutua / Lehenengo maila, Bigarren Maila, Hirugarren maila, larunbata arratsaldez jokatu behar zirenurriaren 10ean, 17an, 24an, 31n, eta azaroaren 7an, 14an eta 21ean, eta Kadetea igande goizetan, urriaren 11n, 18an, 25ean, eta azaroaren 1, 8, 15 eta 22an, baina, arestian informatu dugunaren arabera, momentuz bertan behera gelditu dira. Txapelketa honetan gure hurrengo jokalariek parte hartzen dute:
Bigarren mailan:
- Jokin Etxaniz Mendietak 11. mahaian garipena lortu du Eneko Alberdi Jauregiren aurka
Hirugarren mailan:
- Fernando García Tajadak 22. mahaian galdu egin du Pablo Ursua Sanchez-en aurka
Kadetean:
- Hodei Herrera Hernandez-ek 1. mahaian Alex Odriozola Coscolin-en aurka galdu egin du
- Jurigi Diaz Etxaide-k 6. mahaian Zuhaitz Gimenez Lopez-en aurka
Hondarribia Marlaxka Xake Kluba Udalarekin lanean klubaren zuzeneko jarduera berme guztiekin abiarazi zuen duela aste batzuk. Ikasturte berrirako izen ematea irekita mantentzen dugu.
XAKE IKASTAROA 2020-2021
Klase motak (Gazteentzat eta Helduentzat)
Ordutegiak gure ikasleen beharretara egokituko ditugu, taldeak txikiak izango dira eta osasun berme egokiekin.
Izen-ematea: xakehondarribiamarlaxka@gmail.com
Informazio osagarrirako kontaktua: 653724877 (Goio)
-
Xakeak dituen onurak umeei begira:
Xakeak umeen adimen eta emozioak garatzen laguntzen du, sendotu egiten baititu ondokoak:
- Arreta, kontzentrazioa eta memoria.
- Aztertu, laburtu eta antolatzeko ahalmena.
- Presiopean arazoak konpondu eta erabakiak hartzeko gaitasuna.
- Arrazoibide logiko-matematikoa.
- Emozioen kontrola, eta arrakasta nahiz frustrazioa sentimenduak barneratzea.
- Ustekabeko egoera anitzetara egokitzeko gaitasuna.
- Nahiak lortzeko eta autoestimua eta konfiantza handitzeko ahalegina.
- Ekiteko gaitasuna eta talde lanerako ahalmena.
Argazkia: El periodico de Extremadura. Jaque mate al deterioro cognitivo Klubaren helburuetako bat xakearen zabaltzea da eta heldu eta adinekoei gure kirola ezagutzeko aukera eman nahi diegu, dibertigarria ez ezik, adin guztietan bestelako onurak dituelako:
- hobetze espiritu osasuntsua lantzen du.
- buru-argitasuna eta memoria mantentzen laguntzen du.
- Ikasteko gaitasuna lantzen du.
- nagikeria mentala saihesten du.
- ideia sortzaileak sustatzen ditu.
Gogoratzen dizuegu ez dela jai ekitaldirik egon aurtengo 2020ko Hondarribiko Jaietan
Hondarribia Marlaxka xake kluba osatzen dugun familiak bat egiten zuen Udalarekin, gainerako elkarte eta klubekin eta egun berezi horietan, Covid19ari xake mate emateko ez genuen ekitaldirik antolatu.
Partida honetan, arduratsua izatea da estrategiarik onena.
Horregatik,…
AURTEN HONDARRIBIA ARDURATSUA
GORORATU
Martxoaren 12tik Hondarribiako Udalak eta gainerako autoritateek hartutako erabakiak lasaitasunez, errespetuz eta koherentziaz onartuz, abisu berri bat izan arte, klubaren jarduera presentziala bertan behera geratu zela.
Baina, gure klubak online Bidasoko eskualde guztiarentzat lanean jarraitzen duela!
Animatu zaitez!
-Batzorde Zuzentzailea-
Hondarribia-Marlaxka Xake Elkartea 
One thought on “Euskaraldia 15 egun euskaraz”