Gaur, urriaren 28a, goizez, Sergio Trigo lagunak zuzendutako Sestaoko V. Sustapen Txapelketa burutu da, Sestaoko La Benedicta Kiroldegian, Mikel Almasa arbitro nagusi izan dela.
Sub 10, Sub 12, Sub 14, Sub 18 mailak izan dituen txapelketa honetan gure Xake Eskolako ondorengo ikasleak bertan izan ditugu sub 10ean jokatzen:
- Aimar Arretxe Amiano
- Telmo Conde Esteban
- Adur Muñoz Ferreira
- Ibon Muñoz Ferreira
- Gorka Tafall Villanueva
- Iker Tafall Villanueva
![](https://marlaxkaxakeeu.wordpress.com/wp-content/uploads/2018/10/09497eef-95c4-4c77-93ed-3005d621768d.jpg?w=474&h=356)
Guztiok oso ondo pasatzeaz gain, partida txukunak burutu dituzte eta emaitza oso onak lortu. Horrela, Gorkak 6 partidetan 6 puntu egin ondoren txapela lortu du eta baita 1800 Eloko performancea egin ere (noski emaitza perfektuak inflazioa darama). Ikerrek hirugarren postua lortu du, partidetan 5,5 puntu egin eta gero, 1366 puntuko performancea eginez. Aimarrek 1315ko performancea egin ondoren, 5 puntu egin ditu 6 partidetan, Ibonek lortutako berdinak, baina azken honek, 1273 puntuko performancea egin du, eta biek 4-5 postua elkarrekin partekatu dute. Telmok 6 partidetan 4 puntu egin ditu eta 1125eko performancea txapelketako 26. Postua lortuz. eta Adurrek 1000 puntuko performancea egin du, 6 partidetan 3 puntu lortu eta gero. Txapelketan beren emaitzak eta aurkariak ezagutu nahi badituzue bakoitzaren izenaren gainean sakatu. Jarraian maila bakoitzeko sailkapenenetara lotura ematen dizuegu:
Ondoren elkarrekin bazkaltzera joan dira eta bolotan arratsalde animatua pasa dute.
![](https://marlaxkaxakeeu.wordpress.com/wp-content/uploads/2018/10/65321302-287b-42de-ad3d-4dc818ad4339.jpg?w=385&h=684)
Gaur gure espedizioak eta Eider Velascok (mila esker eta Aupa Martintxo Xake Kluba!!!) egindako argazki sorta: